الحوار المتمدن - موبايل
الموقع الرئيسي


جواز الهوموسيكشوال

روماني سمير
كاتب, باحث, شاعر, مبرمج
(Romany Samir)

2015 / 6 / 28
ملف : ظاهرة البغاء والمتاجرة بالجنس


من يومين صدر قانون بتشريع جواز الهوموسيكشوال في امريكا .. اللي هما يعني الشواذ والمثليين .. الجايز والليزبيان .. بالعربي كدة .. ذكر يتجوز ذكر .. وانثي تتجوز انثي .. بدون الدخول في تفاصيل 18+ .. هتكلم عن الفكرة دي في اربع نقط .. بس في البداية خلينا نتفق ان الشذوذ الجنسي دة مش حاجة طبيعية .. ومش دة اللي مصممة اجسادنا ولا نفسيتنا ولا هرموناتنا عشانه .. واللي بيقولو انه في حيوانات في الطبيعة بتتكاثر مع نفسها ومع نفس الجنس .. اشطا وانا معنديش مشكلة معاها هي مصممة بكدة .. انت لا .. بديهي يعني .. واصحاب نظرية التطور واننا بنطور وكدة .. احب اقولهم انه كدة احنا بننقرض معاليك .. نبتدي بقي في البوءين اللي عاوز اقولهم ..
توضيح تاني بس في الاول عن القبول والموافق .. القبول شيء .. والموافقة شيء آخر .. القبول غير مشروط والموافقة مشروطة .. القبول للانسان لانه انسان .. اما الموافقة او عدم الموافقة فمرتبطة بسلوكه او أراءه او معتقداته او اي شئ اخر ..
ندخل بقي في صلب الموضوع
اولا الشواذ نوعين .. نوع في جوع وبحث دائم عن المتعة اينما وجدت ومهما ان كانت واختار بمزاجه يعمل كدة لغاية ما بقت عادة ادمانية عنده .. ودا منقدرش نقول علية شاذ اكتر من انه مدمن متعة وجنس .. النوع التاني هو اللي حصلت تشوه نفسي وفكري نتيجة التربية والنشأة والوسط المحيط ومن اختفاء الدور الابوي الحميم او التعرض لاعتداء جنسي في الطفولة .. وفي النوعين الموضوع اصبح حالة مرضية (نفسية وفكرية ) وانا كان النوع التاني هو الغالب

ثانيا من البداية و اغلب المجتمعات بترفض الشذوذ وكمان بتضطهده بشكل كبير .. هو نفسه بيبقي واصله انه كمان مرفوض حتي من الله وكل الديانات .. كان لي واحد صاحبي استرالي شاذ .. ( مش صاحبي اوي عشان بس اصحاب النفوس السو ) .. واحنا بندردش عن الله والدين .. كان بيقولي كدة انه عارف انه مرفوض من كل الديانات ومن الله .. يعني لما كل شوية تقوله ربنا قال او مكتوب .. او انت وحش او اية اللي بتعمله .. فكرك انت كدة بتصلح منه .. اعرف انه كلامك مش هيقدم دا ان مأخرش .. هو عارف كل الكلام دة اساسا ..

ثالثا مع نضوج البشرية وانتشار الوعي الي حد ما بالحرية وكمان اصبح العالم مفتوح علي بعضه وسهولة انتشار الاخبار .. اصبح للاقليات والمضطهدين والمنبوذين صوت مسموع ومؤيدين .. والموضوع دخل في لعبة سياسية اكتر منها اخلاقية .. وابتدأو ياخدوا امتيازات تحت مسمي الحرية والديمقراطية .. يعني مثلا اليهود لغاية دلوقتي بيفكرو المانيا بالهولوكوست والمانيا غالبا كل سنة بتعتذر وبتقدم امتيازات لليهود في المناسبة دي .. كمان في امريكا نفسها كان الاعتقاد بانه الانسان الابيض هو السائد علي الاسود .. وانه مش من الطبيعي ان الاسود يبقي السيد .. حاليا رئيس امريكا اسود .. نفس الفكرة حاليا بتتطبق برضو علي الشذوذ واللوطية .. لكن هنا في فرق كبير جدا .. مش هتكلم عنه دينا لانه محروق ولا اخلاقيا لانه عند ناس الاخلاق بقت نسبية .. لكن حتي علي المستوي الانساني والعقلي والحيواني الصرف .. مينفعش .. متجيش اساسا .. طب خليهم يتجوزو .. اية هيكون غرض الجواز غير المتعة .. هيتم التكاثر طب ازاي .. مرة تاني .. مش دة اللي مصممة اجسادنا عشانه .. دا حتي في ممارسة الجنس نفسه بيبقي اضرار واعراض جانبية للطرفين .. وبشكل عام الشذوذ عن الطبيعي هو اللي جبلنا الامراض .. زي الايدز مثلا .. هغطي بقيت الفكرة في النقطة اللي جاية .. لكن عاوز اقول انه مش معني اننا قابلينهم اننا نوافقهم وكمان نأيدهم .. القبول والموافقة والحرية اصبح فيهم خلط مسموم .. يعني في الغرب بيقبلو بغير شروط .. وبيوافقوا علي كل حاجة .. وفي الشرق بيقبلوا بشروط ودا مرتبط بموافقتهم ..

رابعا تشريع جواز الهوموسيكشول دا تدمير لاسمي معاني الانسانية .. الاسرة .. العيلة .. وتشوية للجنس البشري .. يعني لما ذكر يتجوز ذكر .. او انثي تتجوز انثي .. طب هيخلفو ازاي .. غير انهم يا اما يشوفو متبرع .. او يتبنو طفل .. وساعتها حتي ممكن الوضوع يدخل في جو التجارة والتسويق والمنافسة .. وحتي الطفل اللي هيتم التبرع بيه .. تخيلو لما يتربي مع هموموسيكشول .. هيطلع اية .. زي اللي شافه واتربي علية طبعا .. وفكرة العيلة عنده اللي مكونة من اب وام .. هتبقي حاجة غير معرفة عنده .. وملهاش معني ولا اساسا بالنسبة له .. وبنسبة كبيرة هيبقي هوموسيكشول هو كمان .. ولو فرضنا انه باعجوبة بقي ستريت .. طب هيبقي اب ازاي ولا ام ازاي .. ماهو اللي اتعلمه مختلف ..

الموافقة علي جواز الهوموسيكشول دا تشوية وخلل كبير في اتزان البشرية .. تدمير حتي للامة نفسها .. بينفع نقبلهم اه .. دا المروفض نتقبل ..نقبل ان دي حالة مرضية .. لكن موافقهمش .. دا مش الطبيعي .. وغالبا فكرة تشريع جوازهم ناتجة عن فترة اضطهادهم ورفضهم لمدة كبيرة .. فلما جينا نقبلهم وافقناهم كمان .. زي المجنون اللي في المستشفي وبيتم اضطهاده .. لما جم يرجعوله حقه ويعوضوه عن وقته الصعب .. خرجوه من المستشفي .. طب ماهو لسة مجنون .. الخلاصة انه بينفع المعاملة تختلف .. ونتقبل فكرة انهم مرضي .. بدون اضطهاد او رفض يتم احتوائهم داخل المحتمع .. ومع محاولة علاجهم نفسيا وجسديا .. لكن منشجعهمش علي تفشي المرض ..

اخيرا .. من النهاردة مفيش سلام مع الشباب بالبوس معايا .. طب الكلام دة مش للاخوات :D





التعليق والتصويت على الموضوع في الموقع الرئيسي


اخر الافلام

.. اجتماع مصري إسرائيلي أميركي مرتقب بشأن إعادة فتح معبر رفح| #

.. المتحدث باسم الخارجية الأميركية لسكاي نيوز عربية: الكرة الآن



.. رئيس مجلس النواب الأميركي يعلن أن نتنياهو سيلقي كلمة أمام ال

.. أربعة عشر متنافسا للوصرل إلى كرسي الرئاسة الإيرانية| #غرفة_ا



.. روسيا تواصل تقدمها على جبهة خاركيف وقد فقدت أوكرانيا أكثر من