الحوار المتمدن - موبايل
الموقع الرئيسي


روح ماري انطونيت تبعث في العراق

جان نصار

2016 / 3 / 5
كتابات ساخرة


روح ماري انطونيت تبعث من جديد في روح الشيخ جلال الدين الصغيرالنائب العراقي السابق الذي لم ينجح في دورة اللهط والشفط الحاليه ولم يتمكن من ممارسة هواياته بالنهب والسلب رافعا شعار الحريه والعداله الاجتماعيه للعراقين.
فكان له حديث برفع الراس ويحث الناس على التواضع والاحساس وان الفقر والافلاس هي تاج للفقير على الراس والعوده الى اكل الحشيش والخبز هي الاساس ورفض اكل الجوكلاتة النستله من كل الانواع والاجناس.
اكيد الشيخ مش عايش مع الناس وحاسس بالفقر والجوع فهو لم يعرفه ابدا وبقول للعرقين على شو بتبطروا على النعم فانتو بالامس زمن صدام كنتوا يا دوب تاكلوا جوعانين وحفيانين, نسيتوا اكل الخبز مع الحشيش.
اي نعم في قتل على الهويه وعدد الركعات وفي ارهاب وسرقه وفساد والعراق مفتت ومقسم والمصايب نازلي عليه زي زخ المطر والفقر ضارب اطنابه وفي هجره ونزوح وتشريد وشوية دواعش وتفجير وتفخيخ ,وفي ابدات جماعيه للاقليات لكن هاد كله في المعدلات الطبيعه مش اكثر من حوادث طرق بشي دوله متقدمه .
كل هاي المصايب اللي نازله عليكم اسبابها ذاتيه وهو لاكلكم جوكلاطة النستله وهي السبب الرئيسي ويا حبذا لو بديتم تاكلوا جوكلاطه كادبوري الانكليزيه فكل مشاكلكم راح تنحل وراح يرجع العز والامان احسن من ما كان زمان الوصلي بالاندلسي.اذا عرف السبب بطل العجب شفتوا يا حبايبنا العراقين من شو مشاكلكم.الصراع المذهبي والطائفي والحروب واحتلال بلدكم من الامريكان والارهاب المتطرف الداعشي مش هو سبب وضعكم الحالى كلو الحق على النستله
على ما يظهر انو في تناسخ ارواح وفي انباعث ارواح وانو التاريخ يعيد نفس السيناريوهات بطبعات جديده منقحه وحديثي.
عنا المثل بقول يا شيخ جلال الدين:اللي مصروفه من امه شو بهموه.وانت يا سيدنا مش دافع من جيبك وعايش على حساب الشعب لاهيك بطخ من ط....مؤخره وسيعه
صدقوني اليوم امنت اكثر بناسخ الارواح وصدقت انو روح الملكه ماري انطونيت لبستوه وتقمسته للمناضل الشيخ جلال الدين الصغير.
ماري انطونيت زمن الثوره الفرنسيه لما رأت الجموع المواطنين ينتفضوا على الظلم والجوع استغربت لانها في قصرها لم تعرف الجوع والفقر وقالت ببلاهه وساذجه وغباء.
ليش يا ترى هاي الشعوب عم تصرخ وتصيح شو مالهم.
خبروها يا ستنا الملكه هدول شعبنا الجوعانين اللي بطلبوا بالخبز.
فاجابت بياي واي وهاي وواي ليش ما ياكلو بسكوت والبعض اللي كانوا بهداك الزمان معاها بقولوا انها قالت ليش ما بيكلو جاتو او كاتو بالكريم والقشطه والستروبري.
نهاية الملكه انطونيت كانت على الجلوتينه اي المقصله واعدمت ومن بعدها اجى عصر النور لاروبا ووزع على العالم المتحضر,, اللي تبنى مواثيق حقوق الانسان.
لكن عندنا لا يعدم الملوك والحكام المستبدين والدكتاتورين والمسؤولين الفاسدين والمختلسين الناهبين.
عنا يعدم الشعب وابو الشعب واللي خلف ام الشعب واخت الشعب .
يعني كالعاده ناس بتوكل جاج وناس مش ملاقي الخبز الكماج وناس بتوقع وبتعلق بالسياج.
طالما الشيئ بالشئ يذكر فهاي السلطه الفلسطينيه مستغربه بانو ليش المعلمين الجوعانين واللي على الفقر محسوبين بطالبوا برفع الاجورمش صابرين.
مع انو كل مسؤولي السلطه كل واحد تحت ط... مؤخرته سياره وعنده فيلا ومعاش احسن من رئيس وزراء بريطانيا وبكل غباء وحمرنه بسألوا ليش المعلمين بطرانين.
اللي فضح الطابق بعد ما كان مستور, الدول المانحه طالبوا من السلطه وين الكشوفات الاصليه مش التقليد اللي بتقدموها لالنا, واحنا منعرف ومسجل عنا انو المعلمين رواتهبهم معقوله.
اتاري النهب والفساد وصل لمعشات المعلمين والمسؤولين بلهطوا نص المعاشات .
يا دول مانحه هاد بسموه بزنس وعمولات وكومشن وضرايب يعني مش سرقه وفساد زي ما انتو متصورين .كمون معقول احنا ابناء الثوره اصحاب انبل قضيه تحرريه في العالم اننا نمد ايدنا لاسمح الله ,,, وبعدين على مين ابناء شعبنا المسخمين .
من هنا اطالب الدول المانحه ان لا تتدخل في سياستنا اللهطيه والشفطيه والفساديه ولا تقلولنا الصراحه والشفافيه لانه بهاي الحاله منكون كفلسطينين خارج الصف العربي,, منطلع عن بيئة وتراث بقية شعوبنا العربيه ومنرفض ان ننسلخ عنهم لا طبقيا ولا ارثيا ولا بيئيا لانو هذا الشبل الفلسطيني هو من ذاك الاسد العربي التابع للامه العربيه ...ورقصني ساجدع.
بعد الحقاره والوقاحه تبعت الدول المانحه للسلطه الفلسطينيه بطلب الكشوفات الاصليه, وقعت السلطه بحيص بيص ,ورئيس الوزراء حول الموضوع لوزارة الماليه, وزارة الماليه حولوها لمكتب الرئيس وشكلت لجنه سريه, وراح تتبخر القضيه, لانها بالاصل كيديه, وهي اشاعه مش حقيقيه,لانها مؤامره صهيونيه امبرياليه, ولهون بتكون خلصت الخبريه,وولا يهمكم راح نستمر بالمسيره النضاليه.

شو يا مرا خلصت طبخة الملوخيه سويلنا معها تحلايه صحن مهلبيه لانو القضيه بعد بدها سنين تتصير مستويه.





التعليق والتصويت على الموضوع في الموقع الرئيسي


التعليقات

1 - الأستاذ جان نصار المحترم
nasha ( 2016 / 3 / 5 - 12:27 )
قصة ماري انطوانيت قصة ملفقة .ذكر هذه العبارة جان جاك روسو بأحد كتبه ولكنه لم يحدد قائلها ولفقت بعد ذلك للملكة ماري انطوانيت.
أما مصيبة العراق وسقوطه فريسة بيد عملاء إيران فحدث ولا حرج. لا أعتقد أن العراق سيرجع دولة ذات سيادة من جديد.
العراق دمر ه أبنائه بأيديهم بسذاجتهم وطائفيتهم الغبية لقد استغلتهم إيران بكل دناءة وجعلتهم عبيد لها ضد مصلحة بلدهم.
إن العراقيين يحاربون بعضهم بإشارة من شيوخ جهلة متعجرفون عملاء حرامية بدون ضمير .
نفس السيناريو يتكرر عندكم لانهم جميعا مصابين بنفس المرض.
المسلمين بصورة شبه عامة خونة لبلدانهم مخلصين لدينهم وطوائفهم فقط.
وهذه هي مشكلتنا المعاصرة.
تحياتي يا احلى جان

2 - الاستاذ ناشا المحترم
جان نصار ( 2016 / 3 / 5 - 13:26 )
شوف عزيزي اذا مش ماري انطوانيت اكيد هاي من برانامج خليك بالبيت.يا عمي بالمدارس هيك علموني وحفظونا ولقنونا.اليوم صار في نيت وغوغل ويكابيديا كله هذا ما بخرط براسي انا من المدرسه القديمه ولا الله بزحزحني عن التناحه ويباسة الراس.بعدين دخلك شو فرقت اذا كانت ماري انطوانيت او ماري تريز والفرق شي متين سنه بيناتهم المهم الفكره والابداع.
مع الاسف لا العراق ولا سوريا ولا اليمن راح يرجعوا زي السابق والعراق تحديدا .
بذور الشر هي حصاد الكراهيه الدينيه والصراع الطائفي والتاريخ علمنا انو الحروب الدينيه والصرعات الطائفيه هي الاشرس والاشد فظاعه.
العراقين وقعوا بفخ الطائفيه والجهل وهي مصيبة المصايب نتمى ونتأمل ان تتحسن الاحوال .هاي دعاء حيلة العاجز وشعوبنا عاجزه فكريا وستبقى على ذلك عقود
وهلا عيني هلا ورده
تحياتي اغاتي

3 - الاستاذ فرنسيس قصير المحترم
جان نصار ( 2016 / 3 / 5 - 13:33 )
بصراحه انا حذفت الاجابه واعتذرلاني بسطر واحد عملت اخطاء املائيه.
اشكرك على الرابط والمعلومه.واشكر حضورك على قرأة المقال
تحياتي ومودتي

4 - رجاء الضحك ممنوع
سمير ( 2016 / 3 / 5 - 19:41 )
يا عمي جان شلك عليه اليوم فتحت هذا الموضوع , مو راح اطك, هذا وحسب تعبير المالكي نفسه قال انه اكبر قاتل( اورده الاستاذ ضياء الشكرجي) . ثق انه مو من جماعة صدام واعتبره هو من اوصل العراق الى هذه الحالة , لكن اريد صدام يرجع للحكم يوم واحد بس حته اشوف هذا وامثاله وين يصيرون؟ هذا بسيطة, اكل الجبن حرام الا ان تاكله مع الجوز, رحمة لابوك عمي جان, هو بزمن الرسول جان اكو جبن بالجزيرة العربية؟ يمكن , بس همه كان سامعين بالجوز؟ اي هو الفقير صح بيدو جبن حته ياكله ويه الجوز؟ العبقري اللاخ يكول ان ضراط الشيطان يعني الدفع النفاث, طلع اللي اخترع المحرك النفاث اسمه ابو الضراط! رجاء بدون ضحك فقط اذهب للرابطين

https://youtu.be/vMCjviDay0U

https://youtu.be/N80Ge5-qWHw

5 - الاستاذ سمير المحترم
جان نصار ( 2016 / 3 / 5 - 20:45 )
عن جد انا مش عارف ليش بعدني بكتب مقالات ساخره طالما انو هناك من المهرجين والهبل والمخابيل على مواقع التواصل الاجتماعي بالكيلو وكلها مش بس مضحكه لابل بشخخ من الضحك.
على فكره هدول الاشخاص المفتين استراد والا محلي بلدي والا مزارع
وشر البليه ما يقهقهه
بس بيناتنا حلوي هاي الضراط النفاث هاي اكتشافتنا افضل من اكتشافات المخبلين نيوتن وارخميدس واينشتاين
هلا بيك يا ورده
تحياتي ومودتي

6 - واحد عراقي و واحد فلسطيني
سمير ( 2016 / 3 / 5 - 23:28 )
استاذ جان, ابو الجبن عراقي وابو المحرك النفاث (الكيالي) اعتقد فلسطيني؟ يعني بعد ما فلسطين والعراق كانوا يطلعوا الشعراء والادباء صاروا يطلعوا مجانين 5 نجوم. الكيالي هذا اصبح اكثر من نبي اتباعو بالملايين يحلفو مو بس براسو كمان بط.... هذا ما جناه النفط علينا. احترامي

7 - الاستاذ سمير المحترم
جان نصار ( 2016 / 3 / 6 - 07:05 )
الله يصبحك بالخير .اظن انو الاخ سوري ومع هيك هادا لا يعني انو ما عنا مجانين 5 نجوم .في كل وطنا العربي عندنا من هاي البضاعه مش في مصر الخفير بالجيش عمل من نفسه عقيد ولواء واخترع الة الكباب اللي تشفي من الايدز وكل الامراض.
يمكن النفط ساعد على انتشار الغباء لكن في بلاد عربيه ما عندها نفط ولا ما يحزنون ومع هيك فالتخلف ضارب اطنابه
تحياتي يا ورده

اخر الافلام

.. مرضي الخَمعلي: سباقات الهجن تدعم السياحة الثقافية سواء بشكل


.. ما حقيقة اعتماد اللغة العربية في السنغال كلغة رسمية؟ ترندينغ



.. عدت سنة على رحيله.. -مصطفى درويش- الفنان ابن البلد الجدع


.. فدوى مواهب: المخرجة المصرية المعتزلة تثير الجدل بدرس عن الشي



.. الأسطى عزيز عجينة المخرج العبقري????