الحوار المتمدن - موبايل
الموقع الرئيسي


يا قلب ...اوعى تموت جواك القضيه

رشا نور

2005 / 11 / 19
الادب والفن


سنين وسنين مخلوع من الطين
انا جسمي بره وقلبي جوه حزين
سنين وايام بقول ده حرام
روح فدى حريه و موت فدى ايام
ليه يا زمن جبتني في زمن غير الزمان
و ليه يا حنيني جريت ورا طلاسم كلام
قال ايه وطني وطيني وارضي
و ما نبني غير وئد الاحلام
فالحفره الكبيره اصلها...
حفره كبيره و حضروها
شعارات مثيره وعلقوها
و الموت بقى اسمه عادتنا
و الحريه ربطوها وكمموها
صارت عنينا تحلم تبص
و لسانتنا ناشفه جوه الحنك
وايدين واصله تمسك ترص
فينا كأننا زي الصنم
و في ده كله
تتمنى العيون و تتولد احلام
احلام ترفرف من غير جناح
و سلاح ينتف كل ريشه و زغب
و عيون بتجري ورا اوهام
و لسان يدلدل ناشف متل الحطب
لأ..لأ يا عيوني ما تشوفيش الحفره ديا
و يا حلم اتولد من تاني فيا
و يا لسان انطق وقول ده ليا
و يا قلب اوعى تموت جواك القضيه
اوعى تموت..جواك القضيه





التعليق والتصويت على الموضوع في الموقع الرئيسي


اخر الافلام

.. روبي ونجوم الغناء يتألقون في حفل افتتاح Boom Room اول مركز ت

.. تفاصيل اللحظات الحرجة للحالة الصحية للفنان جلال الزكى.. وتصر



.. فاق من الغيبوية.. تطورات الحالة الصحية للفنان جلال الزكي


.. شاهد: دار شوبارد تنظم حفل عشاء لنجوم مهرجان كان السينمائي




.. ربنا سترها.. إصابة المخرج ماندو العدل بـ-جلطة فى القلب-