الحوار المتمدن - موبايل
الموقع الرئيسي


من زمان قلنا الامريكان ملهمش امان يالعربان

جان نصار

2016 / 2 / 10
كتابات ساخرة


معظم الكتاب والمحللين السياسين الجادين من الصعب ان يكتبوا كتابات ساخره وهذه حقيقه لكني ككاتب كتابات ساخره لا اجد صعوبه في كتاباتي الجاده.. وابتعادي عنها هو بسب رسميتها وخاصيتها ونرجسيتها وكثرة شعاراتها وانشائيتها .
شخصيا اشبهها وكانها كتبت للمثقفين فقط ولا تحاكي نبض الشارع وكل فئات الشعب .هي مثل ان تدعو الفقراء والامين لتقبل نظرية سياسيه مثل الماركسيه وهم يبحثون عن رغيف خبز او عمل ولا يدري ان محصلة هذه النظريه هي لدعمه وشحذ وعيه الطبقي لتسهيل حصوله على رغيف الخبز وعمله لا ان يبقى عاله على نفسه والمجتمع.
يا عمي الزلمي جوعان وبفتش على رغيف خبز وانت بتحكيلو على الدايلكتيك وفائض القيمه وهو فاض فيه الكيل من الفقر والجهل والتخلف.
عنوان مقالي وبما انه ساخر هو:
من زمان قلنا ان الامريكان ملهمش امان.
لو اردته جاد لكتبته على النحو التالي:
الولايات المتحده لا سياسات دائمه لكن مصالح دائمه.
عفوا حبيباتي القراء ,التوضيح هادا كان لاحد اصدقائي وقرائي العزيز اكس, اللي سألني ليش كتاباتي معظمها ساخره .لهيك هاي المقدمه المفذلكي كانت للتوضيح مش اكتر, واللي انا شخصيا رغم كتابتي الها ما فهمت شو بدي من نفسي او شو لازم اشرح و بدكو اتطولو بالكم علي شوي وتتحملوني هادا للي بعرفوا اسلوبي. واللي ما بعرفوا بدكم تسامحونا.
مليون مره واحنا نقول انو مافيش سياسات دائمه بس في مصالح دائمه وعبس انك تفهم شعوبنا وساستنا.
انبرى لسانا واحنا نصرخ ونقول انو الامريكان معلهمش امان, وانو دايما مصالحهم فوق كل اعتبار , وكل خزوق منوكله ولا اخوه, ومع هيك مراهنين عليهم وحاطين كل املنا بالخلاص من طرفهم .يعني راكنين على حيطه مايلي وصرنا نعشق الخوازيق.
لاء وبقلولك انو المؤمن لايلدغ من جحر مرتين واحنا العربان نلدغ من الامريكان على طول الزمان ووين ما كان في كل هاي الاوطان .
فهمنا امريكا واقفه مع اسرائيل ضد الفلسطينين .والقضيه اصلا ربنا مش غادر يحلها والانحياز لطرف رغم عنصريته وعدم انصافه منقول سياسي مش مصلحه.
لكن ال 30 او 40 سنه الاخيرات معظم دول منطقتنا والدول والساسه اللي اعتمدوا على الامريكان اكلوا خوازيق منهم طلع من راسهم.
منهم اللي طار ومنهم اللي تعرض للدمار ومنهم اللي بعدو حمار وبتعلمش رغم التكرار.
شاه ايران طقعولوا الامريكان وطار واجي محله الخميني ومجموعة ولاية الفقيه.
صدام حسين دخلوه بحرب مع ايران لاكثر من 8 سنوات اكلت الاخضر واليابس, وتعرضوا الشعبين لخسائر بالارواح والممتلكات .
وبعدين حمسوا على احتلال الكويت وبعدها حاربوه ودمروا العراق بدعوة امتلاك صدام لاسلحة الدمار الشامل .واللي هللوا للفاتح الامريكاني وانبسطوا يجو اليوم ويشفوا حالة العراق.
انتشرت الفوضى الخلاقه في بلاد العرب اوطاني وتفتفت الدول تفتفت وبعد في ناس بتقولك انو 99%من اوراق اللعب بايدين امريكا.
عبو الامريكان براس السعوديه وقطر ودول الخليج انهم يلعبوا دور باسقاط النظام في سوريا وبعدها علقاني لليوم وهات خلصها.
السعوديه كرمال عيون امريكا زادت انتاج النفط وصارفي فائض و سعره ارخص من المي والبرميل باقل من 30 دولار مثل سعر بوكسة وصحارة البندوره والخيار.كله مشان اسقاط الاسد ونكايه بايران وروسيا .
امريكا مطقعه للاتراك حليفهم والعضو بالناتو وطقعت للسعودين واتفقت مع ايران. الاردن ومصر و و كمان كبو على قفاهم مي بارده و كل من قال امريكا برفعوه للسما وفجأه بخلعوه كوم وخزوق مرتب يتذكر فيه اليون اللي نزل فيه من بطن امه .
المعارضه السوريه هيها على خط الطقيع وبقلولهم راحت عليكم .لو قعدتوا بجنيف 3 كان فيها اخذ وعطى .
افهموها يا عرب امريكا مش راح تدخل بحرب مع روسيا كرمال عيون السعوديه ودول الخليج والمعارضه السوريه .
وزير خارجية امريكا كيري قالها بالفم المليان للمعارضه السوريه احنا مش راح نحارب عنكو.هاي رساله واضحه لتركيا والسعوديه اذا بدكم تولعوها ولعوها بس بعيد عنا واتحملوا النتائج, هذا من جهه ومن جهه تاني احنا الدول العظمى امريكا وروسيا منقرر طريقة اللعب مش انتو يا جرابيع.
اللي انا مش فاهمه ليش العربان وتركيا والتحالف السني مش فاهمين انو الرئيس اوباما في اخر شهوره العشره البطه السوده بالتعبير الامريكي رافض الدخول في حرب مع روسيا رغم انو بوتين دخل في نزاعات وحروب مع دول مثل البوسنه وجزيرة القرم في اوكرانيا والحرب مع دول الجوار.رغم ذلك شوية عطعطه عطعطهم اوباما بالسكاي نيوز وال سي ان ان للشعب الامريكي بالتهديد والوعيد بس للدعايه والاعلام والتهويش, وعلى امريكا السلام.
السعوديه وتركيا و الامارات وغيرهم نطوا بدهم يشكلوا جيش للتدخل بالحرب في المسأله السوريه معتمدين انو تقودهم امريكا بس لليوم ولا حس ولا خبر.
يمكن السعوديه استقوت على اليمن ودخلت بحرب في هذا البلد الفقير على اساس مقارعة ايران لكن الحرب المباشره مع روسيا وايران هاي بدها جمع وطرح وبيجوز قسمه وضرب.
تركيا زعلانه على الامريكان لانهم بشجعوا الاكراد اليوم ومغامرة حرب بدها وقفه طويله واعادة الحسابات والتفكير براس بارد مشن حامي. تهويش السعوديه يا اردوغان و حلم اعادة حكم العثمان فييو خراب بيوت اللعب صار احمى.
من الاخر امريكا كانت مع السعوديه ضد ايران اليوم ايران صارت استثمار واتفاقيه منقولش حلف لكن مش عدو و الشغله بدها اعادة نظر و برمجه.مع تركيا والاكراد كمان في تغير بهبوب الرياح.
اعادة حلب للحضن السوري ومنقولش سقوط حلب لانها مدينه سوريه, هذا يعيد الامل بعدم تفتيت سوريا الى اربع دويلات كما كان مخطط. والاستثمار السعودي القطري بالاموال والاستماته لرحيل الاسد مش زابطه. حصدت ارواح الابرياء ودمرت البلد ارضاء لامريكا واليوم الكل بدو ينزل عن الشحره.طبعا هذا لا يعني اعفاء الاسد من المساهمه بتبعيات ما حصل بالبلد.
اعزائي القراء لست مع النظام او المعارضه شخصيا مع وحدة سوريا كدوله ومع الشعب السوري وحقه في تقرير مصيره دون تدخلات اجنبيه ,,, لان الاسد وغيره من سيحكم سوريا من بعده لن يبقى مخلدا, لكن بقاء سوريا الوطن موحد هو الهدف .
تركيا اليوم على لسان اردوغان بتحمل امريكا انها حولت المنطقه الى بركة دماء بعد ما كان قبل اسابيع يضرب بسيف ها.
رغم كل ذلك على الطلاق انو كل هالزوبعه اللي بالفنجان ما رايح اتأثر على حب اردوغان والعربان والجربان والخرفان وحتى الغربان على عشقهم وحبهم للامريكان لو شو ما كان .





التعليق والتصويت على الموضوع في الموقع الرئيسي


التعليقات

1 - اميركا ما عدها صاحب ولا صديق
سمير ( 2016 / 2 / 10 - 21:06 )
عمي جان , المسكين نوري السعيد بدل الانكليز بالاميركان لانهم بيصرفو عله بلدو والنتيجة انسحل بالشارع واميركا كانت على الاقل عارفة بالانقلاب. قلنه للاغبياء اللي جو عالدبابة الاميركية , بكرة يعطوكم خازوق ما صدقو , بس انتظر شويه وتشوف المالكي ومن معه في قفص الاتهام او ما هو اسوأ. اميركا لو انها تريد تضرب الاسد كان من اول يوم دزولو صاروخ بغرفة نومو وقالو الفاعل مجهول, وهو مش اهم من كنيدي, بس الجماعة فاهمين او اميركا معهم. السعودية نسيت مشاكله الداخلية وراحت لسوريا واليمن وبكره مباشرة مع ايران , وما تشوف الا والسعودية صايرة سوريا ثانية. بس نتمنى لسياسيينا الاعزاء انو الخوازيق الجاية تكون صغيرة و (مزيته) حتى تكون العملية سهلة.احترامي

2 - الاستاذ شتيوي بوخبله المحترم
جان نصار ( 2016 / 2 / 10 - 21:24 )
عن اي عنصريه تتحدث هذا مقال ساخر اولا ومن جهه اخرى الاترى تهافت حكامناعلى ان يراعو مصالح امريكا قبل مصالهم وما وجه العنصريه اذا انتقدنا انفسنا هل نحن ملائكه.
وجهة نظرك احترمها ولكني بعيد عن العنصريه وهذا ما اعرفه عن نفسي ولو كنت عنصريا فلن اداري عنصريتي لاني مناصر للقضايا الانسانيه والدين لا يعنيني لانني اعتبره علاقه خاصه ومن خلال احترامي لنفسي احترم قناعات الاخرين ومعتقداتهم
تحياتي ومودتي

3 - الاستاذ سمير المحترم
جان نصار ( 2016 / 2 / 10 - 21:37 )
يا عزيزي انا شايف انو الامريكان معنين بتوليع العرب بين بعض واذا دخلت ايران على الخط فساعتها بتكمل وعلى نفسها بتكون جنت براقص وقال فخار يكسر بعضه.
السعوديه بتكب كبب بالنفط وبدللوا عليه بس احمل وشيل
الخوازيق لسه جاي لقدام
اعمار العراق وسوريا وليبيا واليمن سيطول عقود حتى لو اسقرت الاوضاع غدا صباحا
مع الاسف الشعوب هي اللي بتدفع الثمن
هلا عيني هلا ورده
تحياتي وابتساماتي

4 - الاستاذ شتيوي بوخبله المحترم
جان نصار ( 2016 / 2 / 10 - 21:49 )
بعيد وبكررر الكل وكانه ماسك علي مذله انا ان طلعت وان نزلت مااطنش اني من العرق السكسوني يعني من الاخر عربي شايفني يا عمي بقول عن حالي نروجي انا ناطق بالضاد
لكن مشان اريحك نعم انا عنصري ومسجل بالهويه اني عنصري خلص لقطتني حلال عليك
هلا خويا

5 - دي امريكا يابه
nasha ( 2016 / 2 / 11 - 00:13 )
استاذ جان انت محلل سياسي محنك. انا أؤيد ما كتبت في هذه الفقرة تماماً
(افهموها يا عرب امريكا مش راح تدخل بحرب مع روسيا كرمال عيون السعوديه ودول الخليج والمعارضه السوريه .)
روسيا اليوم لا تسعى لنشر الماركسية كما فعلت ايام زمان ولذلك اميركا لا حاجة لها في النزاع مع روسيا.
اما قولك ان الاميركان اتفقو مع ايران فأنا اشك.
ايران لا زالت خطرة وتلعب لعبة قذرة على الشعوب العربية وتمكنت من تخريب اربع دول بثورتها الدينية. ولا تنسى ابدا ان اميركا لن تسامح ايران . اميركا لن تنسى اولادها الذين قتلو في العراق بسبب ايران وبشار الاسد.
دخول روسيا الى سوريا يبدو لي هو اتفاقية بين الكبار لتبديل نفوذ ايران الخمينية بنفوذ روسيا بالاتفاق مع الاسد.
العثمانيين اخذو صابونة اكيد وايران لازم تدفع الثمن.
(دي امريكا يابه) هذا ما قاله حسني مبارك لصدام حسين قبل طرده من الكويت .
تحياتي

6 - الاستاذ ناشا المحترم
جان نصار ( 2016 / 2 / 11 - 08:04 )
من اكثر المواضع المحببه الي طوال عمري كانت السياسه وكنت في البدايه جادا ومتحامسا امنت بالتغير نحو الافضل وان الحركات التقدميه والاحزاب الوطنيه بمجاميع مثقافيها قد تحدث هذا التغير لكن مع الاسف الانهازيه والانقسام والنرجسيه بالاضافه الى استبداد الحاكم اذبت كل الشرائح وانصهرت واضمحلت ودخلت في موت سريري.
بوصلي الى مرحلة اليأس اتجهت الى الكتابه الساخره لاعبر عن نفسي مستبعد فكرة التغير واحداث الفرق.
بخصوص ايران معك حق اسأت التعبير اتفقت بمعنى حييدت او جمدت ايران لالتقاط الانفاس ولكي تتلركها تعبث في سياسات الدول العربيه والاسلاميه ولا فرق عندها اذا اشتبكت السعوديه وتركيا مع ايران لاحقا.
اليوم اللاعب الاساسي بالعالم هم الروس وامريكا .اما الصين تحافظ على سياستها لكنها من اخطر اللاعبين بقوتها الاقتصاديه وحتى العسكريه بمعنى انها نايمه على جوز قص مبكل تعبير من لعب البوكر.
في لبنان وافق حزب الله على رئيس ماروني شيعي.يعني دور ايران بلبنان واليمن والعراق وسوريا موجود
تحياتي يا صديقي وشكرا على المتابعه

اخر الافلام

.. عادل إمام: أحب التمثيل جدا وعمرى ما اشتغلت بدراستى فى الهندس

.. حلقة TheStage عن -مختار المخاتير- الممثل ايلي صنيفر الجمعة 8



.. الزعيم عادل إمام: لا يجب أن ينفصل الممثل عن مشاكل المجتمع و


.. الوحيد اللى مثل مع أم كلثوم وليلى مراد وأسمهان.. مفاجآت في ح



.. لقاء مع الناقد السينمائي الكويتي عبد الستار ناجي حول الدورة