الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
عن الحب واشياء اخرى
جان نصار
2016 / 2 / 14كتابات ساخرة
اليوم هوي يوم عيد الحب اللي صار يوم عالمي للتعبير عن المشاعر والاحاسيس واظهار الحب بكل تجلياته خصوصا بين المحبين والازواج بشكل خاص.
صار الحب للعائله ككل ومظهر من مظاهر الحديث عن الحياه اللي فيها حب بشكل بعيدا عن الكراهيه والحقد وحتى التعصب.
لكن مصيبتنا الكبرى انو المدعو فالانتاين وهو راهب عاش سنة 270 ميلادي كان يزوج الجنود المحبين اللي راحين على الحرب دون علم الامبراطور والزلمي كان رافع شعار يا بخت كل مين جمع بين حبيبين.شو بدكم بالطويله الامبرطورالروماني عرف بالموضوع وطلب احضاره ووداه بستين داهيه واعدمه.من يومها صار اليوم ال 14 من شباط عيد الحب او الفالانتاين دي وصاروا بالعالم يحتفلوا فيه المحبين لاظهار مشاعر الحب ومخزون العواطف اللي بتجمع طوال السنه وبفجروه بهذا اليوم احتفالا بالحب.
العيد مش ديني ولا الو خص بالدين لا من قريب ولا من بعيد لكن المتعصبين والمتزمتين من اخونا المسلمين برفضوا هذا العيد جملة وتفصيلا.
ليش ؟ ...لانو هناك فقط عيدين وهم عيد الفطر والاضحي اما الاعياد الاخرى فهي اعياد تتشبه بالكفر والنصارى ووجدت لالهاء المسلمين وتشتيتهم وهي بدع وهرطقات لا داعي لها.
كل سنه كالعاده تمنع الاحتفالات بمظاهر هذا العيد ويطلب من الناس عدم الاحتفال وانو التعابير والاحاسيس والمشاعر بالحب هاي ما الها لازوم وانو الحب اصلا ما الو محل من الاعراب ولا الترجمه وشراء الورود الحمراء او الشموع او الهدايا والتذكرات من قلوب ودببه ووووو كل هذه الاشياء مرفوضه ولا يقبل بها الدين.
يا عمي حتى الحب صار فيه مسلم ومسيحي وكافر ويهودي وبوذي وهندوسي معقول هاي .
يعني الكراهيه افضل من الحب شو راح يضر الحب بالدين مثلا.
اذا كان مافيش حب وعواطف واحاسيس شو بقي من الانسان.
اصلا تعريف الانسان هو مجموعه من العواطف والاحاسيس والمشاعر يعني كتلة احاسيس والا فهو روبوت وانسان الي.
الشعوب كلها تبحث عن السعاده وخصصولها يوم.حتى بالامارات خصصولها وزاره سموها وزارة السعاده.
طب هاي السعاده على شوقايمه غير الحب واللي هو نقيض الكراهيه والبغض والحقد.
في احلى منها انو الزلمي يتذكر المرا باليوم ويشترلها ضمة ورد حمرا بدل ضمة البقدونس والنعنع اللي طوال السنه بشتريهم مشان السلطه.في الطف من انو الزلمي يعزم حرمه على عشاء رومانسي وينسيها الطبيخ والمطبخ اللي قاعده فيهم 365 يوم .
شب يهدي حبيتو شي دبدوب حبوب مضروب على قلبه.
اكيد افضل من التحرش اللي صار افة العصر.واكيد افضل من التزمت اللي صار يولد عند شعوبنا الكبت واول ما تشوف خيال مرا صارت تهيج وتثار الغرائز وبعدين يقول لنا الشيطان شاطر او انو المرا شيطان.
الادعاء بان الحروب والقتل والدمار موجودين واننا لازم نضل مقيدين ببرنامج الغضب والحزن والبكاء واللطم ما بلغيش احاسيسنا وعواطفا واظاهر حبنا ولو بيوم من السنه.
رغم وجود الدمار والقتل والحروب والارهاب مش شايف انو نسبة الاخصاب والزياده السكانيه عم تنخفض .
ما شالله شعوبنا رغم الاحتلال والحروب والنزاعات والارهاب والموت والدمار نازله ليل مع نهار رقع وطقع وجنس ونكاح يعني كلو هذا شغال وعلقت على عيد الحب.
يا ترى هاي الناس ببتكاثر بس مشان النسل والنوع والبقاء مفيش حب وعواطف.
يا ريت لو نتوقف عن المزاوده واطلاق الشعارات ويكون عنوانا الحب لا الكراهيه والحقد والقتل والدمار.
مرات الواحد بسأل هلئ الاحتفال بعيد الحب هو اللي مأخر تحرير فلسطين.
سبب تخلفنا وجهلنا وفقرنا هو التهائنا بعيد الحب.
لو كان في حب الانسان لاخيه الانسان يا ترى كان في هذا الكم من الارهاب والقتل والحروب والدمار.
كل هدول اجو من نقيض الحب الا وهو الكراهيه والبغض والعنصريه والحقد.
اتركونا نحتفل بعيد الحب ونتبنى ثقافة الحياه مش الموت.اتركو دورة الحياه ماشي على الحب والسعاده والفرح.
في موت وفي حزن والم وفراق لكن بالمقابل في حياه وولاده وفرح وسعاده
راح نضل نحتفل بعيد الحب شاء من شاء وابى من ابى.
اللي مش عايز يحتفل بعيد الحب هو حر وينقبر على قلبه ويحل عن سمانا.
شخصيا انا ومعي الملاين راح نحتفل بقنص لحظه فرح وسعاده من حياتنا ونعبر عن حبنا.
عزيزي الرجل والامرأه حتى لو لعنتوا الساعه اللي حبيتوا فيها بعضكم وكل السنه نقار ونقير على الاقل اليوم المطلوب تأجيل العكنني والنكد لبوكره او الايام الجاي.
شخصيا اشتريت لزوجتي قوار ورد راح اخبطوه واطجوه براسها تعبيرا عن حبي لها.لهيك كل واحد منكم اعزائي القراء يفتش على وسيله مبتكره للاحتفال بعيد الحب.
مثلا اضائة شموع شي الف شمعه تتحرقوا البيت واللي فيه.
قضاء امسيه رومانسيه بين الشريكين وحضور فلم رعب تتبطلوا تجيبوا ولاد, هيك هيك مجتمعاتنا مش ناقصها تخلفي.
ختاما فقط للمحتفلين واللي بقدسوا الحب واللي عايشين مش ميتين.
تصبحون وتمسون على حب مع اهدائي لكم اغنية الحب كله.
اليكم هذا الرابط :الموت من فائض الحب
https://www.youtube.com/watch?v=W-nw4ViPtC0&feature=iv&src_vid=GZU9td4SHd0&annotation_id=annotation_1073091205
|
|
التعليق والتصويت على الموضوع في الموقع الرئيسي
التعليقات
1 - جريمة كبرى في العراق
سمير
(
2016 / 2 / 14 - 15:24
)
يا عمي جان حصلت جريمة كبرى في العراق اهتزت لها ضمائر السياسيين واعضاء البرلمان كما لم تهزها ان نصف العراقيين صاروا بين قتيل ومعوق ويتيم وارملة ومهجر, ان ثلث العراق صار لداعش وثلث للاكراد وثلث لايران, ان التفجيرات اصبحت امرا يوميا اعتياديا, ان قرابة ترليون دولار اختفت في عهد(الديمقراطية) اتعرف ما هي تلك الجريمة؟ نشرت على الانترنت صورة شاب يقبل فتاة في منتزه ! الله اكبر, طالب اعضاء البرلمان بان لايسمح بدخول شاب وشابة الى المنتزهات الا اذا كانا متزوجين, يعني صرنه سعودية ثانية. بل طالبوا بغلق كافة المنتزهات اذا حدثت (قبلة) ثانية! قبلة هزت الضمائر. الا لعنة الله عليكي يا اميركا فاي حثالة جئت بها لتحكم العراق
2 - يا جان يا حبيبي
قاسم حسن محاجنة
(
2016 / 2 / 14 - 15:49
)
لا تعتب على هؤلاء فهم لا يحبون انفسهم
تحياتي ومودتي
3 - الاستاذ سمير المحترم
جان نصار
(
2016 / 2 / 14 - 15:56
)
لاء والاحلى من هيك كل ما كتبت كلمه عن العرب كن بنوطللي شي قارئ وبدافع بحراره عن العرب والعروبه وكاننا ملائكه والله خلقنا وكسر القالب بعني امه مقطوع من وصفها
لسه الخير جاي لقدام اذا لحقت وولعت اكتر مع دخول جيش الفتح العربي السعودي الى سوريا زي ما بهددوا وبطقعوا ليل مع نهار.
بس من غير زعل يعني امريكا جابت هدول اللي حاكمينكم من دار ابوها ماهمي من العفن الموجود بالفكر المغيب والمحجب والفاسد والمرتشي والسارق والقاتل.باختصار البضاعه مش مستورده محلية الصنع والمنشئ
تصور امه تهتز مشان قبله ولا تتحرك على اغتصاب نسائها.وقفت النائبه الازيديه العراقيه في البرلمان تسثصرخ الضمائر العراقيه ليهبوا لنجدة الازيديات المغتصبات من قبل داعش ومعظم اعضاء البرلمان العراقي يتأفأفون لطول كلمتها ولانهم مستعجلين للوصل الى البيت
لاء يا عزيزي امه غسل ايديك منها
والله وسلامات
4 - عزيزي قاسم المحترم
جان نصار
(
2016 / 2 / 14 - 16:01
)
يا عمي انا ما بعتب على حد بس ازهقنا وقرفنا قرفونا عيشيتنا بطل الواحد عارف يفرح شوي ومع هيك كاسك يا وطن
تحياتي يا صديقي
.. عادل إمام: أحب التمثيل جدا وعمرى ما اشتغلت بدراستى فى الهندس
.. حلقة TheStage عن -مختار المخاتير- الممثل ايلي صنيفر الجمعة 8
.. الزعيم عادل إمام: لا يجب أن ينفصل الممثل عن مشاكل المجتمع و
.. الوحيد اللى مثل مع أم كلثوم وليلى مراد وأسمهان.. مفاجآت في ح
.. لقاء مع الناقد السينمائي الكويتي عبد الستار ناجي حول الدورة
