الحوار المتمدن - موبايل
الموقع الرئيسي


أحنه لجلچ صابرين

محمد جلاب البديري

2015 / 10 / 25
الادب والفن

إهناك صبرين بصبرنه
طاف مشوار بعمرنه
صبر عالدنيه وجرحهه
وصبر لجلچ
صابرين
وبينه شوگ ومعتنين
مرّه ماخذنه الهوى
العِز السوالف
يجمع أنسام العِشگ
بين الطوايف
تشتعل نيران نبضات الگلب
وتهل عواطف
إهناك نغزل ديره بينه
والعِشگ ينبع حنينه
وبيهه ياخذنه الحنين
وحنه لجلچ
صابرين

سنين
ماخذنه قطار الشوگ
يم سچّة محطه
مناطرين
ولجل نظره نشوف بيهه
طيوف عنوان المحاسن
هل عِشگ وداّنه
وين
تدرين
خلاّنه مثل هَم السفينه
الراسيه بگلب البحر
والبحر مفطور گلبه
وينتظر مزنة مطر
تبچي السفينه إمنل قهر
ودموعهه إمن سنين
وحنه لجلچ
صابرين
صابرين
صابرين

---

---

---

التعليق والتصويت على الموضوع في الموقع الرئيسي

---

.. الفلسطينيين بيستعملوا المياه خمس مرات ! فيلم حقيقي -إعادة تد


.. تفتح الشباك ترجع 100 سنة لورا?? فيلم قرابين من مشروع رشيد مش




.. 22 فيلم من داخل غزة?? بالفن رشيد مشهراوي وصل الصوت??


.. فيلم كارتون لأطفال غزة معجزة صنعت تحت القصف??




.. فنانة تشكيلية فلسطينية قصفولها المرسم??