الحوار المتمدن - موبايل
الموقع الرئيسي


المذهب بين اعتصام الحصار واعتصام الأحرار !

علي طالب الملا

2016 / 3 / 17
مواضيع وابحاث سياسية


مرات نراجع بيانات " المعارضة المذهبية سابقا " الحكومه حاليا ، عن صدام والحكم والسوالف الما تسولف !
اكيد چان حكم صدام بيه " كلشي وكلاشي اصلا " ثلاث ارباع اوروبا الشرقية نفس " السوالف " ونگول هم الحكام العرب " المچيفين " دولهم وذالين شعوبهم ، من المحيط للخليج " ماكو حاكم " شريف " كالوا " شيخ زايد " بس لو نفتش عن ثروته الشيخ واولاده ، نكفر بكل المدن الكونكرتية التي تتغنى بيها الامارات . اصلا المدن " استثمارات اجنبيه " طفرت من احتلال الكويت وحشيش افغانستان واحتلال العراق من عام 1990 وجرت ، شنو فائدة المدن اذا تغريده بتوتير عليها كم 15 سنه لمواطن اماراتي ! لو قصيده لمواطن قطري عليها حكم مؤبد ! لو راي لرائف بدوي السعودي يجلد كل اسبوع ولمده عشر سنوات .. يعني الكل " طغات " ، المهم العراق بعد هذا العام صار بشعبه الما صار بشعب ولا دولة ولا قارة . حصار ظالم " الناس " باعت كل شي تملك بقى " الشرف " محصور وي الدم واحد ما يستغني عن الثاني !
! ومن خلصت الكتب والاثاث والملابس تحولت بعض الناس تراوس " اعضاء الجسم " بچيس حنطة وبلشت بالكلى ووصلت للطحال والمراره ،
والراح بالرجلين من ورى خبز " الحصة المعفن " وماي الشطوط والمجاري ، اطفال بعمر الزهور " ضربهم المرض " والنعوش الصامته تشگ المقابر وماتسمع بس " نحيب الامهات " الكبرن قبل وقتهن وشافن نجوم الظهر بعز الصيف ! اتحدى يوم صدر بيان من جهه او منظمة او حزب او مجلس بالمعارضه الشيعية حصرا
يقول شعب العراق " انفتك بيه " كل البيانات تحجي على الدكتاتورية والظلم والسجون .
صدام حسين صار عنوان لكل " الكفر " بالدنيا .. راح صدام وراح ذاك الوگت ولكل زمان دوله ورجال .
بس بقى الشعب "ساحب اقسام " على المقابر ، بقى الشعب جوعان ، بقت السجون ، بقى الظلم ،
بقت كل سوالف قبل ، بس بذاك الوگت وخاصة الناس البقت شاده طابوق على بطونهه من شدة الجوع " تشبع نوم " تعرف الحكومة وشغل الحكومة وشتسوي الحكومة وتعرف اكو حزب واحد اذا ما تگرب يمه ما يگرب يمك ،
تعرف السجن الچبير العايشه بيه مفتوح من الشمال للجنوب مو على ناس وناس وتعرف اذا انعدم بصرواي يعادله تكريتي لو مصلاوي .
يعني الظلم متوزع بالعدل مو ناس وناس ،
محد منع زيارة الحسين ولا المشاية ولا الطبخ ولا التشابيه ، بس الناس " لوگيه" تخاف من الشبهه ؟
ليش تخاف لان كل الناس عيونها على تحسين الوضع والمنصب حتى على حساب "حظه وبخته "
ويخاف من يمشي لو يزور ما يصير بمكان زين !!
يعني مو صدام حسين مانع المشاية ،
الناس الرايده تگرب للبعث ولصدام تريد تثبت الولاء والطاعه بترك الزيارة والمشي .
انخنگ من اطلع من محل سكني بذاك الوگت واشوف الناس لازمه " عرايض " ولا طشه لخيرالله طلفاح بباب بيته " تتوسل وتقدم طلبات عفو، ناسنه مو غربه .. كلهم من الفرات والجنوب ، يطلع الحجي وصوته لعلع .
اولادكم ساجنهم صدام الجواب لا
ساجنهم تكريتي الجواب لا
لعد ليش جايين تتوسطون ،
الجواب حجي ما عنده غير الله وانته ،
ومن يگطع براسه الحجي ويتوسط يطلع السجان " شيعي " من المذهب لو جار لو ابن عم لو صديق " المظلوم "
وهنا ربط الحچي بالكامل ،
اثبات الولاء على حساب الذمة والضمير والواجدان وعلى حساب الزياره والمشي
والمذهب الچان الله شاهد " كولش مدلل "
ويصعد صدام فوگ السيارة وبباب ابو الجوادين عليه السلام والاولاد المذهب " يهتوفون " ما نريد الخبز والماي بس سالم ابوعداي ؟
الله ما قصر وفدواته ، رده بالعدل مالته .. خبز ماكو وماي ماكو وابوعداي راح لدار حقة وبسببه صارت " سرابيت " المنافي وفروخ ذاك الوگت تتحكم بمصير بلد مثل العراق !
ويگلك " المذهب " ؟؟ كل المعتصمين بالقصور الرئاسية بذاك الوگت من " المذهب " يعني " اكو خبره ومهنية بالاعتصام الجديد " وهم مو بعيد عن مكان الاعتصام الچان كولش
" طائفي " لأن بس ولد المذهب " فالحين " بيه
واقوى احتجاج اليوم على صلافة قادة المذهب " هوسه " بسم الدين باگونه الحراميه
ليش هو عنده دين النتخب ذوله الچلاب ‫-;-#‏ي_مسلم‬-;-





التعليق والتصويت على الموضوع في الموقع الرئيسي


اخر الافلام

.. أوضاع مقلقة لتونس في حرية الصحافة


.. احتجاجات مؤيدة للفلسطينيين: ماذا حدث في جامعة كاليفورنيا الأ



.. احتجاجات طلابية مؤيدة للفلسطينيين: هل ألقت كلمة بايدن الزيت


.. بانتظار رد حماس.. استمرار ضغوط عائلات الرهائن على حكومة الحر



.. الإكوادور: غواياكيل مرتع المافيا • فرانس 24 / FRANCE 24