الحوار المتمدن - موبايل
الموقع الرئيسي


شريف روما

محمد الرديني

2015 / 9 / 20
كتابات ساخرة


يوم امس قال لؤي الياسري محافظ النجف لقناة الحرة عراق"احنه ماعدنه بنات يلبسن لبس فاضح مثل بنات بغداد.
يعني هذا شنو تسويله:تلزمه من آذانه وتذكره احنه في القرن الواحد والعشرين ام تقول له :ان النجف محافظة لها قدسيتها بناسها الكرام وانت لست واحد منهم مع الاسف.
بوية،اترك هاي السوالف واذا بيك خير قدّم جرد بالخدمات اللي سويتها،روح شوف المنطقة القديمة في محافظتك،واخذ حمايتك لتزور اطراف النجف وترى العجب العجاب.
بوية لؤي ترى النسوان من يلبسن حجاب مو من باب الحشم والستر وانما يرتعبن من شكولات امثالكم،دقق بصورتك زين وانت تعرف السبب واذا ماعندك تصريح يفيد اهلك بالنجف فالافضل ان "تنبلس" وتسكت او تلعب اتاري ويا ابن الجيران بشرط ان تستشير مرجعيتك عن الحلال والحرام ولاتنسى ان تلعب مع بنات محجبات واياك ان تشارك بنات بغداد فهن مغضوب عليهن ومضمون ذهابهن الى النار بدون سؤال وجواب.
واذا ماتحب الاتاري خلي سكرتيرك الشخصي يجهز لك برنامج العاب مسلي جدا اسمه" العب معنا" واكعد بالمكتب وظل العب الى آخر الدوام واذا اراد شخص ان يقابلك السكرتير جاهز بالقول : عنده اجتماع مهم.
جارتي في بغداد الجديدة امرأة عجوز تعدت الثمانين وحين قرأت لها ماقلته ضحكت وربتت على فخذها: يما،اشلون سموه لؤي؟ والله على عناده باجر راح اشتري بنطلون جينز وآخذ بي صورة وخلي ابني احمد يبعثها بالبريد الى هذا...شنو اسمه،آه لؤي.
فعلا بعض الناس ماعندهم شغل ويلعبون .........
بس ممكن حاج لؤي اسألك واريد جواب واضح اذا عندك وقت طبعا:
هذا التصريح شنو راح يفيد الناس خصوصا هؤلاء الساكنين في الصرايف والجينكو او اولئك الذين يقفون بالمسطر ينتظرون رحمة الله في بلد متخم بالثروات؟.
هل تريد ان ادلك على الاماكن التي يعربد فيها القوم،وانتربالتأكيد تعرف شنو تعني العربدة خصوصا على اطراف مقبرة السلام.
صحيح الناس قد تسكت يوم ويومين ولكن النهاية معروفة لأصحاب العقول المتحجرة.
عمي خلي الله بين عيونك ودير بالك على ناسك حتى الاقل يكولون في يوم الايام ان هذا الياسري كان محافظ"حوك".
فاصل تحريات: قررت احدى مجموعات زبائن مقهى ابو كاظم بدء التحري عن الفساد الاداري والمالي في النجف وستوافيكم بآخر الاخبار قريبا جدا.





التعليق والتصويت على الموضوع في الموقع الرئيسي


التعليقات

1 - أغبر
حسن الكوردي ( 2015 / 9 / 20 - 11:50 )
اهديك تحياتي كاكَ محمد . الزمن أغبر ومن قلة الخيل شَدّو على . !!؟؟ . السروج ولاكن الشعب لهم ب المرصاد العرب وين والطنبورة وين . وأنت وين يا لؤي يا ابن الياسري . وشكرا لك

2 - اطراف مقبرة وادي السلام
فريد جلو ( 2015 / 9 / 20 - 15:23 )
لن اعيد العنوان فللذي لا يعلم ان اغلب رواد ذلك المكان من امثال صاحبنا لؤي ومن قيم تلك الاماكن استلهم الكثير من المتسيسون الجدد افكارهم وممارساتهم

3 - رائع
رائد الحواري ( 2015 / 9 / 20 - 16:00 )
رائع ان نتكلم عن خزعبلات رجال الدين، يتركون المهم ويتعلقون بالشكليات.

4 - حسن الكوردي
محمد الرديني ( 2015 / 9 / 20 - 23:14 )
صاحبنا ضرب الرقم القياسي بالغباء المعتق وهناك لجنة من موسوعة جينيز سوى تزور العراق وبعدها سيكون الياسري من الشخصيات التي تحتل مكانة مرموقة في هذه الموسوعة
فعلا من قلة الخيل شدّوا

5 - اخي فريد جلو
محمد الرديني ( 2015 / 9 / 20 - 23:17 )
اعرف مسؤولين كبار في المحافظة لايروق لهم الا ممارسة الرذيلة في مقبرة دار السلام وبعضهم تجرأ واكتشف ان سرداب القبر اكثر امانا
تحياتي

6 - رائد الحواري
محمد الرديني ( 2015 / 9 / 20 - 23:21 )
في الماضي كانوا يسترون عوراتهم خوفا من الناس اما الان فقد سقطت عنهم حتى ورقة التوت واصبح قاموس الرذيلة عاجز عن ايجاد مفردة بحقهم
ولكن يومهم قريب
تحياتي

اخر الافلام

.. الفيلم الأردني -إن شاء الله ولد-.. قصة حقيقية!| #الصباح


.. انتظروا الموسم الرابع لمسابقة -فنى مبتكر- أكبر مسابقة في مصر



.. شخصية أسماء جلال بين الحقيقة والتمثيل


.. أون سيت - اعرف فيلم الأسبوع من إنجي يحيى على منصة واتش آت




.. أسماء جلال تبهرنا بـ أهم قانون لـ المخرج شريف عرفة داخل اللو