الحوار المتمدن - موبايل
الموقع الرئيسي


عرس الدم

كريم ناصر
(Karim Nasser)

2015 / 4 / 29
الادب والفن


واشلون انسه أنهار الدم
منهو اليكَدر يقره الدم؟
إنطيني إهلال وبيرغ أحمر
إنطيني إولايه لروحي الضاكَت ضيم الغربه بليل امدلهم
إتظلّ اتلوب
إبلايه اذنوب
يا من خلكَك خلكَـ ايوب
يا من شلت اهموم الدنيه ولوم اللايم
الغيم إينوح
إتهيم الروح
يا ما شفت اشكال إجروح
ويا ما كَلبك يمطر دم
***
كَلي أو روحي وروحك/
منهو ايشلّ انزيف اجروحي
ومنهو ايلم اجروح اجروحك من الدم ابيت الدم؟
إعلكَلي إشموع
إعلكَلي الكَمره
إبسد الكَمره اتخضّر ورده
ها يا نهر تريد اسيول
إولاية دم
إبخد ابلادي اسيول اتفيض بلون الدم
إشمحله اعيونك تنزف هم
إشمحله ادروبك يا بو اخدود اتكطّر دم
هو الشايف بحر الدم ايهاب الدم
هو الشكَـ نهران الخوف اشلون ايخاف الليل الأظلم
جرحي إيهون
وجرحي إيهيد
وها هي اجروح جروحك غضّه وما تلتم
وك شنهي ولا نسكت مره وللعايل مو نطلب دم
وك عمري ولا يندل موت
إجفوف اتمزّكَـ وجه الحوت
هبّ يا إنته الريح إتلالي
وكَاع الله اتبوس الأطفال المجروحين
وكل دشداشه اتنث اهموم ابعيد الدم
سجّل يا تاريخ بكَلبك
بغداد ايعزّمها السيل ابعرس الدم.





التعليق والتصويت على الموضوع في الموقع الرئيسي


اخر الافلام

.. فيلم السرب يتخطى 8 ملايين جنيه في شباك التذاكر خلال 4 أيام ع

.. الفنان محمد عبده يكشف عبر برنامج -تفاعلكم- أنه يتلقى الكيماو



.. حوار من المسافة صفر | الفنان نداء ابو مراد | 2024-05-05


.. الشاعر كامل فرحان: الدين هو نفسه الشعر




.. جريمة صادمة في مصر.. أب وأم يدفنان ابنهما بعد تعذيبه بالضرب