الحوار المتمدن - موبايل
الموقع الرئيسي


نيو زد لايف

الشربيني المهندس

2016 / 1 / 16
الادب والفن


أعلان النائب العام بوقف عرض مسرحية تخاريف جاء استجابة لنداء المجلس الجديد والسي دي اياها ..
وأعلنت وزارة الداخلية القبض علي خلية إرهابيه نايمة قبل صلاة الفجر يوم 24 طوبه ..
عاجل .. رغم نجاح تشغيل القمر الصناعي الجديد ، إنتاج مشترك مع السودان ، وخلافا لتوقعات مصلحة الأرصاد ، فقد ضرب المطر والسيول مناطق مصرية منذ أسبوع ،وأعلنت الأمم المتحدة أنها من المناطق المنكوبة ،وتم إقالة المحافظين والحكومة ..وتقع الآن البلاد تحت نظام المعونة الدولية بقيادة أمريكا وجزر القمر..
هذا وأصدرت منظمة الفئران والحيران بيانا بعدم مسئوليتها ع اللي جري واللي كان ..
وصرح الخبير الفرنسي سيبو ماسكو ليه .. أنه لا توجد فئران فرنسيه بالمنطقه إياها ..
وفي بيان صحفي قرر الدكتور مرجان أبو ضحكة جنان ، أن الخبير إياه راجل خرفان ..
وتحذر وزارة الصحة المؤقته من استغلال البعض للمعونة ودس فيروسات غريبة
كما يحذر القائم باعمال وزارة الخارجية من مؤامرة دولية بعد هروب الأسد واختفاء النمر، وجاري الحصر لحديقة الحيوانات بالجيزة فقط ، حيث سبق إخلاء حديقة الاسكندرية من القرود .. أصدرت وزارة الأوقاف بيانا إلي أئمة أئمة المساجد بالدعاء بنصرة أبناء كاليفورنيا المشردين ..
عاجل تم تغيير أرقام تليفونات مستقبل خدمة العملاء في مصر طبقا لتعليمات الأخ الأكبر ..
ملحوظة .. أرقامكم القومية محفوظة .. وتم عمل الترتيبات اللازمة بعدم لعب الفئران في الصدور بتوجيهات سيادية
في اليوم التالي وكل شئ عادي في المعادي رن جرس التليفون ظهرا . ..
- ببيتزا هَت،pizza hut تحت أمرك ونشكركم على الطلب وممكن تديني رقم الكرديت كارد credit card لو سمحت
الزبون: .. بكل سرور ..لحظة واحدة.. الرقم ..9684554910
الموظف .. حضرتك الأستاذ معروف و بتتصل من شارع الغردقة بسان استيفانو ..
ورقم تليفون المنزل0352963214 .. رقم المحمول 0122268411
تغيرت لهجة الزبون بدأت تميل إلي الهمس ..
- عايز بيتزا سي فوود من فضلك
- الموظف : ما أنصحش حضرتك .. الزبون مندهشا : ليه
- انت عندك ارتفاع في ضغط الدم ونسبة الكوليسترول ..طبعا من من بطاقتك الصحية
-الزبون : آه آه !!! كنت ناسي .. ونفسي مفتوحة من الدعاية .. طيب بتنصحني بإيه..؟
- الموظف: بنصحك ببيتزا المشروم خفيفة الدسم و هتعجبك جدا
- الزبون: وليه بقى واثق إنها هتعجبني !!!
- الموظف : لأن المدام اشترت الاسبوع الي فات كتاب من معرض الكتاب اسمه: ألذ المأكولات المشروم..
-الزبون : ايوه ايوه.. أوكي طيب هات واحدة.... حجم عائلي والهدية حسب الإعلان ..
- الموظف: أعتقد إنك لازم تطلب وحدة تانية ... لإن العيلة عندها7 أفراد
الزبون : اوكي .. وهو كذلك ..
الموظف : بس كده المبلغ أصبح كبير هليك ..
الزبون .. بتقول البيتزا كبيرة عليك يا ريس ..
– الموظف .. يا استاذ إحنا بنسجل كلامنا .. وعاملين كنترول ع الصحافة ..
المهم عندك مشكلة للأسف الشديد مش هتقدر تسدد بالفيزا visaلأنك مديون للبنك بثمن العجل ، غير القرض اللي اخدته من البنك للشقة الجديدة لأبنك ..
- الزبون: طيب هسحب من الماكينة القريبة من بيتي على ما توصل البيتزا
-الموظف: مش هتقدر تغمض عينيك .. طبعا من القلق ، لأنه وفقاً للبيانات قدامي انت سحبت الحد الأقصى المسموح النهاردة طبقا لتعليمات البنك المركزي .
- الزبون: ايييييه ، هو أنت معاك السي دي إياها ..
- الموظف لا أنا اتحداوي يا أفندم
- أه والله، طيب ابعت الولد وانا هديله كاش cash money
الموظف: حوالي 45 دقيقة ولو مش عاوز تستنى ممكن تيجي بعربيتك الصيني الجديدة ..
طبعا المدام كان نفسها في المرسيدس البيضا لكن ظروف البلد وتوقف الحركة العقارية ..
إديني ودنك ..بقي لك إسبوع مزوغ من مكتبك في الحي ، بعد ما سمعت بتحريات النائب العام ..
الزبون: بتقول ايه يا ابن .. والا ..؟؟؟؟؟
الموظف: عفوا يا أستاذ انتبه لكلامك ،وما تنساش أن عندك قضية التعدي ، و سب ضابط مرور بألفاظ نابية بتاريخ
الزبون: ...........؟
الموظف: أي خدمة تانية يا أستاذ ؟
الزبون: لا لا سلامتك بس ما تنساش البيبسي كولا المجانية.
الموظف : آسف مش هقدر أبعت لحضرتك البيبسي المجانية ... واضح عندي انك مريض سكر ..
الزبون: طبعا بعد كلامك جالي استبحس ..
وأغلق التليفون ..
يلعن ابوك على ابو الي جابك ..
ينفخ حلقات الدخان في الهواء .. بطلي زن وياللا بينا علي شرم الشيخ ..
قومي ياولية اعملي حاجة ناكلها .. رافعا أصبعه في الهواء مهددا





التعليق والتصويت على الموضوع في الموقع الرئيسي


اخر الافلام

.. مت فى 10 أيام.. قصة زواج الفنان أحمد عبد الوهاب من ابنة صبحى

.. الفنانة ميار الببلاوي تنهار خلال بث مباشر بعد اتهامات داعية




.. كلمة -وقفة-.. زلة لسان جديدة لبايدن على المسرح


.. شارك فى فيلم عن الفروسية فى مصر حكايات الفارس أحمد السقا 1




.. ملتقى دولي في الجزاي?ر حول الموسيقى الكلاسيكية بعد تراجع مكا