الحوار المتمدن - موبايل
الموقع الرئيسي


مواعيد العرب

جان نصار

2015 / 12 / 20
كتابات ساخرة


بالنادر جدا ما تلاقي عربي بحترم الموعيد وبقدسها واذا لاقيت هيك واحد بكون متأثر بالثقافه الغربيه او دارس بالخارج او متزوج من اجنبيه او متزوجه من اجنبي او بصراحه مش طبيعي يعني فيو خلل.
يا جماعه مشتهي شهوي ومن نفسي ومونى عيني اشوف انو المواعيد عنا يعني عند العرب بشكل عام تحترم.
على فكره المواعيد هاي اهتمام واحترام واللتزام واللمام واذا الواحد ما بلتزم بمواعيده بصير ملك الكذب وغير صادق وغير مبالي ومطقع لللي اقباله او اللي معطي معاد.
دكتور بشتغل بعياده متخصص مثلا وبزور عيادته مره بالاسبوع لانه مهم. بعطيك ميعاد ليوم كذا من تاريخ كذا والساعه كذا ,و هات يلتزم اخونا بالمواعيد واذا .وبالاخير بأجل الموعد لبعد اسبوعين وبقولك انو مشارك بمؤتمر طبي او عندو ندوه او محاضره المهم يدبرلك كذبه وكمان يمكن يفقعك ميعاد جديد ويضربك خازوق جديد بشي حجه او كذبه تاني.
محاضر بالجامعه بغيب عن ميعاد محاضرته او بيجي بعد ساعتين بقولك انو كان بالوزاره ومش مسترجي يقولك انو كان يجلي الصحون لزوجتو المصون.. ومغدريش يفهمها انو محاضر محترم بالجامعه وموعيده لازم تكون مظبوطه..
صديقك بوعدك بزياره يوم الخميس الجاي مثلا وبجيك السبت او الخميس اللي بعد 3 خميسات.
انت وانا عنا ميعاد على الساعه العاشره بنكون لسه بالبيجاما ويدوب صاحين من النوم. واذا رحنا على الميعاد,منقول للي واعدينه: ولو شوالسيره ما اتخرنا كلها ساعتين ونص.لاء ونسير نتبايخ ونتظارف يا زلمي شو السيره مهي مواعيد عرب .يعني صرنا كذابين ومش صادقين ومبررات لعدم اللتزامنا واحترامنا باننا عرب. وهيك احنا الله خلقنا.
حفله خطبه عرس مناسبه بكون ميعادها الساعه سبعه الناس بتروح الساعه عشره.مطرب بدو يقدم وصلته على التسعه بيجي على الحدش ونص والكل بتحجج باعذار واهيه وخايسه وميايصه .ذحمة المواصلات او اصلاحات على الطريق او اخرنا فلان او ضاعت امي على الطريق وكننا نفتش عليها.
صدقوني يا اخوان لما بروح عند جيرانا الانكليز على بلادهم يا خي شو بحترموا المواعيد. ولاء وكمان دقيقين الله بقطعهم شو هوبل. ما ييجو يتعلموا منا,الشغله بدها شويه مرونه لليش كل هالعجقه والصربعه والدقه خليكوا زينا فليكسيبل وكذابين.
احلى شي لما يجيك واحد على الميعاد بحملك الف جميلي وبقولك كيف مواعيدي زي ساعة بيغ بن اللندنيه اللي يشهد لها بالدقه.
بدك تبوسو وتوخدو بالاحضان لاللي بصدق بمواعيده وكانو جايب الديب من ديلو.
حظي بالبيت انو المدام وبلا فخر بالفعل دقيقه بمواعيدها وتحثنا جميعا على احترام المواعيد(طبعا لانها اجنبيه) وانا بصراحه انعديت منها وصرت احترم المواعيد لكن مع الاسف اولادي يا سلام على مواعيدهم كلها بالدقيقه 90 يعني مواعيدهم بالوقت البدل الضائع .
الله وكيلكم البهادل من 30 سنه على راسي والمدام انتو العرب وانتو العرب ما بعمركم صدقتوا بميعاد طبعا غير البهادل التاني عن العرب.بيناتنا معها حق شو اسويلها الله بلاها بواحد عربي وبغدريش اشلح توبي. وعدم احترام المواعيد بأدي لفن الكذب.والكذب ملح الرجال والنسوان عنا العربان.
صار الواحد من على الموبايل يقول للتاني بعد 10 دقايق بكون عندك وميعادنا لسه ثابت وهو بكون بطوكيو ولازم يوصل لبغداد بعشر دقايق. شفتوا كيف مواعيدنا مقدسه.
الصبيه والموزه والشلخه بتعطي ميعاد لشب على الساعه اربعه وبتقعد على المرايي من الساعه تنتين للخمسه والاهبل بعدو ناطر وبستنى.
او زوج بقول لزوجتو هيني جاي على الغدا والساعه وحدي بكون بالبيت وهو لسه مع عشيقتوا بأول الفليم.
المواصلات مثل الباصات مثلا بقولك كل ساعتين باص وهو كل اربع ساعات. او كل نص ساعه بمر الباص من هاي المحطه وهو بمر كل اسبوع.
من الاخر عند العربان الموعيد ما فيها صدق ويمكن تفكروا انو الكتابه عن هالموضوع هي كتابي فارطه وما الها اهميه لاننا وبلا فخر ما في عنا اشي الو اهميه واحترام واهتمام واللمام واللتزام لانوا عايشين بالاوهام وعلى الاحلام واحسننلنا اننا ننام.
صديق لي عتابته على مواعيده لزيارتي اكثر من مره وبالامس قلتلو: يا زلمي وين اللي بدو يجي عندي يوم السبت الماضي وما جيتش وهاي مش اول مره بتضربني هيك خوازيق .
اجابني بكل رقه وحنان وظرافه و قال:اعطيتك ميعاد لحضوري لزيارتك بس ما قلتلك تصدقني.





التعليق والتصويت على الموضوع في الموقع الرئيسي


التعليقات

1 - المواعيد الشرقية أصبحت سُبة توجه لنا دائماً
الحكيم البابلي ( 2015 / 12 / 20 - 23:17 )
العزيز جان نصار .. تحية
أعتبر نفسي من الفئة التي يسميها المقال: (مش طبيعي، يعني فيه خلل) فأنا أحترم المواعيد منذ صغري وليس لكوني أعيش في أميركا
في بغداد كان بيتنا في الضواحي البعيدة نوعاً ما عن قلب المدينة (البلد)، وحين كان عندي موعد أو فعالية أو إجتماع في النادي وأجد نفس متأخراً شي عشرة دقائق في البيت، كنتُ أستقل التاكسي بدل باصين، وكان ذلك مُكلفاً لجيبي كطالب، وحين أصل النادي في الموعد المحدد، أجد إنني الحاضر الوحيد!، ولا يأتي بقية البطرانين التنابلة إلا بعد عشرة دقائق أو أكثر

لم أحضر محاضرة أو موعد أو عرس أو نشاط للشرقيين هنا في أميركا إلا بعد تأخير موعد الفعالية أقل شي عشر دقائق أو نصف ساعة بسبب تأخر الوافدين، حتى الأعراس .. يتم تقديم وجبة العشاء فيها متأخرة ساعة عن الموعد بسبب تأخر المعازيم الشرقيين، وأحياناً يضطر صاحب القاعة الأميركي لتقديم العشاء في وقته رغم صراخ وإحتجاج العريس وأهله الذين لا يفهمون بأن الرجل سيخسر من خلال دفع ساعات عمل إضافية لشغيلته
المضحك أن أغلبنا يعيب أغلبنا بقوله: موعد شرقي، ولا أحد يحاول أن يتغير
عيد سعيد وسنة مباركة لك ولكل الطيبين
طلعت ميشو

2 - العزير الاستاذ الحكيم البابلي المحترم
جان نصار ( 2015 / 12 / 21 - 09:31 )
المواعيد والنظام هدول شغلات بدل على مدى الالتزام والاحترام ولهيك همي شغلات مهمي ومع الاسف العرب هاي الشغلات مش مهتمين الها.
في عام 1967 عندما احتلت اسرائيل الضفه الغربيه وسيناء وجنوب لبنان وهضبة الجولان توجه كتير من ضباط جيش الاحتلال الاسرائيلي الى موشي ديان وزير الدفاع وقالوا :هدول العرب فوضوين مش منظمين لا بالمواعيد والنظام ..وعندها اجابهم هذا مفرح ولا يدعو الى القلق لانه اذا العرب صاروا منظمين ويحترموا المواعيد والكلمه عندها الخطر ولازم نخاف منهم .
بعدنا من يوم يومنا فوضوين ولا نحترم المواعيد اللي هي صدق الكلمه والالتزام ولهيك يا قلبي لا تحزن.
اتمنى لك اعياد مجيده وسنه قادمه تحل عليك والعائله والجميع بالف خير وصحه وسلامه.
تحياتي ومودتي

اخر الافلام

.. عادل إمام: أحب التمثيل جدا وعمرى ما اشتغلت بدراستى فى الهندس

.. حلقة TheStage عن -مختار المخاتير- الممثل ايلي صنيفر الجمعة 8



.. الزعيم عادل إمام: لا يجب أن ينفصل الممثل عن مشاكل المجتمع و


.. الوحيد اللى مثل مع أم كلثوم وليلى مراد وأسمهان.. مفاجآت في ح



.. لقاء مع الناقد السينمائي الكويتي عبد الستار ناجي حول الدورة