الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
المعلقة الاطرمية : للشاعر عباس طريم .
عباس طريم
كاتب - وشاعر
(Abbas Trim)
2016 / 3 / 13
الادب والفن
المعلقة الاطرمية : للشاعر عباس طريم .
انته فعلا يااخي اتحب الرسول؟
الى كل من سرق اموال شعبي , واوصل الوطن الى حالة الافلاس.
والقصيدة .. لا تقصد شخصا بعينه .. بل كل الفاسدين والحرامية
الذين احالوا الوطن الى ركام .
انته فعلا يااخي اتحب الرسول؟
_____________________
عباس طريم
_
انته فعلا يا اخي , اتحب الرسول ؟
وانت من اتباع سيدنه
علي؟
+
صار عندي يا اخي الطيب , فضول
وشك , واريده ايزول عني
وينجلي
+
جاوب ابلا , حته ما نعتب عليك
وحيل نعتب , لو كلت : اهواه
بلي
+
جاوب ارجوك؟ , وعلى ضوء الجواب
رايدك تسمع اباذنك, ما
يلي :
+
جان ابو القاسم , يسمونه الامين
الصادق , اينادوه ابعهد
الجاهلي
+
بالنزاهه انعرف ما بين العباد
وصار اسمه امقدس , بكل
محفل
+
خطه واضح , بالعداله ومايميل
الدنيه لو مالت , يكللهه
اعدلي
+
وجان من ينطي حقوق المسلمين
المستحق فعلا ايكون
الاولي
+
+
وجان حيدر عدله , من عدل السماء
وايده بيضه , والشرف واضح
جلي
+
ومن اخوه , طالبه ابمال امن الخزين
وكله اريدك ياعلي اتساعد
هلي
+
اعتذر منه وكال : اسف ياعقيل
هذه مال المسلمين, اوموش
الي
+
وخاطب الدنيه علي : واياك كال
لا تغريني بطرف -ن
اكحل
+
غري غيري , انه طلكت الحياة
ولا تظني ارجعلج
وتتأملي
+
هذه حيدر , عاش عمره اعله الكفاف
وجان كلبه من الطمع , صافي
وخلي
+
ما ترك بالديره , محتاج وفقير
يشكي همه ابليل , للرب
العلي
+
في ضمير الناس عاش , اوخلدوه
واكرمه التاريخ بانواع
الحلي
+
كلي عندك صفه اتقارب للرسول؟
لو الحيدر , حته اجاوب
سائلي؟
+
ياصديقي , انته حملت الجمال
ابمال شعبك , كلت كل هذه
الي
+
وانملت بره البلد , كل البنوك
من حلال اعراكنه الطيب
ملي
+
وهدمت بيدك وطن , اسمه العراق
وليكلك :خاف ربك
يبتلي
+
ماكو شي منك خلص , حته العقود
كلمن ايوقع , اتكله اكتب
شلي؟
+
تامر وتنهه جنت , مثل الملوك
اتهدد النجمه , وتكللهه
انزلي
+
رجعتنه , العهد ما قبل الرسول
وشعبك المكرود , كليته
كلي
+
والمواطن يسألك , يبن الاصول
الحاير ابعيشة اعياله
ومبتلي :
+
الله يقبل , الك كل خير العراق؟
وانه من هالخير.. كلشي
ماالي؟
+
واهلك باغله قصر , وسط السويد؟
وانه كوخ امن التنك
تسكن هلي؟
+
وين حكي ؟ انه بصراوي العراق
وانه ابن تكريت , وانه
الموصلي
+
النجف ارضي وارض جدي , وكربلاء
ارضي , ودياله ترابي
ومعقلي
+
وانه انباري وعراقي , وما نسيت
بلعماره وبالسماوه
اخوان الي
+
وانه من بغداد , ابن دجله وفرات
سني اوشيعي ومسيحي
ابمغزلي
+
جنت اظن , تحميني من غدر الزمان
وابد ما ظنيت , تسعه
لمقتلي
+
زاير كريمد , طلب حق اللجوء
وباع حته احماره , والبش
والطلي
+
وهام , عاف الديره الكم يالصوص
ومايرد , اله الحقائق
تنجلي
+
الناس تكتل بينه مفرد , عالبطيء
وانته يابو الويو , طكاتك
صلي
+
لا اتسولف .. اعلن افلاسه العراق
وعالشعب جذبك , بعد ما
ينطلي
+
شعب خيراته تسد , ارض وفضاء
ايعود مفلس؟ , ياجبال
اتزلزلي!
+
لا تصلي , شكال ربك بالكتاب ؟
كل حرامي ابنص جهنم
ينصلي
+
لا اتصلي اوكول : في يوم الحساب
ياترى , بيا درك اسفل
منزلي؟
+
حملت للخارج اموال العباد
وكلت طز , والف طز
ابعاذلي
+
البينه سويته .. فلا يرضاه رسول
ولا نبي ايقبله , ولا ايقبله
ولي
+
وين خاجيه , تجي وي الزايرات
ولج يم ازناد نوحي
اولولي
+
وكولي يمكعد , الوادم عالحصير
وكانس ابطانة شعبنه
البابلي
+
بيش نظفت الخزينه , يالعزيز؟
فدوه ليدك , يمه جاليهه
جلي
+
+
هسه جوابني , اذا عندك جواب؟
اوفكرت زين , ابسؤالي
الاولي؟
+
انت فعلا مسلم اتحب الرسول؟
وتدعي , من قوم حيدرنه
علي؟
+
عباس طريم
|
|
التعليق والتصويت على الموضوع في الموقع الرئيسي
.. صباح العربية | الفنانة الراحلة ذكرى تعود من جديد بتقنية -اله
.. مواجهة وتلاسن بكلمات نابية بين الممثل روبرتو دي نيرو وأنصار
.. المختصة في علم النفس جيهان مرابط: العنف في الأفلام والدراما
.. منزل فيلم home alone الشهير معروض للبيع بـ 5.25 مليون دولار
.. إقبال كبير على تعلم اللغة العربية في الجامعات الصينية | #مرا
