الحوار المتمدن - موبايل
الموقع الرئيسي


ميسي ادانا بالجزمه

جان نصار

2016 / 3 / 29
كتابات ساخرة


احنا اتهنا يا جدعان .مصر اتبهدلت يا اخونا.شعار المرحله هو الجزمه.هي فين كرامة المصرين .يا لهوي اصوت واعيط يا جدعان همى فين المصرين دي اهانه لا تغتفر.احنا مش شحاتين احنا كل الشعوب اللي حاولت تعتدي على مصر بهدلناهم بهدله وضربناهم بالجزم تقوم انت يا ميسي تهدينا جزمه عشان نتبرع بثمنها لفقراء مصر.
حذاء ميسي لشعب السيسي.
انت مين يا صعلوك يا ميسي ,انت مش عارف من همه المصرين.
احنا المصرين حنضربك بالجزم يا ليونيل يا ميسي لو هوبت ناحية مصر.
هاجت وماجت مواقع التواصل الاجتماعي والاعلام المصري والجماهير الرياضيه و و و احتجاجا على ميسي وتقديمه حذائه كتبرع بعد ان يقام عليه المزاد لفقراء مصر.
هاي يا جماعه بعض الكلام اللي اتأل نصه من اخوتنا وحبيبنا المصرين والنص التاني من عندي.
مش عارف لشو هالهيزعه والشوشره والهرج والمرج اللي خلى المصرين يهيجوا هيك.
بس للحقيقه ومع الاسف الاعلام المصري والفيسبوك ومواقع التواصل الاجتماعي والنت همى السبب.
بدهم عرس يرقصوا فيه .
يعني مليون قضيه اهم من هاي القضيه اللي اخذت اكثر من حجمها .
قتل الطالب الايطالي تحت التعذيب ولفقت لمقتله قصه بوليسيه لستر القضيه ويا قلبي لا تحزن.
2الى 3مليون طفل شوارع في مصر يقتلوا ويغتصبوا ويموتوا جوعا ولا تسألوني ما اسمه حبيبي.
الفساد والرشوه والمحسوبيه واللي كان هو اللي كان ايه اللي غيروا الزمان.
المسكين المسخم والمشحر والمنيل على ستين نيله ميسي لا على باله ولا على خاطره .بكل برأه تبرع بحذائه وهذه عاده متبعه عن الكثير من الرياضين .
ثم انو ميسي انسان عفوي وبسيط وعلى نياته ومش متعلم وعلى باب الله والزلمي مش قاصد عملولوه من الحبه قبه.
بس للعلم ميسي كان يعاني من مرض في الغدد والنمو واخذوه على اسبانيا مشان العلاج منذ صغره وللعب كرة القدم.يعني ما كمل تعليمه وبعرفش الالف من الميدني.
يا جماعه الزلمي بعرفش حتى يلبس .عمركم شفتوا الوان البدلات اللي بلبسها زي الببغاء مسكين بالزوق يوك.اخذ قبل سنتين جائزة الكره الذهبيه وكان لابس بدله بلون بوردو خمري ستي ما لبست مثل لونها بزمانها.
اخونا ميسي اتبرع بالحذاء من هون وعينكم ما تشوف النور بعد اذاعة ام .بي.سي مصر برنامج (يس اي ام فيمس) يعني انا مشهور نزلت واتدحدفت عليه الشتايم والاهانات خيرات الله.
https://www.youtube.com/watch?v=oJebPN1oDgg
ابو تريكه قال يوما جزمتي خدمت مصر اكثر من بيادة الجيش.طبعا محدش اعترض لانو جزمته صناعه وطنيه وبتشرف لكن جزمة ميسي بتقرف.
الخطيب اتبرع بحذائه ومحديش اعترض.
تقوم انت يا ميسي تدينا بالجزمه.
مصر اسعادت شعورها الوطني بعد حادثة الحذاء. توحدت الصفوف كلها امام الامبرياليه والصهيونيه واعداء الوطن. اتوحدت ضد الارهاب والفقر. اتوحدت ضد الجهل والاميه .اتوحدت ضد حكم العسكر والسيسي, اللي هربوا من تحت دلف مبارك لتحت دلف السيسي.اتوحدت ضد الفساد والرشوه والبلطجه.
لسه شو اعدلكم تاعدلكم شو نجم عن حادثه اهداء الحذاء.
على فكره كل شعوبنا بتهيج على القضايا الفارطه وبتحب اتضخمها يعني الفلسطينين والاردنين والعراقين واللبنانين وكل شعوبنا واقطارنا العربيه روح قلبنا الجعجعه والطخطخه على الاشياء الفاضيه مهتمين بصغائر الامور والاشياء التافهه ومننسى المهم والاهم.
في معهد خضوري بطولكرم شاب خطب شابه في المعهد ولبسوا المحابس امام الطلاب وبالاخير الخطيب عبط خطيبته عبطه بريئه ادام الطلاب وقررالاخ رئيس اتحاد الطلبه ايقاف الطالب عن الدراسه وابعاده لانه قام بعمل مشين خدش الحياء. في احمر من هيك وبتسالوني امتى راح نطلع على القمر.
هاد موضوع خدش الحياء على الطالعه والنازلي عند شعوبنا راح تجيبلنا الدور وبترفع الضغط و تؤدي الى جلطات فكريه مش قلبيه.
اتفرجوا على الاعلامي الفذ سعيد حساسين الحساس حسحسه حسحستلي حساسيتي تحسيس وتحشيش.
https://www.youtube.com/watch?v=FB4oIS0ieNA
يعني الاخ ضربنا محاضره من قاع الدست عن تاريخ مصر ويطالب بشطب القناه اللي عملت المقابله ومحاسبة وزارة الاعلام حتى الاخ يطالب باعلان الحرب على الارجنتين وبقولهم بتغنوا لمين ولمين يا شحاتين احنا اسيدكم المصرين.ودخل فينا عواطف ومشاعر لما رفع حذائه,, بصراحه اشي برفع الراس يا هيك اعلامين يا بلاش.
مش من قبله اتحفنا توفيق عكاشه بجزمته اللي وجهها للشعب الفلسطيني وخصوصا لحماس واهلي غزه.
ثقافة الحذاء لمن شاء ومن لا يشاء على الفطور والغدا والعشاء.
يا جماعه الجزمه والحذا والكندره هدول عاملين معانا شغل حلو وهي اداة احتجاج ورفض وتنديد وشجب
الصحفي العراقي منتظر الزبيدي اشهر من ان يعرف لما ضرب الرئيس بوش بالحذاء احتجاجا على احتلال العراق.
ثم قبل شهر جون كيري وزير خارجية امريكا كمان ضرب بالحذاء وعلم على سحنتوه لما طرقتو اياه امراه في عيطاليا وقالتلوه انتو اللي صنعتوا داعش
https://www.youtube.com/watch?v=VFfnL4uLHxg
بكتير من افلام عادل امام كان يضرب اللي قدامه بالجزمه.وتعلمنا واستفدنا كتير من هاد التصرف الحضاري اللي بميزنا عن شعوب كل المعموره.
الجزمه يا عمي فلوكلور احنا العرب منستعملها عائليا الاب بضرب اولاده بالجزمه والام كمان.او رجلنا بضربوا نسوانا او نسوانا بضربوا رجالهم.وحاله سلاح الحذاءمستعمل وشائع حتى بين اطفالنا على شو كل هالزعبره.
ختاما نكتة الكندره او الحذاء
مرا قاعده مع جوزها وشلة اصدقاء وكل واحد معاه موبيلوه حبت تتسلى وتتزانخ وتتمايص وتتدلع قامت ضربت من موبيلها على موبايل جوزها وسمعت الرنه وشافت مكتوب على الموبيل
كندره رقم تنين قالت مش هاي المصيبه بس مين يا ترى الكنره رقم واحد.





التعليق والتصويت على الموضوع في الموقع الرئيسي


التعليقات

1 - ياليت يطلعوا علقمر ويريحوا العالم
سيلوس العراقي ( 2016 / 3 / 29 - 12:55 )
الاخ الساخر الكبير جان
فعلا انها مسخرة
لكني اتمنى لو يطلع العرب والمسلمين كلهم على القمر، مثلما تمنيت في مقالك
فالعالم بكل تأكيد سيكون مستعد ان يتكفل بالرحلة وبتكاليفها
بس قولوا : ايوه
هيك بيرتاح العالم
تقبل تحياتي ومحبتي

2 - الاستاذ سيلوس العراقي المحترم
جان نصار ( 2016 / 3 / 29 - 13:31 )
عزيزي هناك احتمالين يا اما شعوبنا يطلعوا على القمر ويمكن نخلص عالم حضاري من غير او انو كل شعوب الارض ترحل الى القمر وياسسوا عالم حضاري بلانا
الاحلى انو البعض بتهمني بالمبالغه وانا يادوب بذكر بعض الاشياء.
يا اخي في اشياء بتشيب شعر الراس ومضحكه وتافهه وبلا طعمه .بعملوا من البحر طحينه
اتابع كل ما تكتب وكتاباتك راقيه وهادفه والها طعمه
من الاخر ربنا لما وزع الذكاء شخصيا كنت العب بالحاره فما نابني منو كتير
تحياتي ومودتي

3 - الجزمة المصرية
سمير ( 2016 / 3 / 29 - 14:42 )
يا سلام عله خفة دمك يا استاذ جان, هذا حساسين ما سوا شي, لما السوريين شويه اتأخرو بالتوقيع على ميثاق الوحدة عبد الناصر كلهم(يعني قال لهم) انتو حتوقعو ولا حديكم الجزمة! قامت الدنيا ولم تقعد كما تفضلت لان خطيب حضن خطيبتو! الله اكبر نحن لها! كما قلت لك البرلمان العراقي انقلب سافله عاليه لانهم رأوا صورة شاب يقبل صديقتو في منتزه, يعني لو كان صاح الله اكبر وذبحها كان الامر اعتيادي. المهم ياسيدي اتمنى ان لايشن السيد زفت هذا حربا بالحذاء الابيض, على وزن السلاح الابيض, على الارجنتين. كان الاولى ان يتنكب جزمتو ويروح يحارب اللي مانعين التبني في مصر ومليون لقيط واقعين فريسة للاغتصاب والاستغلال في شوارع مصر. يبدو ان الفارس المغوار لازال يؤمن بقول الشاعر( اذا بلغ الفطام لنا صبي... تخر له الجبابر ساجدين) احترامي

4 - مقام العرص السيسي
ثائر يحلم بالحرية ( 2016 / 3 / 29 - 15:46 )
حذااااء
لا تعليق.

5 - الاستاذ سمير المحترم
جان نصار ( 2016 / 3 / 29 - 16:05 )
هاد موضوع العبيط والحضن صار موضه في كل دوله عربيه ممنوع كتبت ايضا عن موضوع شاب اردني حضن شابه في عمان وتع اتفرج يا سلام على عجيايب الزمان
يا اخي بالزمان حركة الهبيز في سنوات الستينات طرحت شعار ميك لاف نوت ورر اي خلينا نحب بعضينا والجنس احلى من الحرب.
عندنا الارهاب رافع شعار ميك ورر نوت لاف واغتصب من هالغنايم والهف لاهف
مساكين اطفال الشوارع في مصر بعملوا دوله.. قطر عدد سكانها مع الاجانب مش اكثر من 2 مليون واطفال شوارع مصر اللي يغتصبوا ويقتلوا وتسرق اعضائهم حوالي 3 مليون ولا حد سائل.
وينوه حساس الحساسين تيحسس عن عالموضوع الحساسس حسحسه ما سمعنا حسه
اصلا هاد عار على الاعلام المصري ان يرفع حذاءه اعلامي وهو قاصد الاسائه والاهانه لدولة وشعب الارجنتين في الوقت اللي ميسي اولا لم يقصد الاهانه و2.ميسي لايمثل كل شعب الارجنتين تتهان بلده بهذه الواقحه.
انا اسجل احتجاجي لهيئة اللمم على هذا الاستفزاز والطشت قالي والطشت الي
تحياتي يا ابن العم اخبار العربان بتغم غم

6 - نعليق
جان نصار ( 2016 / 3 / 29 - 16:11 )
ارجو المعذره لاني رديت على الاستاذ سمير وطلع اسم الاستاذ علي سالم فاضطريت الى الغاء خطىء الرد للاستاذ سمير اللي كتبته وطلع الاستاذ على سالم المحترم.
فبردون وسوري واسف واكس كوز مواه واملوفام

اخر الافلام

.. تفاعلكم | أغاني وحوار مع الفنانة كنزة مرسلي


.. مرضي الخَمعلي: سباقات الهجن تدعم السياحة الثقافية سواء بشكل




.. ما حقيقة اعتماد اللغة العربية في السنغال كلغة رسمية؟ ترندينغ

.. عدت سنة على رحيله.. -مصطفى درويش- الفنان ابن البلد الجدع




.. فدوى مواهب: المخرجة المصرية المعتزلة تثير الجدل بدرس عن الشي