الحوار المتمدن - موبايل
الموقع الرئيسي


رسالة شروق.. أطلقوا سراح المعتقلين

غادة عبد المنعم

2016 / 3 / 16
حقوق الانسان



وصلتنى هذه الرسالة التى أهديها لكل جبلة معندوش احساس من المطبلاتية بتوع السيسى وغيره من أعمدة النظام الفاسد الحقير الذى يحكم مصر..
أما إعمدة النظام الحقير السافل نفسه فأقول لهم اطلقوا سراح المعتقلين كلهم ..
________________


Sherouk Bassuni

12مارس، الساعة 04:18 مساءً

دي ماما ! للمرة التانية بنزل صورتها ، امي اخصائية نسا و ولادة كل يوم جمعة بتصحي الصبح بدري اوي اوي
بتفضل تطبخ و تحضر حاجات احمد اخويا لحد الساعة 2 بليل بتبتدي رحلة السفر لمؤسسة العقابية بالمرج
بيوصلوا حوالي الساعة 5 يسجلوا الاسامي عشان الزيارة و يناموا علي الارض حتي معاد دخول الزيارة الساعة 9 و تخلص زيارة و ترجع اسكندرية ف نفس اليوم و يبقي ارهاق السفر لمدة اسبوع لحد متفوق يوم الجمعة الصبح مرة تانية !!!


أمي دي مثال بسيط لكل ام عندها معتقل ف مصر ليه يا مصر بتبهدلينا كدة !!!


ليه يا مصر مبهدلة امي و ساجنه اخويا و عاوزني بعد كدة احبها ...
علي فكرة متفكرش و انت قاعد ف بتكوا بتسقف للظلم انك كدة بتحب بلدك ..... اللي حب بلدة بجد هو الي ضحي من عمره عشانها .....
مش حبطل ادعي عليكوا حسبي الله و نعم الوكيل اشوفكوا ف السجن مش صابرين زينا يا رب ف اغلي حاجة عندهم و ف عيالهم اولا اولا اولااا


تنويه : أحمد بسيوني اخويا معتقل من يوم 1 يناير 2014 و عنده 15 سنة فقط و تم الحكم عليه من قبل محكمة الجنايات ( و ليست تخصصها نظر قضايا الطفل ) ب 5 سنوات مشدد و 5 سنوات مراقبة ......لطفل
smile رمز تعبيري
الاسئلة الي بتسألها smile رمز تعبيري = اخوكي اتمسك ازاي ؟


كان رايح لزميله عشان عندهم درس ف منطقة جناكليس الميكروباص لقا مظاهرة نزل الركاب و كان اقرب لاحمد انه يمشي بقيه ال 100 متر الي فضله ....


.شوية و ابتدي ضرب بالغاز و الرصاص الحي احمد طلع يجري الحته دي و طلع لزميلة و ابتدي الدرس و بعد 20 دقيقة جت قوات الامن اخدته و راجل شاور عليه عرفنا من صاحبة المنزل انه مكوجي فكره ماشي ف المظاهرة و بلغ عنه

smile رمز تعبيري =ايه تهمته ؟


هو متهم ب 17 تهمه منهم :حيازة 4 كارتونة سلاح حي ،انتماء لجماعات ارهابية ، قتل 2 و شروع ف قتل ظابط و 2 معاونين و تفجير مدرعتين و اتلاف و محاولة قلب نظام الحكم ........


.تم سحله من منزل زميله لحد عربية الشرطة و تقريبا المسافة كانت 200 متر الي اتسحل فيها في القسمةاتعرض للتعذيب بالكهربا و قطعوا هدومه و كبوا مايه عشان ميعرفش يقعد علي الارض ف عز البرد .....
و غموا عينه و عرضوه للمدنين عشان يشتموه و بضربوه =حالته الصحية ؟


احمد مولود بشلل اسمه اربس بالسي ( شلل جزئة في دراعه اليمين ) عنده انيميا حادة من كل البقوليات و لو خد دوا غلط ممكن يموت و اول الاعراض انه بيغمي عليه و ده بيحصله كتير جدا نظره ضعيف جدا سالب 4 و غالبا وصل سالب 5 بس مش عارفين معرضه علي دكتور نظر
smile رمز تعبيري

احمد اتعرض من يوم 2 يناير 2014 علي النيابة و المحامي طلب اثبات التعذيب و وكيل النيابة رفض .....

تم تجديد ليه حتي يوم 2.9.2015 تم الحكم عليه من محكمة جنايات ب 5 سنين مشدد و 5 سنين مراقبة و ده مش صح عشلن هو طفل
smile رمز تعبيري **


لكل الي مش عاجبه البوست يا ريت حضرتك متشاركش حضرتك لما تتسحب رخصتك بتشتم البلد و حضرتك لما الرز بيتحرق علي النار بتشتمي البلد متجيش علي تعرضنا للظلم و تعلموا فيها وطنيين

smile رمز تعبيري

شكرا #

امي_تعبت #ارحموا_امهتنا.

***

هذه رسالة تظهر حال المعتقلين فى مصر وأسرهم وصاحبة الرسالة ليست وحدها التى تعانى تحت وطأة هذا التعذيب، ولكن آلاف الأسر التى لها معتقلين وسجناء، وهذه الأسر ليسوا وحدهم من يعانون فى مصر ولكن كل المصريين يعانون من سلطة تستمتع بتعذيب المصريين تحت وطأة الظلم والمرض والألم الجسدى الذى صار يداهم الناس فى مصر حتى بلا سبب كفاتورة لابد أن يدفعوها كل يوم وبطول ال 24 ساعة، علاوة على التعذيب بالقوانين الخاطئة واللوائح المنحرفة واللائحة طويلة تمتلئ بأطناف التعذيب التى لا تنتهى مرة يأتينا التعذيب من جهات قامت السلطة بترتيبها وترتيب طرق عملها لتكون فقط أداة للتعذيب ومرة يأتينا من أجهزة دقيقة لا ترى بالعين المجردة تنتشر على أعصابنا وتطلق اشاراتها الكهربية لتعذبنا بألم لا ينتهى ومرة يأتينا من موجات تخرب فى ممتلكاتك وتقطعها وتفسد بيتك وتهلك مالك موجات يطلقونها من داخل بيتك نفسه من أسلاك الكهرباء وعداد الكهرباء به، ومرة تأتينا من الفقر الذى يصرون عليه ومرة تأتينا من القبح وعدم النظافة اللذان يصرون عليهما فى كل شارع واللذان رتبا لهما أوضاع ليتأمدوا من استمرارهما يؤرقان شعب نظيف يحب الجمال.





التعليق والتصويت على الموضوع في الموقع الرئيسي


اخر الافلام

.. إسرائيليون يتظاهرون في تل أبيب للمطالبة بإبرام صفقة تبادل مع

.. كيف تنعكس الأحداث الجارية على الوضع الإنساني في غزة؟




.. كل يوم - مندوب جامعة الدول العربية بالأمم المتحدة: نسعى لتسل

.. مندوب جامعة الدول العربية بالأمم المتحدة: الوضع كارثي ومؤلم




.. مندوب جامعة الدول العربية: الجانب الأمريكي لا يريد أي دور لل