الحوار المتمدن - موبايل
الموقع الرئيسي


الاكس فاكتور وبرامج رمضان ومحبوب العرب

جان نصار

2015 / 6 / 13
كتابات ساخرة


امتلاك تلفزيون او مجموعة فضائيات هاي شغله مربحه كتير لانه شعوبنا زي ما انتو عارفين التلفزيون وبرامجه شغله كتير اساسيه في حياتهم رغم ان الكومبيوتر(الحاسوب)اخذ حيز كبير بس بعده التلفزيون متصدر زعامة الترفهيه لمعظم شعوبنا لانه زي ما انتو عارفين ال100مليون امي والفقراء والمهمشين ما اظنش ان الكومبيوتر ماخد حيز او اهتمام بحياتهم.
مجموعة ال ام.بي.سي المملوكه من السعوديه عندها نصيب الاسد من المرابح من خلال تسويقها للاحلام لشبابنا وشاباتنا اللي حابين الشهره واصحاب المواهب خصوصا الصوتيه.
يعني الجيل الشاب عنا الو طريقين يا امه المواهب والغناء والفن وشوية الابداع او الالتحاق بالمنظمات الارهابيه مشان الجهاد وتعكير صفوة وامن الدول وصولنا الى الاستشهاد والالتقاء في الجنه مع 70 من حور العين.
اما العلم والابداع والاختراعات فنصيبنا منها يوازي تقريبا الصفر. واذا كان في فلته او نابغه او رياضي مبدع ما الو غير دول الغرب الكافر هناك يمكن استغلال مواهبه وهيك هيك من كل مليون يدوب يطلع واحد.ليش لانه الحكومات هيك شغلات ابداع ونبوغ ما بترعاها دولنا ومفش اهتمام.
السنه 12 شهر وهيك تلفزيون ال ام.بي.سي مقسمها الى كل 3 شهور برنامج ضخم للمنوعات. 3 شهور اكس فاكتور و3 محبوب العرب و3 ذي فويس و3 مواهب العرب وبدنا شهر اضافي اللي هو رمضان لان البرامج والمنوعات والمسلسلات لابوموزه فسنة البرامج هي 13 شهر واحسبوها زي ما بدكم.
طبعا مش راح ندخل بمتاهات برامج الواقع والطبخ والنسوان والرياضه والموضه ومش راح نذكر ال 500 فضائيه دينيه هدول مش داخلين بحسبتنا.
يا جماعه احنا مشهورين بصناعة النجوم والمطربين يا ريت نكون مشهورين بصناعة ابر البابور او السيارات والادوات الكهربئيه والطبيه او حتى صناعة تكنولوجيا الحاسوب وكتير من الصناعات شو بدو الواحد يعد تعد هدول ماخصناش فيهم.
المهم كل موسم غنائي من هدول الاربعه اللي سميتهم بجيبو مرابح ما بين ال50 الى 90 مليون دولار حسب القوه والاهتمام الدول اللي بدها بطل غنائي قومي وانتصار فني لتخدير شعوبها اكتر منما هي مخدره.
فمثلا يقال ان موسم الفويس اللي ربح فيه مراد البوريقي من المغرب جاب اكثر من 70 مليون دولار لانه ملك المغرب دعم ماديا لانه مطلوب بطل قومي غنائي مشان يسكت الشعب المغربي ويصبر على بلاويه. يعني البطاله والفقر والجهل والتهميش والجوع كلهم بتنسو وبهلل المواطن للنصر المبين.
محبوب العرب كان المطلوب فوز عساف مشان القضيه ودعم لجماعتنا الفلسطنيه واكيد كان في مرابح ودعم.بكفي شركات الجولات ومرابحها المناصفه مع قناة التلفزيون غير الدعايات.
على فكره انا ما ببخس بالاصوات واكيد انها مبدعه ورائعه لكن الحلقات الاخيره فيها تلاعب وارضاء ومحاسيسب وواسطات واكراميات للبلد او اللجنه او ادارة الفضائيه.
اليسا ونجوى كرم وراغب وعاصي والست احلام وناسي وغيرهم من حكام هاي المسابقات بقولوا بدنا فرح وحياه مش بش قتل وارهاب وموت ارجو من القراء التصفيق لاني كمان مع هذا الرأي.
اليوم ستكون اخر حلقه من الاكس فاكتور وشوفوا الصدف كل الحكام لها فريق او مطرب دربوه .اليسا وراغب ودنيا يا محسن الصدف.
اليسا عندها مطربه متسابقه مغربيه في الغناء الفردي العربي لا اعتقد انها ستكون الاكس فاكتور.اما راغب الاقوى حظا عنده متسابق سعودي له الحظ الاوفر بسب غنائه بالانكليزيه ووصول سعودي الى العالميه بالاضافه ان السعودين في السنوات الماضيه لم يصلوا الى النهائيات وبدنا الهم مكافئه ورفع معنويات على تدخلهم في الشأن السوري واليمني وابعاد فكرة دعمهم للارهاب واكو مطرب عالمي يغني بالانكليزيه وختاما اصحاب المحطه سعودين ولو على الاقل مره بطلعلهم.
دنيا عندها فريق المجموعه اللي اليسا وراغب اقترحوه واعطوهم شهادة ميلاد للفريق المكون من 3الى 4 بلدان عربيه.
اليسا حبتهم لان واحد كربوج والتاني غنوش والتالت فرفوش والرابع امور والخامس زمور.
بصراحه باعتقادي ان اللقب سيكون ما بين السعودي وال 5 فريق المجموعه رغم ترجحي الشبهه مؤكد للمتسابق السعودي.
مبروك للفائز اي كان وبانتظار مواهب العرب الجديده بعد الشهر الفضيل على احر من الجمر
لا تنسو في ذي فويس كيدز بعد رمضان يعني للاطفال مين بعرف ممكن يكون في ذا فويس للمسنين على الاقل ممكن اني اشارك.
استعدوا يا احبائي المشاهدين واربطوا الاحزمه برامج ومسلسلات وطبخات رمضان ستأتي خلال ايام ومش حتقدروا تغمضوا عينكم.
حطو كل المسلسلات التركيه والاجنبيه على الرف لانه راح تنهرو مسلسلات وبرامج عربيه للشهر الفضيل راح يكون في مسلسلات اكتر من عدد الاكلات والطبخات الموجوده في كافة الوطن العربي ابشروا.
برنامج المقالب الشهير رامز ماكل الجو راح يفجر ويفقع مفاجأه من العيار الثقيل اشتراك الاخت الفاضله الفنانه العالميه المهلبيه باريس هيلتون الامريكيه بمقلب خوف سقوط طياره غير متفق عليه ومش تمثيل وستنال المحروسه هليتون 250الف دولار على الربع ساعه اللي راح تشاهدوها.
اما جورج وسوف فراح ينال مبلغ 180 الف دولار على تصويره مقلب الخوف والايام جاي.
على فكره برامج المقالب الها صدى وجمهور ولهيك الممثل هاني رمزي كمان راح ينافس ببرنامج مقالب.
الكوميديا راح تشتغل والدراما راح تولع والطبخ راح يلعلع والاكل والافطار راح يشعشع.
كل عام والجميع بالف صحه وسلامه وخير.ورمضان كريم.





التعليق والتصويت على الموضوع في الموقع الرئيسي


اخر الافلام

.. -لبلبة ربنا تاب عليها واتحجبت-??‍?? لما لبلبة مشيت في الشارع

.. مخرجة الفيلم الفلسطيني -شكرا لأنك تحلم معنا- بحلق المسافة صف



.. كامل الباشا: أحضر لـ فيلم جديد عن الأسرى الفلسطينيين


.. مش هتصدق كمية الأفلام اللي عملتها لبلبة.. مش كلام على النت ص



.. مكنتش عايزة أمثل الفيلم ده.. اعرف من لبلبة