الحوار المتمدن - موبايل
الموقع الرئيسي


لماذا نقرأ pdf ؟

البدراوى ثروت عبدالنبى

2016 / 1 / 4
العولمة وتطورات العالم المعاصر


فى ناس كانت بتسألنى ليه بقرأ pdf أكتر الوقت

بالنسبة للناس الى بتشترى كتب ، انا معاك جدا ان الكتب مغرية لما تزود شكل مكتبتك و تكبرها و ريحة الورق جنبك فى كل مكان ، احساس جميل ...

بس فى بعض النصايح ممكن قبل ما نشترى كتب و خلاص .

فى اقتراح جميل قبل ما تشترى كتب و تنزل و تتعب نفسك فكر ايه هى نوعية الكتب الى حابب تقرأ فيها ، مش أى كتاب و السلام لأن انت لما تنزل مكتبة أى مكتبة هما كام كتاب معروف بالإسم و البقية روايات حديثة سواء كانت فيها جودة و لا لأ بس انت بتشترى مع التقييم و خلاص و هنا فكر كويس أنت بتقرأ ليه .؟

طيب انت بتشترى ف الشهر متوسط 80ج ×12شهر =960 ج و موصلات و غيره ممكن ندخل 1000ج و الحصيلة حوالى 70 ، 80 كتاب .

و لو قعدت كدة و شوفت ان لك معدل ثابت ماسك موبايلك للنت و قت بين ساعة لاتنين يوميا ، يبقى بالشكل دا تقدر تشترى كاندل ب 1000ج او موبايل تاب 1500ج هتقولى ليه ؟
_هقولك التاب او الكاندل ممكن يشيل 1000 كتاب واكتر
_تنوع كبير فى الكتب و أشكالها و أفكارها .
_ تقدر تجيب أى كتاب او فكرة فى دماغك و تقرئها ف نفس الوقت .
_ بتكون قدرت تقنع عقلك ان فى جزء تطور جواك و فى برامج كتير تقدر تجبها عشان تحدد الدرجة الى تريح عينك ، غير ان فى التاب او الكاندل مش هيضايقك حجم الكتاب و لا الدنيا ضلمة و لا الشمس عالية ، فى مواصلات ، فى السرير فى أى مكان .
_معاك مذكرة على الجهاز تقدر تكتب فيها علطول و ممكن عاوز تركز عل. جزء ممكن تعمل اسكرين شوت للصفحة.

_بالاضافة لنقطة مهمة جدا هتوفر فلوس كتير و هتقدر تشترى كتب فعلا تثرى مكتبتك بالفلوس الى هتوفرها .

* والمكتبة العربية مشكلتها انها ضعيفة مفيش فيها تنوع و فقيرة فى الترجمة و لكن لو انت حبيت تشترى فعلا كتب روح مكان زى المركز القومى للترجمة او الدار اللبنانية أى مكان فيه ترجمة و اشترى الموسوعات الكبيرة و هتكلم ليه الموسوعة ؟ و ليه الأماكن دى ؟

أولا مراكز الترجمة و خاصة "القومى للترجمة" المكان دا مهتم انه يخرج شئ مختلف شئ اسمه ثقافة و تنوير و مهتم انه يعرفك كيف تفكر الشعوب المتقدمة و أين مكانهم الحالى .

ليه الموسوعات ؟
الموسوعة مش مجرد فكرة بتركز عليها بس الموسوعة كأنك قررت تنزل تغوص فى البحر ، هى حاجة زى البحر كل لما تكون مركز اكتر هتشوف حاجات أجمل حاجة دسمة شاملة ، فيها تنمية و تنوير للعقل و تعطى ثقل مختلف فعلا هتشوف الفكرة و اصلها و كيف نشأت و تطورت و ليه تطورت و هى واقفة فين و ايه العوائق ادامها هتلاقى الدنيا بتتغير معاك .

و هتلاقى ادب عالمى ، علوم ، فلسفة ، اجتماع ، سياسة ، فكر ، تاريخ ، اقتصاد ، فن ... هتلاقى كل حاجة تحبها و دى الحاجات الى هتضيف لشكل مكتبك و هتضيف لعقلك .

فى ناس كتير بتقول انها بتحب الكتب الورقية و انها بتريحها !

انا معاك جدا ان دا حقيقى و فى دراسات كتير بتقول النقطة دى ان القراءة فى الكتب مريحة للعين و بتوصل المعلومة اسرع و لكن ايه السبب فى دا ؟

الجنس البشرى لم يخترع القراءة الا من وقت قصير نسبيا فى التاريخ التطورى حوالى 4000 ق.م و هذا معناه ان العقل البشرى لم يتطور كفاية ليستوعب الادوات الالكترونية فى هذا الامر كفاية و لكن مع التدريب و التعود يعتبر الأمر أبسط و يسهل لنا بعد وقت هذا الأمر و كما قولت سابقا أن هناك برامج تحافظ على اعطائك أكبر جودة لتريح العين ..

طور نفسك و تعامل مع التكنولوجيا من جديد





التعليق والتصويت على الموضوع في الموقع الرئيسي


اخر الافلام

.. فيديو: هل تستطيع أوروبا تجهيز نفسها بدرع مضاد للصواريخ؟ • فر

.. قتيلان برصاص الجيش الإسرائيلي قرب جنين في الضفة الغربية




.. روسيا.. السلطات تحتجز موظفا في وزارة الدفاع في قضية رشوة| #ا

.. محمد هلسة: نتنياهو يطيل الحرب لمحاولة التملص من الأطواق التي



.. وصول 3 مصابين لمستشفى غزة الأوروبي إثر انفجار ذخائر من مخلفا