الحوار المتمدن - موبايل
الموقع الرئيسي


من أدب الثورة في سوريا

سمير هزيم

2016 / 1 / 26
الادب والفن


من أدب الثورة السورية
شب من جماعة الثورة ..
طلع بالعفو بعد سنة ونص ..
اول شي عملو اتصل باصدقاء النضال والمظاهرات والتنسيقيات .. ولا تلفون شغال
فتح الفيس بوك عم يدور عليهن .. الاول متصور جنب بحيرة بجع باستراليا
التاني عم يشوي لحمة هوي وحبيبتو على بحيرة بالمانيا ..
التالت عم يدافع عن حالو بقصة اغتصاب ناشطة تانية بنفس البلد الي هوي فيه ..
الرابع حاطط حديث شريف عن فضل جهاد الكفار ..
مافهم شي بنوب ..
اخر شي بصفحة لواحد من زملاء المظاهرات السلمية ايام زمان فكرها مسروقة ..
كلها شعر ونهدين والكاس العاشر اغماني .. وليالي بيروت ..
سألو .. لك هي انت؟؟
- اي انا .. الحمدالله عا سلامتك شريك
الله يسلمك بس شو صاير بالدنيا ؟؟ وين العالم .. ماعم بفهم شي ؟؟
- روق شريك .. شوي وبتستوعب ..
ما بدي استوعب .. طالع بكرا عا المعضمية ..
- صار مصالحة وفات الجيش
مصالحة؟؟ طيب رايح عند الشباب عا دوما ..
- زهران علوش حاطط اسمك عاحواجز الجبهة الاسلامية بعد ما خطفو رزان زيتونة ومرتو لياسين ..
علوش؟؟ اسلامية ؟؟ رزان عندون ؟؟ معناتو احسن شي عمي ارجع عا برزة بين اهلي وناسي وكمل من هنيك شغل ..
- شريك برزة تسلمت وصار حواجز مشتركة ..
حواجز مش شووو ؟؟ مشتركة ؟؟ يا الله يا شام ..
خلص طالع عا ادلب ..
- صارت مع جبهة النصرة شريك ..
مع مين ؟؟ لك شو عم يصير ؟؟ انا عم احلم ؟؟ مارح صدق لصير بحمص القديمة واسمع بادني من شباب عاصمة الثورة ..
- سلموها من شي شهر شريك وطلعو من حمص ..
شووووو ؟؟؟ لاء في شي مو طبيعي انت عم تعمل فيني مقلب .. وينو ابو سمرة بدي هوي يحكيلي ..
- ابو سمرة بعد ما استلم لجنة مساعدات حلقلنا ..
لاااااااء انتو كلكن جنيتو وجبنتو وبعتو .. ما ضل غير الساروت .. ثورتي بيمثلها الساروت وهوي بوصلتي الي رح كمل معو ..
- بايع داعش
مين داعش بايع ؟؟؟؟؟ الساروت ؟؟؟
- اي .. عن اذنك شريك .. طالع ابو وديع عالتلفزيون. بحاكيك بعد الحلقة ..

صاحبنا سكر اللابتوب راح فتح الشباك .. مد راسو وباعلى صوت ...
آبووو حافظ
آبوووو حافظ ...





التعليق والتصويت على الموضوع في الموقع الرئيسي


اخر الافلام

.. استشهاد الطفل عزام الشاعر بسبب سوء التغذية جراء سياسة التجوي

.. الفنان السعودي -حقروص- في صباح العربية




.. محمد عبيدات.. تعيين مغني الراب -ميستر آب- متحدثا لمطار الجزا

.. كيف تحول من لاعب كرة قدم إلى فنان؟.. الفنان سلطان خليفة يوضح



.. الفنان السعودي -حقروص- يتحدث عن كواليس أحدث أغانيه في صباح ا