الحوار المتمدن - موبايل
الموقع الرئيسي


أبو جرجس

صفوت سابا

2015 / 8 / 2
الادب والفن

مِيَّن مَيَعرفش صَاحِبْهَا !
الأمِير
اللى راكَبْ فُوْقْ حُصَانْ

اللى بِيْحوَّط عليها
قُرْبِ قَرْنْ م الزمان

واللى لابس الخوذة
فُوْقْيهَا رِيْشَة
ع الكتاف مَلْيُوْن نِيشَان

وف إيدَاه الحَرْبَةْ صَلْبَة
و خَفِيْفَة
طايرَة تطعن الشيطان

والوشاح
رَفْرَفْ وِشَقَ الهوا
أحْمَرْ ولون قَانَى
شاهد على قيامته
شاهد على إيماني

وفوق عيون أميرة
واقفة عَنْدَ الْحِصَن تَسْتنى
دمِّ الشّهيد يَنْسَاْب
يفدى عروستة بتمن
والدم عمره ما كان
غالى على بيْعة
فداها ربى زمان

***
ومين ميعرفش الأمير !
اللى أسمه شاع فى بلاد كتير
وأربع جهات

ويوم م مات
ماقالوش دا مات

اصل عنده ولاد كتير
وكمان بنات

أبو جرجس
وأبو جورج
الروماني
وجورجينات

الشهود
والشاهدات
والقسوس
والأساقفة
وقديسات

أسمه عايش فى الكنائس
والمدارس
والمعاهد
والصالات

أسم واضح
والحروف بتشع نور
بين حروف كل اللغات

***
ومين ميعرفش حروف أسم الكريم!
اللى فاتح للغلابة قلبه بيت

بيت كبير فى بلاد كتير
كله يشبع فيه نقاوة
بآب وأبن و باراكليت

بيت فسيح
وفـ قلبه مذبح
بيت وساحة
وحوش يوصل لـ سَّلالَّم
للولاد يجتمعوا فيه
والمسيح هو الوسيط

بيت صلاة
وكمان صلاة من غير كلام
والدموع ع الخد تنزل
فى الذنوب بجدارة تهزم
وبدون حراك
فى اندهاش و هذيذ غويط

نفسى أشوفك ياأمير
هل دا ممكن؟
وإن مكنش اليوم دا ممكن
قولى أعَزَّلْ جنب بيتك
فى لحظة أجيلك
مش للمَزَار ، للمَبِيْت

---

---

---

التعليق والتصويت على الموضوع في الموقع الرئيسي

---

.. كيف يمكن للإعلام الموسيقي مساعدة ودعم القطاع السياحي في لبنا


.. هتاف لفلسطين خلال حفل غنائي لفنان بورتوريكي في إسبانيا




.. يطلب من الجمهور الدعاء له.. الأب بطرس دانيال يكشف تفاصيل الح


.. مريض عراقي يعزف ويغني لأم كلثوم أثناء إجرائه عملية جراحية في




.. صباح العربية | مريض عراقي يغني لأم كلثوم أثناء خضوعه لجراحة