الحوار المتمدن - موبايل
الموقع الرئيسي


من إبن المفروزة محسن عامر إلى كبير فارزي جمهورية الواي أوف لايف السيد حبيب الصيد

محمد محسن عامر

2015 / 12 / 20
كتابات ساخرة


الموضوع : رسالة شكر
قررت إني نكتبلك بالدارجة سي لحبيب لأنها هي إلي تنجم تعبّر . أنا اليوم و أنا نخدم تحت الشمس و ڨ-;-بّاعتي عطّير تفكّرتك , و راس النبي كان تفكّرتك , قلت نكتبلك رسالة شكر بعد الطرح الماسط متاع المفروزين أمنياا إلي دام شهر و انتهى بحركة الجنباز متاع لمهفات إلي جابتنا نسفوا في التراب و نبدو نفكّروا من جديد من نقطة الصفر كيفاش باش نضيّيقوهالك إنت و حكومة التبلعيط و الترهدين . أنا أ سيدي ووجهي مدخن تحت الشمس جا على بالي نكتبلك جواب نشكرك فيه إنت و الصطاف متاع الخدامة متاعك في الوزارة . شكرا لأنوا بعد سنوات من اليأس و الإحباط اعطيتني شهر متاع حلم موشو نورمال ... أي تصدقشي بالله , عديت شهر شايخ مشيني معدل أصل أ سيدي حلمت إني بديت نخدم وهزيت قرض و عرست و جبت صغار , و راس النبي ما نكذبش عليك كي نقلك راني عاركت المرا على جلبانتها الماسطة و نڨ-;-رزت على الذر و حسهم . مانيش نكذب عليك انت رئيس حكومة كونديسيون برشا برشا , ما ڨ-;-ديتش توفر الخدمة اعطيتنا شوي مخدرات , شهر يا بو ڨ-;-لب و أحنا موظفين و طلقنا وضعنا البروليتاري الرث , سمحني بروليتاري رثّ في سبرنا جماعة الڨ-;-وش معنتها المحتحت طول لمنتف لمڨ-;-رّد إلى لا في حيلتوا و لا بعصوص الڨ-;-ط. أنا راني بيني بينك ما جدتش عليا ماهو يوما تقول المتعوس متعوس كون يعلّق على باله فانوس.كيفاش النظام إلي عدينا سنوات حنا وياه كي الڨ-;-ط و الفار و متعبينلوا أمورو عيجي يخدمنا و زيد كي دخلت و وشفت هاك الحمروط سيد بلال ما رتحتش , حنا مانا أجلاف البدو ما نرتحوش للنعومة و الكليماتيزور و الإبتسامات متاع البلدية . ما تدخلش الراس طول هاضي أما ڨ-;-لت برا بركا الدنيا المشڨ-;-عبة تشوف منها كل شي , أم ڨ-;-لّي سي لحبيب ياخي وشبيكم تكرهونا ؟؟؟ وجوهنا خايبا ؟؟ مكلحطين و عربان من دواخل لبلاد ؟؟ ماناش كونديسيون ؟؟ شبيكم ما تحبوناش سي الحبيب ؟؟؟ تتعاملوا معانا و كأنا الجمرة الخبيثة و إلا عدوى متاع إدز ؟؟ أنا نعرف يوما سي الحبيب تفرز العدس تخرج منوا الحصحاس و التراب و تخلي العدس , تطلعش كي فرزنا طلعتنا حنا الحصحاص سي الحبيب ؟؟ حنا العدس سي الحبيب حنا العدس سي الحبيب .





التعليق والتصويت على الموضوع في الموقع الرئيسي


اخر الافلام

.. أخرهم نيللي وهشام.. موجة انفصال أشهر ثنائيات تلاحق الوسط الف

.. فيلم #رفعت_عيني_للسما مش الهدف منه فيلم هو تحقيق لحلم? إحساس



.. الفيلم ده وصل أهم رسالة في الدنيا? رأي منى الشاذلي لأبطال في

.. في عيدها الـ 90 .. قصة أول يوم في تاريخ الإذاعة المصرية ب



.. أم ماجدة زغروطتها رنت في الاستوديو?? أهالي أبطال فيلم #رفعت_