الحوار المتمدن - موبايل
الموقع الرئيسي


خالتي انشراح ابو الغيط جاي والعربي راح

جان نصار

2016 / 3 / 14
كتابات ساخرة


ايوا زرغدي يا خالتي انشراح هاي احمد ابو الغيط جاي ونبيل العربي راح .
تتصوروش اديش كانت فرحتي لما عرفت انو انتخب وزير خارجية مصر السابق زمن الرئيس البائد مبارك السيد احمد ابو الغيط رئيسا وزعيما وقائدا وبطلا لزعامة الجامعه العربيه.. مزعت اوعييه وملابسي من الفرح وهطلت دموعي شلالات غزيره اكثر من شلالات نياغرا من كتر الانفعال والحماسه,, واختلطت مشاعري باحاسيسي في سفونيه رائعه من تجمع العواطف خصوصا وانو ابو الغيط راح يهدي العواصف اللي عمال تعصف بوطنا العربي عصف وهاي مش عواصف وبس هاي اعاصير وهوريكانات .
ابشروا يا عرب عصر جديد جاي علينا الرجل المناسب في المكان المناسب فكلنا يعرف مدى وخطورة موقع الجامعه العربيه خصوصا في حل مشاكل اوطاننا والتاريخ يشهد على ذلك.
لا والف لا ما حد يقنعني انو وجود الجامعه وعدمه هو واحد, وما حد يقنعني ويقول انو الجامعه العربيه خلال 70 سنه من تأسيسها لليوم ما حلت مشاكل وانها مكان لشرب القهوه وتجمع العرب مشان يتسامروا ,وانو البيانات كانت تطبع وتقرر من قبل المؤتمرات وانها صبابة خرج لا بتحل ولا بتربط ومش مهم مين يكون الرئيس لانو العرب من يوم ما اتفقوا على ان لا يتفقوا متفقين على هذا الاتفاق.
شخصيا انا بكره الاحكام المسبقه اعطوه لابوالغيط فرصه واذا فشل زيو زي غيرو ساعتها بنلومه.
وعلى قولة اخوتنا المصرين الراجل دى راح يعمل شغل حلو وجامد .دى راح يعمل الهوايل ويلبس البحر مايو.
مش هو نفسه اللي قال انو حيكسر رجلين الفلسطنين لو هوبوه ناحية مصر.
احد الكتاب المصرين بعلق وبقول مش مشكله لو حطينا رجل بمهمه وفشل ويقصد عن الرئيس السابق نبيل العربي لكن المشكله ان تضع رجل فاشل اصلا في مهمه افشل لينتج عنها فشل تربيع.
شخصيا انا ضد هذا الكلام اعطوه للزلمي فرصه واكيد راح يحل ما تبقى من اطلال فلسطين الذي يمكن ان يكون قابل للحلى هذا اذا لحق,, وراح يحل ازمة وجود الارهاب والدوعاش ويزبط الوضع في سوريا رغم عدم حضورها للمؤتمر, ويحل الصراع في العراق وراح يقبض عفوا يفرض على السعودين حل خروجهم من اليمن ومهمته الاساسيه راح تكون عرقلة المونديال بعد خمسين سنه في قطر لانها تحفظت على انتخابه.لبنان راح يكون الها نصيب بطلب من دول الخليج العوده فورا عن قراراتهم المتسرعه بمعاقبتهم وطلب السامح وترجع الامور زي السابق واحسن.
حضرة الكاتب هاد تفسيخ النياع واللعي والفذلكه والفلسفه اللي حضرتك متحفنا فيهم,, ممكن تعطينا انجاز واحد عليه القيمه انجز من كل مؤتمرات العرب خلال تاريخهم تخزوقلنا عينا فيه وتقنعنا.
فش عاصمه عربيه الا وكانت فيها مؤتمر ومؤتمرين يا نور العين من القاهره للرياض للخرطوم لدمشق للرباط للكويت لبيروت ل ل ل وعالالا ولالا ولالا ليش الزعل ياخاله.
كل هاي الانجازات اللي حصلت بوطنا العربي المشرشح انتو مش شايفنها اي حتى الاعمى بشوف النقله النوعيه لوطنا العربي .عيب عيب عيب يا اخوان.
حضرة الكاتب كل من الدول العربيه تغني على ليلاها. فكرك مش افضل انهم لمقر الجامعه يعملوه شي فندق سياحي او حي سكني للفقراء والمسخمين يسموه حي الوطن العربي.مش الافضل توفير حضور العرب الوزراء وزعماء العرب لمؤتمرات طق الحنك وصرف الملاين على الاقامه والسفر والولائم ويعملولهم مشروع اقتصادي يفيد شعوبنا الجوعاني لانهم شبعوهم حكي ومراجل.
لاء يا جماعه المكتوب لا يقراء من عنوانه الزلمي ابو الغيط مخبى بقشوره وعنده خطط من ايه الى بي وسي وحي والله يخوده وما يخلي.
اليوم اوطاننا رجعت للعصر الحجري لانو ما في حجر على حجر بمعظمها لسه راح ترجع للعصر البدائي والصحرائي في السنوات القادمه لانو كل الشعوب تتقدم الى الامام وشعوبنا ترجع الى الخلف.
اعجبتني التمثليلات بين الدول قطر تحفظت نكاية بمصر والخلافات بيناتهم. والسودان بالاول تحفظب وبعدين وافقت ابصر ليش وهل اعطوها ابرة دعم او وعد بالعضل الله اعلم. والجزائر قالت لمصر حكلي لاحكليك انت الجامعه العربيه واحنا اليونسكو والمغرب زعلانين على بان كي مون مش مشكلة الصحراء ورافضين المؤتمرات من اساسها ودول الخليج والسعوديه راضين وهاي عليك كمان واحد يا سيسي اليوم الكم يا مصرين ومبروك عليكم المنصب وبعده يا مصري متنسناش بكره احنا عايزينك.اللي بطلع عليك بعين بدك تتطلع عليه بعنيك التنتين.
اسدل الستار بنهاية المسرحيه
الجماهير العربيه تصفق وتهلل للابداع الفني والتمثيل الراقي والمبدع واستحق مؤتمر انتخاب امين عام جديد للجامعه العربيه الاوسكار باجماع كل العرب.
اهديكم اغنية انا بانتظارك قلبي ودموعي على خدي واللي زيي يقعد حدي.





التعليق والتصويت على الموضوع في الموقع الرئيسي


التعليقات

1 - جبن فكري
nasha ( 2016 / 3 / 14 - 23:49 )
العالم كله يتطور وبتغير يوم بعد وساعة بعد ساعة . لا يوجد فكر سياسي او اجتماعي او ديني ثابت حتى مفهوم (الله) نفسه يتغير مع الوقت وغصبا عن اللي بيرضى واللي ما بيرضى.
مفهوم التغيير ساري على البشرية كلها بدون استثناء ولكن مشكلة العرب والمسلمين بيتغيرو بس ما بيعترفو بالتغيير وفي اعتقادي السبب هو الجمود الثقافي الذي سببه الاسلام وخصوصا النص القراني.
الجامعة العربية كانت افراز الفكر القومي العربي الذي كان سائدا في حقبة الخمسينات والستينات وبوجود قطبين في العالم .
الدنيا دارت وراحت القومية وراحت الشيوعية وجت الاسلامية وبعدين الشيعية والسنية وهلم جرا. والعرب بعدهم هنـــــــــــــــــــــــــاك بعيـــــــــــــــــــــــــد ما طخت عندهم
ثقافة الخوف من التغيير والجمود والجبن الثقافي قتل روح الابداع لدى المسلمين وكله بسبب الخوف على الدين الحنيف لا يطير.
تحياتي لاحلى جان بالدنيا ابو دم خفيف

2 - الاستاذ ناشا المحترم
جان نصار ( 2016 / 3 / 15 - 06:10 )
جبن فكري ام لبن فكري صدقني هاللغه العربيه خربطتلي عقلي جبن قصدك من جبان او من الجبنه منتوجات الالبان فتحه والا كسره او ضمه بتعمل تغير ويا سلام على الشده هاي الها لعب غير شكل.
شخصيا بأمن بالتغير خصوصا لما تتحول الشعوب من تيوس لحمير عندها بصفر تصفير وبتأكد انو لا الهم بالعير ولا النفير ومع هيك كل شي بصير حتى انو التمساح اذا شد حاله يطير
عمي ناشا بعد بدنا كشعوب عربيه فت عدس كتيرلاننا الله وكيلكم منمشي لورا مش لقدام ونام يا حبيبي العربي نام.
هانت كلها 500 سنه والوضع بتعدل ولا يهمك كون زي متفائل
صباحك فل والياس امين يا ورده
تحياتي ومودتي

3 - شفت آخر لعبة؟
nasha ( 2016 / 3 / 15 - 07:39 )
حبيبي استاذ جان شفت اليوم . الروس بطلو حرب وراجعين من سوريا. ولي علينا هذول يلعبو بينا مثل ما بيعجبهم.
قلتلك من الأول أن الشغلة كلها بإيد الكبار وجماعتنا مجرد حجارة شطرنج .
روسيا دخلت عملت توازن وطلعت ولازم النتيجة تطلع تعادل بدون أهداف صفر صفر بين السنة والشيعة. وطبعا كله بالاتفاق مع الأمريكان والاوربيين
شفت شطارتنا بالذبح والقتل مع بعضنا وشفت طولة اللسان اللي ما إلا داعي ؟ احنا فعلا ابيض يا ورد
هذا اللي حصلته الشعوب المسكينة من ورا إلخمينية والوهابية
تحياتي حبيب قلبي

4 - الاستاذ ناشا المحترم
جان نصار ( 2016 / 3 / 15 - 08:48 )
لسه انا ما قلت كلمتي الاخيره في موضوع عودة الجنود الروس وتغير قوانين اللعبه لانو رأي هو الاهم والفيصل في تحديد مسار الملف السوري.
زي ما انت عارف ياخوي يا ناشا الوضع بدو ردع واخر المستجدات عندي تحت الطبع وجاي ايام سوده من الرقع والطقع والفقع والروس ما قطعوا علاقاتهم مع سوريا قطع الشغله صار فيها طرح وجمع
انا عم اكتب مقال تحديد موقفي من المستجدات على الساحه السوريه وهو مقال موجهه للامه وراح احط الحروف على النقاط(هي بالعكس)
انتظر يا خوي مزيدنا وان غدا لناظره قريب
تحياتي وشكرا على التواصل وكله مشان الوطن

اخر الافلام

.. عدت سنة على رحيله.. -مصطفى درويش- الفنان ابن البلد الجدع


.. فدوى مواهب: المخرجة المصرية المعتزلة تثير الجدل بدرس عن الشي



.. الأسطى عزيز عجينة المخرج العبقري????


.. الفنانة الجميلة رانيا يوسف في لقاء حصري مع #ON_Set وأسرار لأ



.. الذكرى الأولى لرحيل الفنان مصطفى درويش