الحوار المتمدن - موبايل
الموقع الرئيسي


ليلة شتا

صفوت فوزى

2015 / 12 / 18
الادب والفن

وقليبى كان ورقة شجر
دبلانة ناشفة مفتفتة
والبرد فارد خطوته
بطول المدى
والكون نفس مكتوم
مدبوح على دروب السكك
واسع لكين قلبه خراب
ومفيهش مين يسمع ندا
صرخة ألم
مشروخة شارخة الروح
وطالعة للفضا
لكن ضباب العتمة كان رجع الصدى
●-;- ●-;- ●-;-
كان الشتا
فدان برودة وليل حزين
ليه لما جات إيدك فى إيدى زهرت
وردة ندية فى سكتى واتلونت
كل الليالى اللى إتخنق فيها الكلام
رجع الضيا يغمر شبابيك البيوت
والكون صبح دافى وحميم
وإيدين رقيقة حنينة
تغسل شرايين الألم
وتضخ فيها بسمتك
القلب فاضت فرحته وإتشعبطت
فى العمر الأخضر ضحكته ورفرفت
جوة الحنايا أسراب الحمام
وخضرت جوة الدروب
ملايين شقايق
من زهور الياسمين .
●-;- ●-;- ●-;-
هى الايدين تعرف لغة غير السلام
أيوة إيديك إتكلمت
عرفت لغات القلب فهمت سكته
ومن قلب قلب العتمة شافت غربته
وترجمت للكون أمانى تحجرت
ومن ملايين الحروف
للقلب صاغت غنوته
صبح الشتا فدان دفا
طاير مع جناح الحمام .
--------------------

---

---

---

التعليق والتصويت على الموضوع في الموقع الرئيسي

---

.. أنا والست والجيران?? علاقة ممتعة بين مزاج صلاح عبدالله وصوت


.. كل الزوايا - الفنان أيمن الشيوي مدير المسرح القومي يوضح استع




.. كل الزوايا - هل الاقبال على المسرح بيكون كبير ولا متوسط؟ الف


.. كل الزوايا - بأسعار رمزية .. سينما الشعب تعرض 4 أفلام في موس




.. رئيس الهيئة العامة لقصور الثقافة يوضح الاستعدادات لعرض افلام