الحوار المتمدن - موبايل
الموقع الرئيسي


مصر -لامؤاخذة- بتفرح

روماني سمير
كاتب, باحث, شاعر, مبرمج
(Romany Samir)

2015 / 8 / 7
كتابات ساخرة


تفريعة قناة السويس الجديدة .. حاولت اكتب عن الموضوع وانا ماسك اعصابي كدة ومركز في كلامي بدون ميتين ام شتيمة علي اد ماقدرت .. لانه حقيقي الموضوع دة مستفذ جدا .. وكالعادة هرص كام فكرة ورا بعض في كام فقرة ..

- انا قصدت اقول تفريعة مش قناة عشان حقيقي هي تفريعة ( طولة 35 كم) من ضمن 6 تفريعات سبقوها بدون هيصة او تطبيل ..
تفريعة بورسعيد : بطول40.1 كم وقد تم حفرها عام 1980.
تفريعة البلاح :8.9 كم وقد تم حفرها عام 1953.
تفريعة التمساح : بطول 4.3 كم وقد تم حفرها عام 1984.
تفريعة الدفرسوار : بطول 8.4 كم وقد تم حفرها عام 1985.
تفريعة البحيرات : بطول 11.8 كم وقد تم حفرها عام 1955.
تفريعة كبريت : بطول 7.0 كم وقد تم حفرها عام 1955.
ودا لينك الموضوع علي الهيئة العامة للاستعلامات (بوابة حكومية)
http://www.sis.gov.eg/Ar/Templates/Articles/tmpArticles.aspx?CatID=5140#.VcDt3LW6C1s

- خدو بقي الطامة الكبري والخازووووق .. "قناة السويس لا تصل حركة المرور فيها حاليا للحد الأقصى المتاح حيث إنها تعتمد على السوق الأوروبي المتراجع منذ سبعة أعوام". .. بالبلدي كدة القناة الاصلية اصلا مش مزحومة ومش متحمل عليها وكافية السفن عادي .. ومفيش سفن كدة كدة هتزيد عشان السوق مريحة بقالها 7 سنين .. بس تقول اية الخبير المصري اذكي طفل في د** ام العالم ..
دا لينك البي بي سي عن تقرير في الاندبندنت .. 4/08/2015
http://www.bbc.com/arabic/inthepress/2015/08/150803_press_tuesday
وعلامة استفهام عالمية كبير علي "لامؤخدة" خلفييييية التفريعة الجديدة للقناة .. برة مستغربين زيينا بالظبط ..

- مشروع التفريعة دا مكلف 64 ميتن ام مليار جنية غير القروض .. زي المليارات اللي بتتصرف علي المشروعات السكنية .. والمليارات اللي اتلمت في صندوق تحية مصر الاولاني .. !! .. حقيقي احنا موعودين ديما بقادة بيفكروا ب "لامؤخذة" مؤخراتهم .. كل المليارااات دي علي حاجات احنا حقيقي مش محتاجنها دلوقت .. هل احنا فعلا في حاجة للحاجات دي .. اللي ما بيشمش علي راي امي يعرف انه احنا بنكح تراب .. واحتياجنا الحقيقة هو فتح ابواب شغل للشباب عشان المم سواء المشروعات الصغيرة و التمنية المحلية في السكنات الحالية .. بمعني ابسط .. الشعب جعان حقيقي .. جعان جسديا ونفسيا وعقليا وكل حاجة .. انا كل يوم بتصادف مع شاب زي الورد في عنيه علامات الشخوخة واليأس وهو بيدور علي فرصة للحياة والشغل .. شباب اتمرمر من 16 ل 18 سنة في التعليم وحرفيا طالع عين ابوه من مصريف لمذاكرة في كتب خري عليها التاريخ والعالم .. دا غير الكورسات اللي اساسي لازم ياخدها .. عشان في الاخر يجي واحد يحطم ابسط احلامه من غير شفقة ويقوله مفيش شغل روح اشتغل علي توكتوك ولا يقوله اسرح بعربيه خضار .. ويصادف ان واحد فيهم رئيس وزراءه والتاني رئيس بلده ..

- 65 مليار مرة تاني .. فكرو معاي كدة .. ممكن يتعمل بيهم اية من مشروعات تنمية في البلد ينفع تكوت الاستفادة منها لكل الناس اللي محتاجين .. دا لو عمل بيهم نافورة في كل حي رحمة عن مشروع التفريعة دة .. اهو الناس تغطس فيها تطري علي نفسها في ام الحر دة وتدعيله

- فرعون هو فرعون .. انا ومن بعدي الفناء .. التركيز ديما علي تخليد اسمه بانه عمل حاجة كبيييرة اوي .. عمل انجازات كتيرة في حجارة .. وفي ستين داهية الشعب .. تفتكروا كام واحد في اجدادنا الفراعنة ملعنش فرعون وهو بيفرتك موارد البلد عشان يبنوا الاهرام .. ولا عشان يبني معبد او مثلة .. زمان كان بيشتموا برضو .. بس برضوا دا كان اخرهم ..
فرعون مزال بنفس الفكرة ونفس الدماغ .. ابني كتير واعمل فرقعة .. واطلع بابتسامة فشيخة بعد الاربع سنين تعال وقول انا استلمتكم اية وبقيتوا .. ها مش هتنتخبوني تاني .. ولو حسبنها صح المحصلة هتكون صفر .. لسة طالع عين اهلنا .. ولسة بنلعن الايام .. الجديد كام حجر زيادة حوالينا ..

-اسمحولي اشتم في النقطة دي .. اه اللي فات مكنش فيه شتيمة .. الاعلام عندنا ابن و**ة .. بيهول في كل حاجة وماشي "لامؤخذة" ورا اي رئيس .. الاعلام هو اللي هول موضوع القناة .. هو اللي هول في القاهرة الجديدة .. هو اللي هول في الرئيس نفسه .. الاعلامين دول المفروض يتلمو كدة مع بعض ونجيب حد يكون شارب مية نار وعلي اخره عشان يعمل بي بي عليهم .. عملا بالمثال الشعبي القائل "مش هقوله كلنا عارفينه " ..

- ومننساش برضوا القيادة الدينية بتاعاتنا .. باركوها هي كمان واشكرولها في صلواتكم ..

- النقطة الاخيرة .. الناس اللي الشتيمة او الايحاءات بتأذي مشاعرها وبتضايقها .. حقيقي انا اسف .. وبدون تريقة .. بس احنا علي اخرنا وكل يوم طالع عنينا في البلد دي وايامنا بتخلص بسببهم علي الفاضي .. فا ماتستكتروش علينا الشتيمة كنوع من "لامؤخذة" التنفيس بدل ما نموت من "لامؤخذة" الكتمة .. وبعدين دا البلد كلها بقت ايحاءات ..

#مصر_لامؤخذة_بتفرح يا اخونا
#مصر_بتفرح





التعليق والتصويت على الموضوع في الموقع الرئيسي


التعليقات

1 - كلامك نص الحقيقة
محمد بن عبدالله عبد المذل عبد المهين ( 2015 / 8 / 7 - 16:26 )
1) المرور في القناة ضعيف اليومين دول ده صح...لكن المؤكد انه مع ازدياد سكان العالم والتجارة الدولية سيزيد مافيش شك واحد في المليون
2) في ثلاثينات القرن 20 زمن الكساد الاقتصادي بنت ألمانيا الهتلرية معظم الطرق السريعة فيها وفعلت أمريكا مثلها تماما حين (الجريت دبرشن) فهذه المشروعات توفر العمل لأيدي العاملة الرخيصة جدا المتوفرة بكثرة وتراهن على المستقبل حينما تصبح هذه المشاريع تكلف عشرات المرات أكثر
3) من كلامك يتضح أن مسئولية العدد الهائل من الشباب تقع على الحكومة
ده الفكر الخايب سبب النكسة وكل النكسات

يا سيدي الشباب دول مالهمشي أهل؟
طب انت اتجوزت وجبت عيال ورميتهم في الشارع وسلمتهم للتعليم الخرا زي ما كلنا عارفين؟ ولا كبني آدم حاسس بالمسئولية وما خلفتش؟

اللي فاكر الحكومة حتأكله وتشربه وتوظفه وتدخل عياله المدارس والجامعة وتعلمهم صح وتوفر العلاج للكل...إما عبيط إما بيستهبل والدنيا لا تحمي المغفلين

البلد حالتها الاقتصادية زفت والامل الوحيد هو في توقف الخلفة وكل مجرم يخلف ويرمي ولاده في الشارع هو الجاني عليهم ويستاهل اللي يجراله والمفروض عياله يضربوه بالجزمة

اخر الافلام

.. 22 فيلم من داخل غزة?? بالفن رشيد مشهراوي وصل الصوت??


.. فيلم كارتون لأطفال غزة معجزة صنعت تحت القصف??




.. فنانة تشكيلية فلسطينية قصفولها المرسم??


.. فيلم -لا غزة تعيش بالأمل- رشيد مشهراوي مع منى الشاذلي




.. لحظة إغماء بنت ونيس فى عزاء والدتها.. الفنانة ريم أحمد تسقط