الحوار المتمدن - موبايل
الموقع الرئيسي


أحجي ..!!

طالب الجليلي
(Talib Al Jalely)

2016 / 2 / 5
الادب والفن

اوتكلي اخنك اجروحك
خلها سكته..
اولا اتخليها تحجي!
انا من فكيت عيني
لكيت امي تنعى
تخنك دمعها
وبسكته
تتحاشى الشماته
وبنص الليل
تبجي...!!
كبرنا
اومرّن اسنين العمر
نحسب الايام
نتنطَّرْ
جا يَمته يكضي
شو طال الشهر..؟!
وحنا ندري العمر
وسنينه
طفن
مثل وجنات الجمر
وتكلي إحجي..!
نذرت العمر
ومن الزغر
ضحيه للوطن
من اعروكي وبدمي سكيته
بلكت على الكلفات يعبر
يمر..ولا للغير
ابمذلّه
يتوسل اويشجي..
اوتكلّي شو ساكت
اوما تحجي !!
شحجي ..
وانا ابعيني اشوف الوطن
فريسه...
والتمت عليها اضباع
تلهم حتى وياه الخثي
و الكاع..
وحنا بس نلطم
اونتعارك..
اونبجي!!
اوتكلي شو ساكت
او
ما
تحجي ؟!!!

5 شباط 2016

---

---

---

التعليق والتصويت على الموضوع في الموقع الرئيسي

---

.. المخرج عادل عوض يكشف كواليس زفاف ابنته جميلة عوض: اتفاجئت بع


.. غوغل تضيف اللغة الأمازيغية لخدمة الترجمة




.. تفاصيل ومواعيد حفلات مهرجان العلمين .. منير وكايروكي وعمر خي


.. «محمد أنور» من عرض فيلم «جوازة توكسيك»: سعيد بالتجربة جدًا




.. فـرنـسـا: لـمـاذا تـغـيـب ثـقـافـة الائتلاف؟ • فرانس 24 / FR