الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
6 أغانى للأطفال من تأليفى
غادة عبد المنعم
2016 / 4 / 7الادب والفن
فرح عمو
_________
بص بقى يا كريم
إحنا عايزين نعمل لعمو مفاجأة كبيرة
هو حيتجوز ع العيد
وإحنا حنجيب له هدية
وكمان فى جوازه حنرقص ونغنى له ولخطيبته
ونهنيهم بأغنية حلوة
أقولك تيجى نجيب لخالتو مراته
دبدوب كبير قوى جدا خالص
ولا نجيب لها ورد ونملا لهم البيت ورد أبيض وأحمر وبمبى
ممكن نعلق لهم زينات على كل عمارات الشارع
وممكن نشترى ليهم 3 شجرات
واحده لعمو وواحدة لخالتو وواحده للبيبى اللى حيجيبوه
وكل ما ييجى لهم بيبى
نجيب له شجره جديدة
ونزرع الشجر حولين بيتهم
شجر فاكهة وبندق ولوز وورد وياسمين وبنفسج
ممكن كمان نشترى براويز
لصور فرحهم كلها
ونكبر لهم ييجى ست صور
ونعلقهم لهم فى البيت
تعالى بسرعة نسأل ماما
ونعد مصروفنا اللى حوشناه ونجيب لهم حاجة جميلة
ونغنى لهم حياتكو طويلة سعيدة وبالهنا مليانه
______
عمو سعيد عبد الله مقاتل وسبب إنقاذ أهل مصر
____________
خالتى حميدة بتاعة الجبنة
مسافرة لبنها بعد العصر
بلدها منها سعيد عبد الله
اللى استشهد أيام النصر
فى حرب أكتوبر وقف صامد لحد الموت
بطل مصرى عظيم ومقاتل
ضحى بنفسه علشان بلده
فضل يومين بدون أكل عينه على السما يحمى بلدنا
على مدفعه يضرب صواريخ
تصيب العدو وتسقط طيارانه
وقع وحده ييجى خمسين
طيارة كانت بتضرب مصر
لسا بلدنا موفتهوش حقة ولا عملتله ولا تمثال
اسمه لسه متسماش بيه جامعة ولا متحف حربى ولا ميدان
عمو سعيد مسيره يعود
بطل وشهيد وبكره حيحيا
بدون ساق بكره حتنمو ويركبها ويمشى سليم
عمو سعيد سبب النصر وسبب إنقاذ أهل مصر
عمره ما فكر يهرب أبدا
من ضرب العدو والموت
عمو سعيد إستشهد بعد يومين بدون أكل
وعينه على السما بتلاحظ لحسن طيارة تضرب مصر
____
خالو حيصلح عربية جدو
________
بكره الجمعة
وخالو محمد جاي لنا بكرة
حنتغدى معاه
وحنفك عربية جدو حتة حتة
ويصلحها له خالو
خالو مهندس شاطر جدا
أى حاجة تخرب لينا
بيصلحها فى ساعة واحدة
وفى شغله خالو فنان
بيصلحلنا كله فى ثانية
وخالتى رجاء بتساعده كمان
خالتى أستاذة ميكانيكا
الأتنين حأساعدهم بكره
وحأناولهم حتت العدة
تيجى يا سوسن تتفرجى
وتساعدى معايا
وتتعلمى حاجة منهم
أنا عرفت أصلح ساعة
وأعرف أزيت عربية
وأعرف أمسمر باب الشقة
تعالى إتغدى معانا بكره
وأقعدى معانا لحد الليل
وأما الساعة تيجى تسعة
بابا يروحك البيت
_____
نعمل حاجة لعيد الأم
_________
خليكى معايا يا ثريا
قولى لى علينا كام حصة
علوم وحساب ورسم وتاريخ وجغرافيا وفسحة
والواجب اللى علينا عملناه إمبارح قبل النوم بساعة ونصف
طب يا الله بينا على الحصة الأولى وفى الفسحة نألف
عيد الأم لساله 8 تيام
نعمل أغنيه للأبله سميحة والأبلة نبيلة
نهنيهم فيها بعيد الأم
ونكتب تمثيلية عن ماما وحبها لينا وتعبها
ونصمم رقصة واستعراض ونروح بأفكرنا ديا لأستاذ جرجس عياد
ونبدأ من الفسحة نجهز للحفلة بتاعة عيد الأم
_______
افتحى بقى يا حصالة خلينا نشترى ونفرفش
_________
الدنيا الدنيا بتمطر
أنا حأجرى بسرعه على تحت
إفتحى بقى يا حصالة خلينا نشترى ونفرفش
وأجيب خمستاشر فطيرة
محشية جواها اللحمة
ومعاهم حبة فتة
وشوية ممبار وكبدة
وحأجيب 2كيلو لمون
وييجى 5 كيلو بطاطا
نشويها بسرعة فى الفرن
ونقعد كده فى الشتا لمة
قدام النار نصهلل نتقوى وناكل
والدنيا برد بره وبتمطر
والبرد جميل قوى جدا
والسما مغيمة حبه
وريحة التراب هايله تجنن
وخالتى لسه مجاتش
من الشغل لحد البيت
حأجهز لها الأكل ساخن
ونعمل قدام النار لمة
والدنيا الدنيا بتمطر
حنعمل قدام النار لمة
ويا خبتى الساعة بقت خمسه
والأكل لازم يتحضر
محل الفطير شغال
وفطيره سخن وعال
ومحل الجزار أهو فاتح
وكبدته سخنه ولعة
وحأجيب كام جوز دورا
وييجى 3 كيلو فحم
متيجى بقى يا خالتى
دى المطره شغاله بتهطل
أمى مبسوطة بالمطرا
وأبويا مبسوط بالولعة
والأثنين عملوا اللمة
يا الله تعالى بقى يا خالتى
حأتصل بعمو أحمد ييجى مع خالتى زينب
وولاده هيمه وحمادة خلينا كده بقى نظأطط
وتيته ما هى قاعده فوقينا حنخليها تنزل حالا
وحنعمل كده بقى لمة
وحأجيب جلاش وتورتايه
إفتحى بقى يا حصالة خلينا نشترى ونفرفش
______
ماما يا مامتى افرحى يالله واتبسطى
___________
حمادة:
ماما يا مامتى يا حبيبتى
قايمه متضايقه يا حبيبتى
طب بصى كده على مناخيرى
عندى عضلات فى مناخيرى
بأعمل بيها حركات
حركاتى عجيبة وغريبة وتضحك جدا والله
إضحكى بقى يا حبيبتى وانسى الضيق واتلفتيلى
حأفضل وراكى يا مامتى لحد ما تبتسمى وتتبسطى
بصى لحركات ودناتى
واللى بأعمله بلسانى
وراك وراك يا مامتى حأخوفك
يا الله إهربى منى
جنة:
بص يا بابا على حمادة..
دا حمادة بيعمل حركات تضحك جدا بودانه
وبص شويه ل منافيره واللى بيعمله بلسانه
حمادة:
وماما ماما يا مامتى
إضحى أكتر يا حبيبتى
وإضحك وياها يا بابا
انسوا المضايقة شوية وخلونى أضحكوا حبة
الأم:
- سكر سكر يا حمادة إيه اللى بتعمله ده يا ابنى
دا إنت ضحكتنى قوى خالص
بتعمل حركات مدهشة وغريبة
قمره قمره يا حمادة إنت وملك وجنة
|
|
التعليق والتصويت على الموضوع في الموقع الرئيسي
.. ياحلاوة شعرها تسلم عيون اللي خطب?? يا أبو اللبايش ياقصب من ف
.. الإسكندرانية ييجو هنا?? فرقة فلكلوريتا غنوا لعروسة البحر??
.. عيني اه يا عيني علي اه?? فرقة فلكلوريتا مع منى الشاذلي
.. أحمد فهمي يروج لفيلم -عصـ ابة المكس- بفيديو كوميدي مع أوس أو
.. كل يوم - حوار خاص مع الفنانة -دينا فؤاد- مع خالد أبو بكر بعد
