الحوار المتمدن - موبايل
الموقع الرئيسي


الغنا

صفوت فوزى

2015 / 12 / 9
الادب والفن

الغنا شباك ومفتوح
على الكون الوسيع
الغنا فرسة جموحة
تشرق تغرب فى السما
ولغير فارسها لم تطيع
الغنا انتى وأنا
يا سوسنة
كلمة كدة متلحنة
تسرق قليبى تخطفه
وتعلمه حروف الكلام
يرجع فصيح
يعرف يصيح
يلضم فى حبات النغم
حبة ألم
نجماية شاردة فى السما
تشرق فى حلقى فرحتى
ويبتسم – رغم الألم –
قلبى الوديع
●-;- ●-;- ●-;-
الغنا أفتح بيبانى تفتح الشباك
تلقانى جنبك
ألقى نفسى معاك
نغزل خيوط الفجر م الليل الطويل
نعدل ميزان الحق لما يميل
يطلع نهارنا مبتسم وجميل
عفى وقادر ومتوضى
من ميتك يا نيل
●-;- ●-;- ●-;-
الغنا سكة سفر
تجمع خطاوى عمرنا
وتضمنا
تزرع فى قلب الليل قمر
شايف وعارف حلمنا
حاسس بنبضة قلبنا
ماهو مننا
شاهد على الحلم الجميل
اللى إنكسر
-----------------

---

---

---

التعليق والتصويت على الموضوع في الموقع الرئيسي

---

.. أخرهم نيللي وهشام.. موجة انفصال أشهر ثنائيات تلاحق الوسط الف


.. فيلم #رفعت_عيني_للسما مش الهدف منه فيلم هو تحقيق لحلم? إحساس




.. الفيلم ده وصل أهم رسالة في الدنيا? رأي منى الشاذلي لأبطال في


.. في عيدها الـ 90 .. قصة أول يوم في تاريخ الإذاعة المصرية ب




.. أم ماجدة زغروطتها رنت في الاستوديو?? أهالي أبطال فيلم #رفعت_