الحوار المتمدن - موبايل
الموقع الرئيسي


مركبه من غير شراع

رشا نور

2005 / 11 / 18
الادب والفن


يا مركبه من غير شراع
نورها ضاع قبل الوداع
يا مركبه شراعها اتكسر..و اتحسر
اتحسر القلب اتحسر
يا مركبه في البحر تايهه
و قلوبنا تايهه و كله ضاع
عاليه عليكي الموجه يا مركبه
عاليه عليكي عادات في مخاخ متشربه
لو كانت قيود الفكر تخنق مجادفك
لكانت صلاة الكفر تحيي اللي ضاع
عودي ..عودي يا مركبه و البحر عالي ولسه عالي
عودي..عودي يا مركبه و الهم ساري ولسه ساري
دا حنينك اقوى من شراعك
و نهارك اقوى من ليالي
يا مركبه و ساريه في بحر الخوف و مش داريه
اوعي طريقك يضل
ولا ملاحك يمل
دا وحش الخوف بيكبر لكن دا كله ضل
عدي على الموجه يا مركبه لبر الامان
عدي على فكر وعادات ماليها الضلام
دا الليل لازم له نهار
و الخوف لازم له سلام
سيري سيري يا مركبه و ارفي شراعك
وضمدي جراح حنينك
و ارمي ضياعك
و خلي مجدافك يرجع يجدف تاني
و قلمك......يكتب نزيفك و صراعك
دي دفتك ترشد طريقك
و حلمك يهدي شرودك و ضياعك





التعليق والتصويت على الموضوع في الموقع الرئيسي


اخر الافلام

.. قطة تخطف أنظار الحضور بعد صعودها على خشبة المسرح أثناء عزف ا

.. عوام في بحر الكلام - علاقة الشاعر فؤاد حداد وسيد مكاوي




.. عوام في بحر الكلام - فؤاد حداد أول من حصل على لقب الشاعر في


.. عوام في بحر الكلام | الشاعر جمال بخيت - الإثنين 10 يونيو 202



.. عوام في بحر الكلام - حفيد الشاعر الكبير فؤاد حداد مع الشاعر