الحوار المتمدن - موبايل
الموقع الرئيسي


صباح الصبر ..

سليمان الهواري

2016 / 4 / 5
الادب والفن

شكون يقد يهضر
**************
صباح الصبر ..
العينين مزروعة ف الجمر
شي يحفر ب ظفارو على طرف د الخبز
و شي سرق البلاد .. ملاين هي خباها مور البحر..
قال حقة الصحرا هي .. هي التنمية .. ما فبالناش عصابة هي
فوقاش كان بان كيمون قضية .. الشفرة هي ..
عصابة جمعات خيرات البلاد .. كوشات على تحويشت العمر
صباح الصبر
العينين مزروعة ف الجمر
اجي
اش الفرق بينا حنا و بين هادوك لي ف القبر
منين تتعشا .. موحال تفطر
منين تمشي .. موحال توصل .. تقدر تحصل ..
غادي و حاضي .. عصابة هادي .. هادي بلاد الغدر
ياك الصابة كالوها كل ما زرعنا حلامة نتفوها
بين الله و بينهوم اش الفرق ياك هوما سيدنا قدر
اجي
ياك سمعتو ب ”باناما بيبرز”. و داكشي د القصر
الامارة و التجارة
باطويات هي .. شلا فيلات هي ..
ملايير هي تسربات قبل طلوع الفجر
قبل الموذن ما يودن
و قبل ما الجزر العذرا تخبي موال العفن
و سيدنا بن كيران ينوض يبرح صلاة الزمر
بلاد المخزن و الغاشي
بلاد الشيخات و التعارج و تحراك الشواشي
يعاود لينا خرايف التماسيح
و هادو الذياب و الفيولة دكو البلاد
حتى خرجات مصارنها
ريحة زمرها عطات
شكون يقد يهضر
شكون يقد يحرك عينيه ف وجه الليل
شكون يقد يهز سيوفت الشفر
صباح الصبر
العينين مزروعة ف الجمر
شكون يقد يهضر
***الرباط 5/4/2016***

---

---

---

التعليق والتصويت على الموضوع في الموقع الرئيسي

---

.. الفنان عبدالله رشاد: الحياة أصبحت سهلة بالنسبة للفنانين الشب


.. الفنان عبدالله رشاد يتحدث لصباح العربية عن دور السعودية وهيئ




.. أسباب نجاح أغنية -كان ودي نلتقي-.. الفنان الدكتور عبدالله رش


.. جزء من أغنية -أستاذ عشق وفلسفة-.. للفنان الدكتور عبدالله رشا




.. الفنان عبدالله رشاد يبدع في صباح العربية بغناء -كأني مغرم بل