الحوار المتمدن - موبايل
الموقع الرئيسي


اردوغان تركيا وابتزاز الاتحاد الاروبي

جان نصار

2016 / 3 / 13
كتابات ساخرة


رغم توتر العلاقات التركيه الروسيه وقطعها وتوتير الاجواء بين الدولتين اثر اسقاط الاتراك للطائره الروسيه وايضا تكهرب العلاقات مع امريكا نتيجة الملف السوري, وتطقيع اوباما لاردوغان واتهامه بالاحمق والاهوج ووضع كل الثقل على الحليف الامريكي الجديد والقوي في الملف السوري اللي همي الاكراد الا ان اردوغان لم يستسلم وفي بأيده شوية اوراق رابحه وبلعب فيها بقوه.
تركيا اردوغان مش سائله لا باخوه ولا بأسلام وبتلعب بورقة وملف اللاجئين السورين زي ما هي بدها.
فموضوع اللاجئين السورين الانساني ارردوغان جيروه لصالحه ولصالح تركيا ومش سائل لا على مأساة السورين ومشكلتهم لانو بالاصل هو احد مسبباتها وتفاقمها وتوليعها.
الكل بعرف ان فتح الحدود وتهريب كل مرتزقة واراهبين العالم من جبهة النصره وصولا الى داعش واخواتها كان ولا يزال من الممرات الحدوديه التركيه الامنه الى الدوله السوريه بمعرفة وتواطؤ اردوغان شخصيا.
ما علينا كتبنا كتير عن هالموضوع لكننا اليوم امام ابتزاز تركي اردوغاني للاتحاد الاروبي صريح.. وهو كالتالي يا بتعطوني مال ودعم مالي ضخم يا بغرق اروبا باللاجئين وبفتح الحدود.
لكن هادا مش مجرد تهديد لانه بالفعل بمارس هاي السياسي ومغرق اروبا باللاجئين وخارب بيت اليونان تحديدا وبقية دول اروبا.
اردوغان بقولك ما بكفيني3 مليار يورو انا دولتي بدها 6 مليار يورو يعني اكثر من 8 مليار دولار وكمان على البيعه الاتراك كمواطنين من شهر تموز يسمح لهم دخول الاتحاد الاروبي بدون فيز يعني تأشرات مرور والاهم التسريع بقبول تركيا بالاتحاد الاروبي .
الاروبين بقولو لاردغان عمال نعاملك كامير ونازل علينا مظرطه وتشريط وبعدين معاك.والاخ بجاوب اكيد انا امير والا شو مفكريني من دول العالم التالت.
بصراحه اردوغان زلمي وقح وبجح وطرح وتنح وهاي صورتو صارت واضحه للكل انو كل كلامه عن الاسلام ووحدة العالم السني والاخوه مجرد فذلاكات وتبجحات ما الها اساس لانو مصلحته ومصلحة تركيا فوق الجميع.
رغم كل ذلك يعني مين اللي غرق اروبا بالاجئين ومازال بعرقها غير اردوغان تركيا وفوق ذلك قابض وبقبض ثمن مأسي اخوتنا السورين وبتاجر بقضيتهم.
يالا ريت تشوفوا كيف يعاملوا السورين اللاجئين بتركيا بعيدا عن يوتيوبات الدعايه والاعلام.
اردوغان ماسك الاروبين من بيضاتهم ومن ايدهم اللي بتوجعهم وبلعب بورقة ملف اللاجئين السورين زي ما هو عايز. وخرجكم فكروا كمان كيف تدخل تركيا بالاتحاد الاروبي مشان بكره تعيش على حساب مؤخراتكم.
اذا وهمي الاتراك مش بالاتحاد الاروبي وهيك عاملين عمايل استنوا الجاي كتير احلى.اصلا الاتحاد الاروبي واقف على كف عفريت وقرب يفرط مع دخول الاتراك ساعتها سلمولي على الباي باي.
العمه ميركل بتتوسل لاردوغان مشان يقبل عودة بعض اللاجئين مع وعود بالتدخل في تسريع دخول تركيا للاتحاد الاروبي.
بريطانيا بتفكر تترك الاتحاد وفي دول زيها .
طب يا اتحاد يا اروبي ليش الاردن ولبنان ما الهم نصيب وكل وحدي من هالدول تلهط شي 3 مليار يورو.الاردن غرقاني بالديون وعندها عجز بشي 35 مليار دولار.
لبنان عنده عجز وديون ولاجئين وازمة زباله, وكمل النقل بالزعرور توقفت المساعدات السعوديه والخليجيه.
لاء وبالاخير بقولك انو الواجب الاخلاقي والادبي والانساني يحتم على الاروبين ان يدعموا اللاجئين ماديا ويستوعبوهم اما الاخوه العرب والمسلمين من دول الخليج وعلى راسهم السعوديه وقطر اللي هم شركاء في جريمة دعم الارهاب وتوليعها في سوريا واليمن والعراق ولبنان وليبيا و و و فهدول ما بخصهم بالدعم والاستيعاب ومعفين من الضرايب,, لا بل بزيدوا النبي صلاه مشان تولع وتتهبب اكتر واكتر.
هولاند الرئيس الفرنسي بعطي الاميرنايف ولي العهد السعودي وسام جوقة الشرف بطلب من الامير نفسه مشان صورته للامير و مظهره قدام دول العالم.
بتولع بفرنسا لجان حقوق الانسان والاحزاب بتشجب وبستنكر هذا العمل المشين بالاضافه الى ان الممثله الشهيره صوفي ماررسو بترفض هيك وسام لانه اصبح وسام خزي و عار .
بالمقابل الرئيس هولاند بطالب بمحاسبة اردوغان تركيا خصوصا في مجال الحريات العامه وحقوق الانسان.
اللي بشخخ من الضحك انو السعوديه وولي عهدها تنال وسام جوقة الشرف اللي هو اعلى وسام في فرنسا لانها بلد تحافظ على الحريات وخصوصا المرأه بالاضافه الى انها لا تدعم الارهاب وبتحاربه واليوم هي في لعبة ليغوا مع اليمنين والسورين والعراقين واللبنانين مش حرب وتوتير اجواء اما اردوغان تركيا لاء.
بالمختصر موني توكس المال يتكلم بشتري اتخن ضمير بالعالم.
يا هولاند السعوديه واردوغان في موضوع حقوق الانسان سيان والتنين بنفس القبان .بس للامانه انو السعوديه قاطعه مراحل واشواط كتير اطول في مجال الحريات عن تركيا الواحد يحك اللي الو واللي عليه.
تركية الامس صفر مشاكل اليوم هي اصل وام واخت وعم المشاكل,, وشاكل يا خوي شاكل.





التعليق والتصويت على الموضوع في الموقع الرئيسي


التعليقات

1 - عندما يجاهر الرئيس بدينه و يتفاخر
شيخ صفوك ( 2016 / 3 / 14 - 10:39 )
كل رئيس عندما يجاهر بدينه و يخطب في الجماهير فاعرف بانه كلاوجي
و نصَّاب و منافق و القرد لا يلحقه في اللعب علي الحبال
هذا المٌهرِّج حاقد علي الاكراد لدرجة المرض
ويحب الدعاديش اكثر من اولاده فلًّذة اكباده
ويكره اوربا اكثر من كرهه للاكراد
ويكره شيعة ايران اكثر من كرهه لاوربا
و يكره العلوييًّن اكثر من كرهه لليهود
ويكره اليهود اكثر من كرهه لروسيا
ويكره روسيا اكثر من كرهه للصحافة الحرًّة
وبصحتك يا اخي جان اليوم عندي غزوة علي بطل الويسكي
وحنَّا البدو وين العدو
وتقبل تحياتي المزركشة

2 - هذا الديناصــــــــــــور التركي
كنعان شـــماس ( 2016 / 3 / 14 - 11:50 )
تحية يااخ جان نصار وتحية الى شــــــيخنا المهيب الشيخ صفوك ... كان مسلسل باب الحارة ســــــــــــــــــــــم في ســـــــــــــوريا وقد يكون حريـــــــــــــــم الســـــلطان مثله في تركيــــا فقد بلع هذا الديناصور التركي بغير حق مبالغ طائلة جــــدا من ماسى جياع ســوريا وجبــــــن حكام الاتحاد الاوروبي وغبائهم ويحتمل ان العم ســــــــــــــــام يحفــر له قبـــرا عميقـــــــــــا اعمق من قبر ســــوريا التي تكاد تفرغ من نصف ســـكانها وواقعا لبنان والاردن احــــق بالمساعادات الانسانية من هذا الديناصـــــور التركي الذي لايشـــــبع تحية

3 - عزيزي شيخ صفوك المحترم
جان نصار ( 2016 / 3 / 14 - 13:10 )
صدقت يا اخ العرب فاردوغان متبجح وتنح وعنيد ويمكن حتى بكره نفسه اكيد كل يوم لما بطلع بالمرايه بقول تفو على هيك شخصيه
الامريكان واوباما شخصيا وصفوه بالوقاحه والغباء ورفض ابتزازاته لكنه سريع التحول زي الحرباء قفز على الاروبين ونازل فيهم ابتزازات وشروط وتعجيز من منطلق العايز اهبل.
الاروبين بقولك بوس الكلب من تمه تتوخد غرضك منه
اتمنى لك غزه موفقه وتنسناش وانت بتشرب بالكاس تتذكر اخوك جان واحد من الناس
استوسك واستعرق واستبرر واستفدك واستنبذ يعني اشرب وسكي وعرق وبيره وفودكا ونبيذ بس لا تشرب كونياك
تحياتي وابتساماتي اغاتي

4 - الاستاذ كنعان شماس المحترم
جان نصار ( 2016 / 3 / 14 - 13:25 )
اشكرك على التحيه والمداخله.في الواقع لست من مريدي النظام فانا ضد الدكتاتوريه والاستبداد لكن وهاي تحتها 20 شحطه ما كان يدبر ولازال هو ليس ثوره على الاستبداد كما ارادها بعض المخلصين من ابناء سوريا الهدف واضح تقسيم سورياالبلد.
مع الاسف دماء كثيره سالت وهجره فرضت على السورين والدور التركي الاردوغاني في ذلك كبير وحقير وسافل وبعيد عن الانسانيه.
تركيا لها اطماعها ومن يصفق لاسلامها ينسى تاريخها الاسود في اذلال شعوبنا وينسى زمن التترييك.
اردوغان رافع شعار الضروريات تبيح المحذورات والغايه تبرر الوسيله
اكبر خطاء سيرتكبه الاروبين اذا وافقوا على دخول تركيا اردوغان اتحادهم
تحياتي ومودتي

5 - أجمل ما قلت عن صوفي مارسو!
أفنان القاسم ( 2016 / 3 / 14 - 14:40 )
ذكرتني يا جان بمونيكا بيللوتشي، فصوفي مارسو أعرق (من عَرَق)، والله فتحت منافسي على كاس، فما رأيك؟ ما بدنا إردوغان وبطيخان، كله لحم كلاب بملوخية... لكني مسحور بأسلوبك، بجد، عبارتك -اللي بشخخ من الضحك-، بإيش أحلف لك، ما سمعتهاش من أيام نابلس!!!

6 - عزيزي الاستاذ افنان القاسم المحترم
جان نصار ( 2016 / 3 / 14 - 17:16 )
شوف عزيزي روح قلبي الحلوين بداياتي كنت ولا زلت اعشق صوفيا لورين وبعدها مونيكا بلوشي واليوم صوقي مارسو وكله حب وعشق افتراضي يعني مش طايلنا اشي منه غير الدخول باحلامنا.
موضوع شرب الكاس انا بحيك وبشد على اياديك وباعلى صوتي بناديك وبصيح مثل الديك مشان بالكاس انبل الريق
بعرف يا عزيزي انو اسلوبي بالكتابه زي اللط على الطي..... وفي كتير انتقادات على كتاباتي المولدني والطفوليه لكن مع الاسف هاي شخصيتي وبغدريش اكتب اشي جاد باسلوب جدي والاحوال بشخخ من الضحك في الواقع.لانه شر البليه ما يضحك
الكتابي عندي دج وطوب طبتك العافيه بتقدر تقول كتابات سطحيه
سعدت كتير لانك تقرأني ومداخلتك ابسطتني
وكاسك وبصحتك
سلامات يا صاحبي

اخر الافلام

.. تفاعلكم | أغاني وحوار مع الفنانة كنزة مرسلي


.. مرضي الخَمعلي: سباقات الهجن تدعم السياحة الثقافية سواء بشكل




.. ما حقيقة اعتماد اللغة العربية في السنغال كلغة رسمية؟ ترندينغ

.. عدت سنة على رحيله.. -مصطفى درويش- الفنان ابن البلد الجدع




.. فدوى مواهب: المخرجة المصرية المعتزلة تثير الجدل بدرس عن الشي