الحوار المتمدن - موبايل
الموقع الرئيسي


يعني شنو؟

مزمل الباقر

2015 / 5 / 22
الادب والفن


يعني شنو
لما .. يجيك ..
عطرها
في آخر ..ساعات ..
الليل؟

يعني .. سهر ........ طويل
بالحيل
وتشغل بالك .. بي
ذكراها

يعني.. النوم .. ينساك
في لحظة
يخلي ..عيونك .. مشرعة
بالتفكير

يعني عيونا .. تجي قدامك (1)
وبينك .. وبينا ..
النيل
والليل

يعني .. جفونا .
نامت .. بدري
وغرقت .. في الأحلام
براحة

وانت .. براك
في.. عز الليل

يجيلك ... عطرها
يدخل ليك .. من باباً
سري ..
وتغرق في ..
تفاصيل ..
وتفاصيل


يعني ... خيالك
يفضل .. صاحي
يونسك (2)
فيك

من .. يوم
لقاك .. الأول
بيها

ولي .. آخر
ثانية
شفتها .. فيها
وهي .. بتضحك
ليك ... وتعلق
وانت ... بريدا (3)
ديمة (4) .. معلق

يعني .. شنو؟
لما .. العطر ...... الوصلك
منها
يحلف إنك
ما حتنوم ..

وكلما .. تاخد
نفسك ..
تلقى ..العطر
اتخلل ..
جوه ..مسامك
ملا .. وجدانك
وسكن ..في حجرات
القلب ...

يعني ..تبقى
محير ..
وماك .. مخير
وما .. بتتغير

وتسأل .. نفسك:
هسع .. أرجع ليها
العطر ... الجاني ..في ..
آخر .. الليل؟

ولا .. أسيبو (5)
يساهر .. بي ...
كتير؟

ولا .. نبقى .. أنا .. وهو ..
أصحاب
وأقنعو .. حتماً..
بالتأجيل ؟





مزمل الباقر
امدرمان في 20 مايو 2015م

(1) قدامك : أمامك
(2) يونسك: يؤانسك
(3) بريدا: بحبها
(4) ديمة: دائماً
(5) أسيبو: أدعه





التعليق والتصويت على الموضوع في الموقع الرئيسي


اخر الافلام

.. فرحة للأطفال.. مبادرة شاب فلسطيني لعمل سينما في رفح


.. دياب في ندوة اليوم السابع :دوري في فيلم السرب من أكثر الشخص



.. مليون و600 ألف جنيه يحققها فيلم السرب فى اول يوم عرض


.. أفقد السقا السمع 3 أيام.. أخطر مشهد فى فيلم السرب




.. في ذكرى رحيله.. أهم أعمال الفنان الراحل وائل نور رحمة الله ع