الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
لاظوغلي
راجي مهدي
2016 / 1 / 29الادب والفن
صاحِب الضباع تِنذَل
صاحِب الرِجال تكسب
البيه خَسيس الاصل
البيه بلا مَذْهَب
تافِه ضئيل القيمَة
قاعِد علي الَمكتب
يسحل كرامة الفقير
والسَحل بمرتب
ضحايا ما تنعد
خلي الوطن يحسب
كام فقير اتقتل
لجل الضِباع تنهب
اه مِنك زَمن
سبت الوِسخ يركب
القسم بقي اوشْفِتز
يا بيه ايديك تِقلت
شُغل مافي اخوه
وَحدك عليه تقدَر
اكيد سعادتك خبير
و رتبتك هتلر
و فرانكو و موسوليني
سبحانه من صَور
شومتك علي الابدان
بتضوي و تنور
و سيرتك ف كل لسان
سكر من البنجر
و الطبقة بتقدسك
فوق ما تتصور
علي مَدد الشُوف
ضحايا ما تنعد
اللي انضرب ف البطن
و اللي انضرب ع الخد
اللي انضرب بالشوم
و اللي نصيبه الجَلد
و اللي مات من يومه
ما سمعش عنه حد
القِسم بقي اوشفتز
كان ناقصه غرف الغاز
لولا ضيق اليد
القسم بقي اوشفتز
و جورينج متسلطن
لاظوغلي من يومه
كان لليهود مَسكن
صدقي و زكريا
و شعراوي و من يتلوه
سالم علي النبوي
كانوا اذا اشتبهو
في بَشر قتلوه
و العادلي كمِل دين
و ديانة الوسخين
سلقوا لحم الوطن
و ف نوبة سعار اكلوه
اوشفتز مين يا ابا
اوشفتز دام كام عام
عشرة خمستاشر سنة
بعديها اتهدم ما اتقام
اما لاظوغلي بجلالته
ثابت كما الاهرام
يمر بيه الزمن
يتبدلوا الحكام
مايزيدش غير افترا
و عُهر ماله لجام
لكن وحق الوطن
يا سفلة يا انجاس
لا نرد تار الشعب
و لاظوغلي راح ينداس
و لا يبقي فيكم دكر
يقدر يذل الناس
|
|
التعليق والتصويت على الموضوع في الموقع الرئيسي
.. الفيلم اللبنانى المصرى أرزة يشارك فى مهرجان ترايبيكا السينما
.. حلقة #زمن لهذا الأسبوع مليئة بالحكايات والمواضيع المهمة مع ا
.. الذكاء الاصطناعي يهدد صناعة السينما
.. الفنانة السودانية هند الطاهر: -قلبي مع كل أم سودانية وطفل في
.. من الكويت بروفسور بالهندسة الكيميائية والبيئية يقف لأول مرة
