الحوار المتمدن - موبايل
الموقع الرئيسي


خاف نرحل

عبد الله السكوتي

2015 / 10 / 1
الادب والفن


خاف نرحل
محمد الذهبي
خاف نرحل
خاف يلحكنه وطنّه
اهناك ياخذ كلشي منّه
خاف نرحل
ونترك ابغداد جنّه
خاف نرحل مانرد فد يوم
لديار البعيده
ومانشوف اعيون اهلنه
خاف نرحل
خاف نتندم اهناك
وياوطن مابيه ونّه
خاف نرحل خاف نرحل خاف نرحل
ونندفن بتراب غربه
وماتهيل ترابنه اجفوف المحنّه
اهناك بس الليل ذيب
كافي بس الليل ذيب
وياخذ الضحكات من اعيونه ويدفن املنهْ
خاف نرحل خاف يلحكنه وطنّه
اهناك ابد منشوف ضيم
وابد منشوف المحنّه
اشلون من تطلع نجوم الليل وتذكرنه بيهم
اشلون من نذكر حجيهم
شلون لوبردت الدنيه
ولادفو يحضن حضنّهْ
خاف نرحل ... خاف يلحكنه وطنّهْ
يذب علينه انجوم سهرانه
تناغينه ابحزنّهْ
ياوطن لا ما احبك ما اكرهك
مدري شنهي انته اذا صارت اغروب
تنبع بروحي قصيدة وما اتوب
وارجع اترجه الصبح والليل ثوب
مدري ياهو الصاح بسمي
جنّه صوت امي يصيح ويه الدروب
ارجع وباجر تصير الدنيه كمره
ارجع آنه اوياك خل ندفن جوازات السفر
ونحلم آنه وياك جنّه انعيش جنّهْ





التعليق والتصويت على الموضوع في الموقع الرئيسي


اخر الافلام

.. حصريا.. مراسل #صباح_العربية مع السعفة الذهبية قبل أن تقدم لل

.. الممثل والمخرج الأمريكي كيفن كوستنر يعرض فيلمه -الأفق: ملحمة



.. مخرجا فيلم -رفعت عينى للسما- المشارك في -كان- يكشفان كواليس


.. كلمة أخيرة - الزمالك كان في زنقة وربنا سترها مع جوميز.. النا



.. المراجعة النهائية لطلاب الثانوية العامة خلاصة منهج اللغة الإ