الحوار المتمدن
- موبايل
الموقع
الرئيسي
شط العريش
شروق شعراوى
2005 / 11 / 22الادب والفن
اخترنا أحلى الشطوط شط العريش وبيوت
من خوص أصفر يعود بينا لأول عهود
جينا قاصدين نعيش أفراح ما تنتهيش
كنا أصحاب كتير جيين نحلم نطير
نجرى نلعب نعوم ننسى جبال هموم
وفى يوم صافى معدى موجة البحر تهدي
قاعدين لحظة سكوت قدام اجمل بيوت
فجأه سمعنا صوت صوت هزلنا السكوت
ده صوت طلق ناري ده احنا بينا حدود
وبخطوتنا السريعه وسط الزحام نفوت
ونشوف طفله صريعه بين ايدين الموت
وشاب تخده نخوه ويجرى عشان يشد
من ايده البندقيه وينسى انه يعد
واحد اتنين تلاته لقيت نفسى بمد
ما احنا وسط متاهه وفيها اتوجدت
كانو كتير على الأرض ملوها وزاد الحد
سلاح شاور علينا قال تعالوا الينا
عاوزين الموت يكون مصير كل العيون
هرجع لأنى صوت هيهزلكوا السكوت
أصلى بينا حدود اللى يخطيها يموت
من هنا لنا سوط أقوى من ميت بارود
من هنا لنا صوت وحده يقدر يفوت
زى ما شفنا موت طفله هزت سكوت
قلنا بقلوب كسيرة زى ما قالوا الجدود
قلنا بعيون حزينه هيجى يوم نعود
لما تقوم القومه بألوف من الجنود
مشينا ومامشيناش والفرح راح ما جاش
روحنا صرخت وقالت احنا أصحاب قضيه
قصه من زمان والقصه هيه هيه
حبه هنا جنبينا قريبين شويه
أو حتى بعيد عنينا عند الفرات وفلوجه
رجعنا؟؟ مارجعناش والجرح فيناعاش
واللي كان حلو امبارح صبح ماستحلناش
|
التعليق والتصويت على الموضوع في الموقع الرئيسي
.. مهرجان كان السينمائي: تصفيق حار لفيلم -المتدرب- الذي يتناول
.. إخلاء سبيل الفنان المصري عباس أبو الحسن بكفالة مالية بعد دهس
.. إعلان آيس كريم يورط نانسي عجرم مع الفنان فريد الأطرش
.. ذكريات يسرا في مهرجان كان السينمائي • فرانس 24 / FRANCE 24
.. الفنان السعودي سعد خضر لـ صباح العربية: الصور المنتشرة في ال