الحوار المتمدن - موبايل
الموقع الرئيسي


ما بين المسؤول الغربي والمسهول العربي

جان نصار

2015 / 11 / 8
كتابات ساخرة


يا اخي فرق كبير بين المسؤول الغربي والمسهول العربي .الاول عندو التزم ومبدء واخلاق وضمير وولاء وحس تجاه عمله ووظيفته ومنصببه وبتحمل كل النتائج والتبعيات وبحط وبقدم استقالته فورا عند اي خطئ هو سببه بطريق مباشر او حتى غير مباشر .
عند وقوع الاهمال والخطئ بوقف بكل شجاعه وبعترف بالتقصير وتحمل المسؤوليه والذنب, ولهيك اقل شيئ ممكن يقدمه هو الاستقاله واذا كان بلده ومعظمهم ديمقراطين يحاسب ويغرم ويتهم.
اما المسهول العربي فلا عندو ولا على باله وكانو مش موجود.
الاخلاق يوك والضمير سوك والولاء عوك والتزام روك وتحمل النتائج والتبعيات فوك والمبدء حوك وبقية الصفات طوك .
اول ما بتوقع مصيبه او كارثه بفتشوا على كبش فدا يلبسو المصيبه ويحملو المسؤوليه.
المسؤول الغربي والوزير وحتى رئيس الوزراء عند المشاكل بقدموا استقالاتهم.
المسهول العريي والغفير وحتى رئيس البلاء عند المشاكل بقدم الشعب والمواطن استقالاتهم من الحياه مش من الوظائف ,وبرحو قضاء وقدر وان لالله وان اليه راجعون.
احنا ببلادنا غير مهيئين لشي لا لكوارث طبيعيه ولا لاخطاء بشريه ولا لتقصيرات في البنى التحتيه لحكوماتنا العربيه.
انفجار في الجمارك الاردنيه في مدينة عمان راح فيو 7 قتلى واكثر من 15 جريح نتيجة استيراد العاب ومفرقعات ناريه من الصين .القتلى مع الاسف كانوا من العمال المصرين اللي تركو بلادهم مشان لقمة العيش واللي رجعوا عليها مع الاسف بتوابيت.
كالعاده الكل رفع ايدو عن الشغله وقال انا شو خصني ومدير الجمارك قال ضغطوا على من اعضاء البرلمان مشان اغض الطرف.
لا محافط عمان ولا اعضاء بالبرلمان ولا وزير او رئيس وزراء الخرفان اعترف بالحاصل وبالبيان ولبسوها لمدير الجمارك يا ابو الحبان وكان اللي كان واقلب الصفحه يا مواطن يا حيوان.
ممكن حد يفسرلي ليش بعد مسموح استيراد هاي المفرقعات والالعاب الناريه لشعبنا الجوعان والطفران.
شو الفائده المرجوه منها غير الازعاج والتسبب بالموت وقطع اطراف واصابع وعيون الكثير من الاطفال.
اكيد البعض راح يقول ما هو الولاد برمضان بدهم يلعبو وعشان هيك هاي المفرقعات لازمه مشان اذيتهم او التعبير عن الفرح في ليلة دخلة شي عريس لفتح الاندلس.
في رومانيا استقال الوزير او رئيس الوزراء لانه حصل انفجار وحريق في ملهي وكمان السبب الفرقعات الناريه, وراحوا ضحيته 32 مواطن مع انو الوزير مادخلو بالموضوع بس اتحمل المسؤوليه.
قبل الشتا ء كانت كل عواصمنا ودولنا بتقولك احنا مستعدين لكل الاحوال الجويه.واشتت في الاردن وغرقت عمان اللي ما فيها لا بنيه تحتيه ولا صرف صحي زي العالم ولا طواقم جاهزه ولا شركة كهرباء مهيئه ولا فرق انقاذ ولا جيش ولا ولا ولا.
وكمان هون ماتوا مواطنين منهم 3 اطفال مصرين لوافد مصري .
كالعاده انطلق السؤال من المسؤول المسهول الماهول المأكول المسطول المخبول اللي بدو يفتح تمه ويقول انا سبب المقتول وضياع المعلوم والمجهول.
محافظ عمان موجود في رحله الى اليونان
اعضاء البرلمان كالعاده بكشوا دبان ومش بالمكان.
الوزير في حالة خدران وتوهان.
رئيس الوزراء في محادثات وزيارة عمل في اليابان.
بصراحه كلو الحق على الله ليش هيك بجيب مطر كتير. مش عارف انو معظم عواصمنا ومدنا ودولنا مش مهيئين.
لاء والانكى انو بعد هدؤ العاصفه بتيجي وزيرة التنميه الاردنيه حفيدة حفيدة الملكه انطوانيت وبتقول لمواطن ليش سكنت في الطوابغ الارضيه مثل جدتها الاولى عندما شافت النو الفرنسين جوعانين ايام الثوره الفرنسيه ومش ملاقين خبز ياكلو قالت طب ياكلو بسكوت.
لما الوزير او الوزيره بوجهوا سؤال لمواطن ليش ساكن بغرفة الفيران اللي لا تصلح لسكن البشر .اكيد لانو المواطن حيلتو اللظى وطفران ويادوب معو ياكول, مش تارك فيلته او قصره وجاي يسكن تحت الارض هوايه واكيد مش رافض البيوت والشقق الفخمه اللي وفرتها الدوله لمواطنيها وهو غاوي فقر وبحب يجلد نفسه.
شوية حياء يا مسؤولين او على الاقل كونوا كرماء وقولوا للمواطن المسخم, ابشر فيلتنا وقصرنا لعيونك يا مواطن يا غلبان اللي احنا والحكومي امتصنا عرقك وكدحك وتعبك ولهطين مقدرات وثروات بلانا.
لسه الشتا باوله انقطعت الكهربه للمناطق اللي فيها شوية كهربا وحتى المي انقطعت نتيجة غزارة الامطار وطارت السقوف وغرقت المنازل وانجرفت الشوارع وفاضت المجاري وانقطعت المواد التمونيه, والانترنت انقطع والتلفزيون انقطع.
العفو منك حضرة الكاتب هلئ اللي زعاجك قطع الانترنت والفيسبوك والكهربا ومش سائل على الناس .انت مواطن ولازم تكون جندي للبلد وتقدم الغالي والنفيس وروحك وروح الملاين بيترخص مشان المسؤول والوزير والحاكم.
انت يا كاتب ويا مواطن موجودين لخدمة الوطن والحاكم والمسؤول وكل نقدك واحتجاجك على ما ينقصه الوطن سببه نأك وحكك وفكك وركك على مسؤولي البلد.
من جانبنا احنا المواطنين متأسف لحكوماتنا وحكامنا على النقد والتنديد والاحتجاج والادانه والشجب والغضب والسب واللعن وكله هادا سببه مشاكلنا العائليه بين الازواج والزوجات وبصراحه هاي مجرد فشة خلق لاننا يجب ان نشكركم على نعمكم وافضالكم علينا باننا افضل من الحيوانات بدرجه وهذا يحسب لكم لا عليكم.
هذا رابط فيديو لشاب اردني انقذ 6 اطفال من الغرق بعد ان علقوا في شقتهم
http://www.raialyoum.com/?p=341190
يا ترى وين قوات الدفاع المدني وعمال شركة الكهرباء والشرطه والجيش والاطفائيه و و و.
على فكره الاردن عينه مصر مش احسن ولا لبنان ولا فلسطين ولا العراق ولا ولا كل دولنا العربيه المواطن هو درجه عاشره.
في مصر غرقت الاسكندريه وكمان ماتوا مواطنين بس هناك السب واضح الاخوان همي السبب, لانهم اغلقوا البلاليع وحفر تصريف المياه وهي عمليه مدبره ولازم يا مواطن هادا السيناريو يدخل بمخك غصبن عن الملايكي.معقل انو الحكومي تقصر ولو.
اهديكم اغنية :موطيني موطيني.





التعليق والتصويت على الموضوع في الموقع الرئيسي


التعليقات

1 - نعليق
جان نصار ( 2015 / 11 / 11 - 07:20 )
https://www.youtube.com/watch?v=GzuNBrtfgr8#t=138
هذا رابط لمذيعه مصريه طالبات بمحاسبة الفاسدين والمقصرين باداء وظائفهم.من اصغر مسؤول حتى الرئيس وكانت مكافئتها على هذا النقد هو طردها من الوظيفه
والله وسلامات يا نقد

اخر الافلام

.. مباحث التمثيل قبضوا عليهم?? الكوميديا في مسلسل مين اللي صاحب

.. مؤلف فيلم السرب : تحضير الفيلم استغرق وقت طويل.. عمر عبد ال



.. لماذا قاطع طلاب خطاب الممثل جيري ساينفيلد؟ • فرانس 24 / FRAN

.. عادل إمام: أحب التمثيل جدا وعمرى ما اشتغلت بدراستى فى الهندس



.. حلقة TheStage عن -مختار المخاتير- الممثل ايلي صنيفر الجمعة 8