الحوار المتمدن - موبايل
الموقع الرئيسي


كذّاب يا أمل بُكرا

مريم الحسن

2015 / 8 / 13
الادب والفن


و بعدنا بنقول بكرا
و بنكذّب على حالنا بالفكرة
بلكي مركب البكرا
على شي حلم بودينا

على حلم حلمناه مبارح
و بعدو بعتم الأمل سارح
ضايع و بكل المطارح
لحقناه و ما كان يلاقينا

و بعدنا بنقول بكرا
مع إنو الحلم صار ذكرى
غافي متل حكاية على سطرا
مغطى بغبرة الأيام
و مدفون بعمق أمانينا

مدفون متل سِر ما بيومنا حكيناه
مشَرّش بالعمر متل جذر و سقيناه
من بير أمل ما بيوم صَدقت نواياه
بنصدقو و نحن كذبتو عارفينا

كذّاب أنت يمكن يا أمل؟
بتبيعنا الكذب كل ما بتنسأل؟
عن بكرا اللي مخبي الفشل
و عن حلمنا اللي تاه منا و نِسِينا؟

كذّاب انت أكيد يا أمل
مش يأس لكن واقعك بيحمل جدل
قشة إنت و تعلق فيها الغريق
صديق اللي ما بقيلو و لا صديق
كذبة و قبلناها من الحياة بلا زعل
بتكذب علينا و بنصدقك تضلك أمل
يصحى عليه بُكرنا من غفيتو و يفيق
بِيَوم احتمال كبير يكون لمبارح رفيق
و متل مبارح ناطر مركب البُكرا
يوَدِّيه على حلم ما صار بعد ذكرى
علقان بذات المكان و بذات الفكرة
ناطر الوهم يغطي بكذبتو الحسرة
كذبة انتَ يا أمل و الحق ما منو زعل
وهم و عم يكذب علينا انو بكرا في أمل





التعليق والتصويت على الموضوع في الموقع الرئيسي


اخر الافلام

.. فايز الدويري: فيديو الأسير يثبت زيف الرواية الإسرائيلية


.. أحمد حلمى من مهرجان روتردام للفيلم العربي: سعيد جدا بتكريمي




.. مقابلة فنية | الممثل والمخرج عصام بوخالد: غزة ستقلب العالم |

.. احمد حلمي على العجلة في شوارع روتردام بهولندا قبل تكريمه بمه



.. مراسل الجزيرة هاني الشاعر يرصد التطورات الميدانية في قطاع غز