الحوار المتمدن - موبايل
الموقع الرئيسي


اردوغان لروسيا هاتولي دليل غير الولو

جان نصار

2015 / 12 / 4
كتابات ساخرة


في المده الاخيره اخبار الثلاثي المرح تركيا قطر والسعوديه متصدره الاعلام والجماعه في كل عرس الهم قرص.
بطل النا شغله عمله غير الحديث عنهم وعن تخبيصاتهم وبعبصاتهم في كل دول المنطقه.
اما الملف الساخن واطيزهم يعني اكثرهم طازجه هو اسقاط الاتراك للطائره الحربيه الروسيه اللي بقولوا انها اخترقت مجالهم الجوي واضطروا للدفاع عن شرف امتهم من الاغتصاب من تحرش الطائره الحربيه لغشاء بكارة مجالهم الجوي ان يسقطوها وكأنوا مجالهم الجوي مش مفتوح على البحري للرايح والجاي.اللي همي جماعتهم وحلفائهم جماعة الناتو.
اليونان بتقول لتركيا انكم اخترقتم مجالنا الجوي 1600 مره ومشي الحال.
اسرائيل كمان بدها تعلم على تركيا وبتقول انو الطائرات الروسيه كمان بتخترق اجوائها.
بعدين تركيا وروسيا مش بحالة حرب الا اذا كان بدها تستر على اشي وما خفي اعظم ويقال للدفاع عن جبهة النصره لانها كانت تحت الضرب والله اعلم.
تحرش الاتراك بالروس كان مقصود ورافضين الاعتذار. وحبكت مع اردوغان وراسو الف سيف وعلي الطلاق من مراتي ما نحنا معتذرين لا من الروس ولا من زعيمهم بوتين.
الروس بعد هالقرار المهين احنا كل الغسيل الوسخ تبع الاتراك ناشرين وفاضحين ولا مخلين ولا مبئين.
الردح شغال على عمال بطال بين الدولتين وكل منهم بتهم الاخر.
الروس عن طريق بيان نائب وزير الدفاع اناتولي انطونوف قال انو تهريب النفط المنهوب من داعش كله بروح للاسواق التركيه والمسؤولين الاتراك والحكومه التركيه وعائلة اردوغان وابنه مدير شركة نفط هو البطل مشتركين بالاعمال هاي الغير مشروعه ومقابل ذلك بوردوا للدواعش اسلحه وذخائر .والعائدات النفطيه مش محرزي حوالي 2 مليار دولار سنويا طبعا هادا اقل من نص السعر الحقيقي للنفط.بس الحرامي اللي متل داعش واخواتها شو هاممهم طالما انو النفط منهوب.
اردوغان بقول للروس هادا الحكي مش مزبوط وهاتولي دليل غير الولو وانا على استعداد اني استقيل وبحلق شواربي.
بالبدايه قال اتو النظام السوري هو اللي بشتري النفط من الدواعش .تصوروا النفط اللي بنهبوا الدواعش من سوريا ببيعوا للنظام السوري نفسه اي النظام بشتري نقط بلاده اللي هو بالاصل للبلد والشعب.
بعدها قال انو الروس بشتروا النفط من الدواعش في الوقت اللي فيه روسيا اكبر منتج ومصدر بترول وغاز للعالم وبترولهم مكدس مش عارفين وين يصرفوه.
قال من وين بتعرف الكذبه .قال من كبرها وضخامتها وهبلها وساذجة متلقينها.
الله يوفقك يا اردوغان العب بغير هالمسله وحاول ها حاول تخترعلنا كذبه تاني.
الامريكان دافعوا عن الاتراك انو ما في مينو هادا الحكي والاتراك برئين من دم يعقوب وهمي اشرف من شريف مكه.والنفط المهرب ما بروح للاتراك.
بس من خلال الاستيتمنت تصريح وزارة الخارجيه الامريكيه قال انو في هناك ثغره على الحدود التركيه وانو في تهريب للنفط بس مش للاتراك لكن لاوروبا.
يعني الامريكان اجو يكحلوها قام عموها.
اذا النفط المهرب ما بشتروا الاتراك وبشتروا الاروبين هاي العن واوسخ وتهمه اكبر ,خلينا على تركيا ارخص و احسن معقول تلبسوا شركائكم الغرب هيك تهمه.
بس العفو شو المقصود بثغره على الحدود.
احنا اللي منعرفوا انو الثغره لتهريب واحد او 20 ارهابي بس ثغره يمر منها صهاريج وشاحنات لاكثر من الف صهريج يوميا او اسبوعيا والاف الارهابين والقتله هاي مش ثغره هاي تهريب دولي ومبارك من المؤسسه الحاكمه واردوغان شخصيا وهاي مؤامره .
كل الارهابين اللي همي بالاف من 80 دوله بالعالم مروا من الاراضي التركيه تحت سمع وبصر كل الشعب والامه والجيش والرئيس التركي وهاي حتى الولد الصغير اللي ما بفهم بالسياسي صار يعرفها.
اذا كان النظام السوري متهم بقتل 380 الف سوري فالاتراك ايضا شاركوا في مقتل هؤلاء بدعمهم للارهاب ومرور الارهابين وتجيش الثوره اللي كان من المفروض ان تكون سلميه و حق مشروع للشعب السوري دون تدخلات خارجيه واجنبيه.
اردوغان بقول هاتوا الدليل اني اشتريت من الدواعش النفط.
يعني كيف بدك دليل؟ وانت حامل على ظهرك او بسيارتك برميل نفط مثلا او صوره وانت عم بتشرب من برميل نفط شي كاسه او فاتورة او وصل مدفوعات اي هبل منهم يا ترى.
الدليل الصور والصهاريج اللي بالاف اللي بتدخل لبلدكم وانتوا عاملين دان من عجين ودان من طين,اعتراف الخارجيه الامريكيه بدخول النفط المهرب الى تركيا.صور الاقمار الصناعيه وحتى اعترافات الجيش السوري الحر اللي هو ضد النظام بقول انو عندوا وثائق عن شراء الاتراك للنفط الداعشي المنهوب.
اللي اختشوا ماتوا
قبل ايام قرأت في موقع الحوار مقال لاحد الكتاب يشرح كيف وصلنا لفكرة هذا المثل .واللي بتقول انو صار في حريق لحمام النساء واللي هربوا منهم بالزلط نجوا من الموت اما اللواتي خجلن وبقوا تحت النار فماتوا ومن هون اجانا المثل.
سؤالي يا اردوغان انت من اي من هؤلاء يعني لابس والا عريان ارجوك اطرقنا بيان.





التعليق والتصويت على الموضوع في الموقع الرئيسي


التعليقات

1 - عزيزي جان
عبد الرضا حمد جاسم ( 2015 / 12 / 4 - 17:57 )
محبـــــــــــــــــــــــــــــــــــــــــــــــــــــــــــــــــــــــة و ســـــــــــــــــــــــــــــــــــــــــــــــــــــــلام
اردوغان يريد اشاهد على الطريقة الاسلامية ...مثل شهود حالة الزنا اختلفوا فيها الفقهاء منهم من يقول يجب ان يدخل الميل بالمكحلة تحت انظار الشهود و قسم اخر يقول لابد من حظور الجريمة اربعة شهود و هكذا...
تحياتي

2 - الغالي عبد الرضا حمد جاسم المحترم
جان نصار ( 2015 / 12 / 4 - 19:08 )
هادا الحكي بذكريني بايام الدراسه في الخارج عندما اخبر احد الطلاب العرب ان صديقته هواويه وبتهرب ولعات وانها مش مخلصه له وحده.اخونا رفض تصديق هذا الكلام.
الشباب نصبوا فخ لصديقة اخينا وفي غرفة احدهم كانوا يمارسون الجنس واحضروا اخونا الولهان العيش في التوهان وتركوه يشاهد عملية الاقتحام والدخول بها..طبعا قام الهرج والمرج وتوقفت عملية الاقتحام واقنعة الصبيه حبيبها الشاب انه لم يدخل بها واقتنع اخينا بعدم دخول المكحله وسامح صديقته ومرقلها التهريبه وعاشوا بثبات ونبات وما منعرف اذا جابوا اولاد وبنات
تحياتي ومودتي
غدا ساجيب على مداخلتك للمقال السابق انا بالليل لا ارى جيدا

3 - الكل يبكي دهره .. ليت شعري هذه الدنيا لِمَن ؟
الحكيم البابلي ( 2015 / 12 / 4 - 21:10 )
عزيزي جان … تحية
أحياناً أتعلم منك بعض المُفردات الشامية فأنا مولع بها، خاصةً حين يتغنج بها (غوار الطوشي) في مسرحيات الزمن الجميل
أعجبتني في مقالك مُفردة (بعبصاتهم)! ونستعملها في العراق ضمن تراثنا السوقي كما لكل شعب سوقياته، كذلك إلتقَطتُ عبر مقالك مُفردة جديدة وهي: (أما الملف الساخن وأطيزهم ..الخ) وتقول إنك قصدت بها (أكثرهم طازة)!، وأعتقد أنها غلطة لغوية سوقية سنسامحك عليها، حيث كان المفروض بك إستعمال السوقي الصحيح: (أما الملف الساخن وأكثرهم طيازجةً ..الخ)، ونعلم بأن الكمال ليس للبشر

من ناحية أخرى فالقصة التركية المُضحكة عن (الثغرة على الحدود) أصبحت نكتة دولية، كما أدناه
قام أردوغان بتعيين شرطي غبي على (الثغرة) واردة الذكر، وأوصاه بعدم السماح بمرور أي سلاح
بعدها مرت سيارة فسال الشرطي أصحابها: عندكم سلاح ؟ قالوا: لا. قال: إعبروا
ثم مرت شاحنة فسأل الشرطي أصحابها: عندكم سلاح ؟ قالوا: لا. قال: إعبروا
ثم مرت دبابة فسأل الشرطي راكبيها: عندكم سلاح ؟ قالوا: لا . قال: إعبروا

يا عزيزي جان كل الدول اليوم تخترق كل القوانين الإنسانية التي وضعتها نفس الدول مُجتمعة، وهي الفوضى والمصالح الدولية

4 - العزير الاستاذ الحكيم البابلي المحترم
جان نصار ( 2015 / 12 / 5 - 12:19 )
في البدايه كنت احرص اكتر على عدم استعمال الكلمات السوقيه لكنها مطلوبه احيانا في سياق التعبير وطبعا ابتعد عن البذيئه منها والفجه بس بين فتره وفتره بتنوط يعني بتقفز شي سيايبه او رايحه هون او هناك من خلال الاندماج بالكتابه وبساطة التعبير والبعد عن التصنع.
يا خويا يا حكيم كتابتي بالعاميه بأستمتع في دوزانها وهرجها ولهيك بطلع معي شو ما هب ودب.
كيف الاستعدادات للكرسماس ونيويير هادى العام ارجو ان تكون على قدم وساق ودفع .المهم الجزرنغ يعني الجمعه بين الفاميليا ولهيك الكم مني جميعا مسبقا.
ميري كريسماس وهابي هابي سنه جديده
تحياتي ومودتي

اخر الافلام

.. حلقة TheStage عن -مختار المخاتير- الممثل ايلي صنيفر الجمعة 8

.. الزعيم عادل إمام: لا يجب أن ينفصل الممثل عن مشاكل المجتمع و




.. الوحيد اللى مثل مع أم كلثوم وليلى مراد وأسمهان.. مفاجآت في ح

.. لقاء مع الناقد السينمائي الكويتي عبد الستار ناجي حول الدورة




.. هشام حداد يستفز وسام صباغ.. وهل يسبق السوري اللبناني في التم