الحوار المتمدن - موبايل
الموقع الرئيسي


فى ذكرى 25 يناير افتكروهم

ماركوس عياد جورجى
طبيب بشرى وطالب دراسات عليا فى الفيزياء والهندسة الطبية
(Markos Georgy)

2016 / 1 / 20
اليسار , الديمقراطية والعلمانية في مصر والسودان


لا أستطيع أن أعلق على هذا البوست ونقلته كما هو حتى لا ننسي

لو حاسس بتقصير ناحية المعتقلين ومش عارف تعملهم إية ؟ طب فاكر الناس اللي ماتت في الثورة والورد اللي فتح في جناين مصر وقلبك بيوجعك علشانهم !!؟ مشتاق لميدان التحرير وأغاني الثورة والهتافات وعايز تنزل بس مش عارف أو حتى خايف - الخوف مش عيب متقلقش - عايز تعمل حاجة ومش عارف إية هيا ؟؟؟

قول لأ دايما للي حواليك وجاهر بمعارضتك للنظام .. عرف كل اللي حواليك إن موقفك واضح وهو إنك رافض النظام .. طمن اللي شبهك وقوله إنت مش لوحدك .

إعمل لايك وشير لأصحابك اللي لسة بيقولوا لأ .. إدعمهم واكتبله كومنت قوله انا معاك وطمنه إن في ناس شبهه لسة بتقول كلمة الحق .. إشكر أي حد لسة بيقاوم الظلم رغم الحملة الشرسة إللي بيمارسها النظام علينا .

إنشر قصص المعتقلين .. والمختفيين قسريا .. كل يوم إكتب إسم واحد منهم .. إحكي حكايته عرف الناس بيه .. طمن أهله إنهم مش لوحدهم .. المعتقلين بالذات بيدفعوا التمن عني وعنك .. ولو مكانهم في السجن كان فاضي .. فممكن جدا تكون إنت مكانهم ..

إدخل على هاشتاج ‫-;---;--#‏افتكروهم‬-;---;-- على تويتر - نشط اكتر - أو على صفحة أوقفوا الاختفاء القسري هتلاقي مئات القصص لمعتقلين وشهداء ومختفيين قسريا .. انشرها وعرف الناس بيهم .. مفيش حد في الدنيا شبهك ولا منك قد المعتقلين في سجون النظام .

قولوا لأ على قد ما تقدروا يا جماعة .. هينوا الجنرال البأف وعرفوا الناس إن إسمه ديكتاتور مش رئيس .. إكتبوا عن المعتقلين .. طمنوا بعض إننا مش لوحدنا إتونسوا وإستخبوا في اللي شبهكم يا اخوانا ..

دا أهم فعل مقاوم في المرحلة الحالية .

#افتكروهم





التعليق والتصويت على الموضوع في الموقع الرئيسي


اخر الافلام

.. هل كشف جدل إدراج حزب الله والحوثيين على لائحة الإرهاب عن صرا

.. الرئيس الكولومبي يرد على ترمب: دماء الكولومبيين سالت خلال ال



.. ما الهدف من استمرار خطط الضم والاستيطان في الضفة الغربية؟


.. سوريون عائدون يواجهون صعوبات بسبب دمار منازلهم




.. الناتو يحذر من تصاعد التهديدات الروسية ضد دول الحلف