الحوار المتمدن - موبايل
الموقع الرئيسي


كذّاب يا أمل بُكرا

مريم الحسن

2015 / 8 / 13
الادب والفن


و بعدنا بنقول بكرا
و بنكذّب على حالنا بالفكرة
بلكي مركب البكرا
على شي حلم بودينا

على حلم حلمناه مبارح
و بعدو بعتم الأمل سارح
ضايع و بكل المطارح
لحقناه و ما كان يلاقينا

و بعدنا بنقول بكرا
مع إنو الحلم صار ذكرى
غافي متل حكاية على سطرا
مغطى بغبرة الأيام
و مدفون بعمق أمانينا

مدفون متل سِر ما بيومنا حكيناه
مشَرّش بالعمر متل جذر و سقيناه
من بير أمل ما بيوم صَدقت نواياه
بنصدقو و نحن كذبتو عارفينا

كذّاب أنت يمكن يا أمل؟
بتبيعنا الكذب كل ما بتنسأل؟
عن بكرا اللي مخبي الفشل
و عن حلمنا اللي تاه منا و نِسِينا؟

كذّاب انت أكيد يا أمل
مش يأس لكن واقعك بيحمل جدل
قشة إنت و تعلق فيها الغريق
صديق اللي ما بقيلو و لا صديق
كذبة و قبلناها من الحياة بلا زعل
بتكذب علينا و بنصدقك تضلك أمل
يصحى عليه بُكرنا من غفيتو و يفيق
بِيَوم احتمال كبير يكون لمبارح رفيق
و متل مبارح ناطر مركب البُكرا
يوَدِّيه على حلم ما صار بعد ذكرى
علقان بذات المكان و بذات الفكرة
ناطر الوهم يغطي بكذبتو الحسرة
كذبة انتَ يا أمل و الحق ما منو زعل
وهم و عم يكذب علينا انو بكرا في أمل





التعليق والتصويت على الموضوع في الموقع الرئيسي


اخر الافلام

.. فيديو يوثق اعتداء مغني الراب الأميركي ديدي على صديقته في فند

.. فيديو يُظهر اعتداء مغني الراب شون كومز جسديًا على صديقته في




.. حفيد طه حسين في حوار خاص يكشف أسرار جديدة في حياة عميد الأد

.. فنان إيطالي يقف دقيقة صمت خلال حفله دعما لفلسطين




.. فيديو يُظهر اعتداء مغني الراب شون كومز -ديدي- جسدياً على صدي