الحوار المتمدن - موبايل
الموقع الرئيسي


وجع - شعر عامي

زاهد عزت حرش
(Zahed Ezzt Harash)

2015 / 12 / 7
الادب والفن


وجع...
زاهد عزّت حَرَش

بْقَلّبِي خَلّيهَا تِجْرَحْ
شْرَانِيّفْ حْجَارْ الصُوَانْ
ولا تِطْلَعْ بَرْا تِفْضَحْ
وفِيّهَا يِحْكِيّ مِينْ مَا كَانْ
صَعْبَانْ عَلَيِّ إفْصَحْ
وْسَامِحْ يَا إِللي فِيِّ خَانْ
حَطْوّنِي بِأَصْعَبْ مَطْرَحْ
وحَرَقُونِي بِنَارْ إلّكِتْمَانْ
ظْرُوّفِي صَعْبِي مَا بْتِسّمَحْ
أوقَفْ بِوجْه الطُوّفَانْ
مَا بْيِكْفِي إِنِي مْكَرْسَحْ
عَايّشْ بِعْتْمْ النِسْيّانْ
بِتْمَنَى مِنْهُنْ إفْرَحْ
إلّكَانْوا عَلىَ صَدْرِيّ نِيْشَانْ
إِبْنَكْ لَوَحْدُو بِيْسْرَحْ
شُو صَدَقْ بِحَكْيّو جُبْرَانْ
لَمَنْ يِطْلَعْ عَلْىَ الّمَسْرَحْ
بِيّفَكِرْ حَالُو سُلّطَانْ
بِيِجّمَعْ مَا بِيِعّرِفْ يِطْرَحْ
وأَخِرْتَا بِيِطْلَعْ خَسْرَانْ
بِيِضَلّوُ يّعِيّدْ وّيِشْرَحْ
بِالسِيَاسِي شُو فَهْمَانْ
لاَ تْجَادِلْ فِيْوُ بِيِنْطَحْ
ثُوّرْ وبِالسَاحَهْ فَلّتَانْ

بْعُمْرَكْ مَهّمَا تِكْدَحْ
فَاضِي رَحْ يِبْقَى الجِزْدَانْ
ومِنْ تَعَبَكْ عَرَقَكْ يِسْبَحْ
بْوَرْطَا بِتْصَفْيِ طَفْرَانْ
أَبَدَاً مِشْ رَحْ تِتْرَيّحْ
وِوّلاَدَكْ بَعْدُنْ صِيّصَانْ

قَالُوَلَكْ عَقْلَكْ أَرْجَحْ
مِنْ عَقِلْ النَاسْ بِمِيّزَانْ
قُوّمْ إتْعَلَمْ كِيّفْ تِنْجَحْ
بِيّعْ السِكْيِ والفَدَانْ
كَمْ وَاحَدْ قَبْلَكْ شَبَّحْ
بَاعْ وسَاوَمْ عَ الأوْطَانْ
بِهَالدِنْيَا وَحْدُوّ بِيِرْبَحْ
حَرَامِيّ وتَاجِرْ فَلّتَانْ

هّمُوُمْ السِيَاسِيِ يِنْجَحْ
تَيّوَصِلْ عَ البَرْلَمَانْ
إِضْحَكْلّوُ شّوَيِ بِيِفْرَحْ
وبِيِصِيِرْ يُرْقُصْ بِالدِيّوَانْ
بِجُمْلِيِ وكِلّمِيِ بِيِتْمَرْجَحْ
بِيخْلِطْ شَعْبَانْ بِرَمَضَانْ
مِنْ حَوّلُو رْجَالّوُ بْتِنْبَحْ
مْنِعْرِفْهِنْ شِلِةْ زُعْرَانْ

شُو مَا حَكِينَا مَا مْنِجْرَحْ
وصَعّبِي جِدًا يِتْصَلَّحْ
كُلْ مِنْ أَسَاسُو خَرْبَانْ

كانون اول 2015





التعليق والتصويت على الموضوع في الموقع الرئيسي


اخر الافلام

.. أسرة الفنان عباس أبو الحسن تستقبله بالأحضان بعد إخلاء سبيله


.. ندى رياض : صورنا 400 ساعةفى فيلم رفعت عينى للسما والمونتاج ك



.. القبض على الفنان عباس أبو الحسن بعد اصطدام سيارته بسيدتين في

.. تأييد حكم حبس المتسبب في مصرع الفنان أشرف عبد الغفور 3 سنوات



.. عاجل .. إخلاء سبيل الفنان عباس أبو الحسن بكفالة 10 آلاف جنيه