الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
السعوديه وسياسة علي وعلى اعدائي
جان نصار
2016 / 4 / 18كتابات ساخرة
فكركم يا جماعة راح تقدم السعوديه على سياسة علي وعلى اعدائي وسياسة ان ما خربت ما بتعمر وسياسة الله لا يخلينا اذا منخليكوا.
السعوديه اليوم بتمر باسؤ مرحله من مراحلها السياسيه والاقتصاديه.. غير نجاحهم باتفاقية اعادة تيران وصنافير من مصر نازلين يطبوا من طب الى مطب ..
المؤتمر الاسلامي فكروا السعودين انهم راح يحتلوا زعامة العالم السني وما زبطت ونتائج الموتمر فش حد بتذكرها او شي قرار لصالحهم يقولوا عنو واو.
الحرب باليمن بعدها تراوح مكانها غير الخسائر الماليه وصفر نتائج وهاي دخلنا بالعام التاني ولسه كل يوم منسع خبر حكا وما حكا واتفقوا واختلفوا والعداد والمصاريف والخسائر والسمعه الدوليه نتيجة هاي الحرب اللي ما في منها فايده جابت الدور وضيقة النفس لال سعودغير المطالبات بالمحاكمات الدوليه.
سوريا ي حبيبتي اعدتي لي هويتي كمان الميزان مش لصالح السعوديه ورغباتهم بتطير الاسد ومع هيك الصرف والدفع شغال وهاي بعتو صواريخ لاسقاط الطائرات للارهابين والمعارضه مع بعض كيف هيك ما حد فاهم المهم انو يكونوا ضد الاسد ونظامه.
العلاقات مع امريكا زي الزفت وفي اصوات امريكيه تطالب بمحاكمة السعودين على احداث اسقاط برجين التجاره بعام 2001 يعني الدفاتر القديمه تفتح او في نيه لفتحها ومش غلط فتح ملفات دعم الارهاب ونشره وهاي اللي بسموها الوهابيه
النجم الصاعد في افلام الحركه والاكشن السعودي ولي ولي ولي ولي ولي عهد الملك الامير محمد ابن فهمان بقول وبهدد وبتوعد وبزبد وبربد انو السعوديه راح تسحب اصولها الماليه من امريكا ووقف التعامل بالاعتمادات البنكيه والاستثمارات الماليه ويضرب عاليها بواطيها.ويللا لحد حوش بعمل زي شمشوم الجبار بهد المعبد على اللي فيه ,ومن بعدي الطوفان.السعوديه اليوم وصلت لحاله من الخدران بدها تناطح امريكا وروسيا وايران والعالم الشيعي واروبا واذا الصين فسخت بنياعها مش غلط كمان يدخلوا على المطحنه .من الاخر حاملين السلم بالعرض ودخلوا منطقة انعدام الوزن والجاذبيه الارضيه وطايرين بالسما وبغنوا :سيفك على الاعدا طايل وين اللي يتحدى وينه وين اللي ناوي يقاتل.
برأي انه تهديد ووعيد صعب تنفيذوه وبس جعجعه وفشخره وعنجهيه سعوديه.
اكيد الامريكان راح يردو على هالكلام ويحملوا الاموال والذهب للسعودين ويوصلولهم اياه على الرياض بطائرات الكويك ديلفيري الخدمه السريعه ويقلولهم تفضلوا بس قبل هيك اسمحولنا نطير الملك وولي ولي عهده برحله الى القمر لانو الدولار راح يندور دور فياريت الملك واللي بشد على ايده ياخد شور مشان يصحي ويعرف مع مين القوه والبور.
يا جماعه ديروا بالكم على حالكم الدولار بهاي الحالي راح يفقد من قيمته وينحرق سنسفيل اجداده خدوا بنصيحتي انا كل ملياراتي ودولاراتي وحتى اهاتي حولتهم لذهب .
مش المثل بقول :خبي ذهبك الاصفر ليومك الاغبر والمشحر.
وطالما انو النحس ضارب ال سعود وهذا ابتلاء وامتحان من عند الله هيك بروجولوه فهاي مؤتمر الاوبيك يعني الدول المنتجين للنفط وكمان 6 دول من خارج الاوبيك من ضمنهم روسيا خرجوا بخفي حنين بعد ما رفضت ايران تخفيض وتجميد انتاج النفط وطبعا محضروش المؤتمر.
ايران صارت عقدة السعوديه بالامس خارجوا من مؤتمر القمه الاسلاميه وطقعوا للجميع بعد احتساب حزب الله منظمه اراهبيه وانو ايران بتدخل بسياسات الدول العربيه وكأنوا السعودين ما بدخلوا بسياسات الدول العربيه.
السعوديه وايران صايرين زي هداك الواحد اللي بعاير صاحبو وبقلو :ستي شافت ستك بالحمام,, وصاحبه بجاوب: يا اخو الشليتي شو ودا ستك على الحمام تتشوفها ستي.هدول الدولتين كل وحده بتقول للتاني لا تعيرني ولا اعايرك الهم طايلني وطايلك.
اما ليش ايران ما بدها تجمد وتخفض من انتاجها للنفط لا بل تزيدو لانها اولا::: صارلها 30 سنه محاصره ومقاطعه ويادوب كانوا عارفين يوزعوا النفط اللي بستخرجوه هالمليون برميل. واليوم بدهم يزيدوهم لمليون ونص لحد انتاج 2.5 برميل .وبقولو احنا كنا محاصرين والعراق احتل وانخفض الانتاج طوال ال13 سنه الماضيه ولليوم وكل الوقت والسعوديه تسرح وتمرح.
ثانيا والاهم:اللي بداء بانتاج 2 مليون برميل نفط زياده عن ال 9 مليون برميل باليوم من قبل سنتين همي السعودين لضرب روسيا وايران عقابا لهم وضرب اقتصادهم لانهم بساعدوا النظام السوري والاسد الملك.
ايران بتقول يوم الك ويوم عليك.والدنيا زي الخيار ه يوم معك وعشر بالسلطه.
الهمام ولي ولي العهد السعودي ولعت معاه زي ماهي مولعه معاه من يوم تشريف قدومه هو وابوه الملك بهدد انو راح يزيد الانتاج لكمان مليونين برميل ويخلي اللي ما يشتري يتفرج وصحتين وعافيه الناس ممكن يصيروا يشربوا نفط بدل المي اذا البرميل نزل لسعر 20 او 10 دولار .
اصلا بالاسواق في تخمه نفطيه ونصيحه غرقوا الاسواق بالنفط يا ال سعود والصيف جاي خلي شعوب الارض واحنا معاهم نسبح بالبترول,, يقال انو صحي وخصوصا الجلد والعيون وكمان بشفي من السرطان.
شخصيا انا بموت بالزعماء الانفعالين مثل الملك سلمان وولي ولي عهده محمد ابن فهمان لانو بصير في اكشن وسسبنس وحتى خيال علمي وقصص للاطفال يعني الكل بستفيد.
تصوروا بس سنه واحده كيف السعوديه وال سعود متصدرين البوكس اوفيس شباك تذكر تحريك العالم واحداثه وفيلم ورا فيلم لدرجه انو هوليود بطلت تنتج افلام وحتى بوليود الهند انتاجهم اقل من افلام السعوديه.
السعوديه اليوم تنتج افلام حرب واكشن ودراما وحتى افلام عاطفيه وبورنو سياسي يعني مغطين السوق بكل ما يحتاجه من انترتيمنت ترفيه وتسليه وحتى كوميديا.
وبتسألوني ليش بكتب عن السعوديه .يا جماعه السعوديه صارت زي كرت الجوكر بالشده وين ما كان بتلعب.
افتح الجريده بتلقي عن السعوديه عشرين خبر افتح التلفزيون والفضائيات نفس الشيئ.انترنت يو تيوب فيسبوك تويتر وانستغرام السعوديه حاضره.
يا جماعه اشتريت امبارح علبة طن,, سمك يعني خايف افتحها لالقي السعوديه معقول هالحكي هاد .
لازمة المقال:على الاسد ان يرحل
هاي الجمله اللي بفتحوا فيها المؤتمرات وبتتصدر الكلمات الختاميه للبيانات وما الهاش داعي ولا حضور بكل المقال, ومع هيك ما قدرت الا اني ارددها. على الاقل اريح وزير خارجة السعوديه وكل من يقراء مقالي واشتاق لهالجمله اللي هي اصل البلاء السعودي اللي نزل على شعوب منطقتنا من يوم ما بدت الازمه السوريه.
|
|
التعليق والتصويت على الموضوع في الموقع الرئيسي
التعليقات
1 - هل نجاح الذليل التابع نجاح له ؟!
سالم الجحدلي
(
2016 / 4 / 18 - 10:41
)
تقول ان ابن العاهرة نجح باسترداد الجزيرتين !
لماذا بهذا التوقيت ومن المستفيد الذي أمر اصلا ؟؟
من المهيمن اصلا منذ سنوات طويلة عمليا عليهما ولازال ؟!
رجاء استاذ جان انت تدنس كلمة نجاح اذا نسبتها لاين الهرمة
يا رجل المرحوم نجاح الموجي حذاؤه برقبة ابن العاهرة وأسرته
تحياتي
2 - الاستاذ سالم الجحدلي المحترم
جان نصار
(
2016 / 4 / 18 - 12:02
)
اذا كان كلمة نجاح ازعجتك على عيني بلغيها واذا بدك بمسحها من القاموس كلو ولا زعلك يا طيب
من المستفيد اكيد مش انا ولا انت .انا كلمة نجاح ما اخذتهاش بعمق زي ما انت تفضلت واذا هالكلمه راح تسويلي مشاكل وازمة علاقات بيني وبينك والاجاويد فبلها احسن
هلا بيك يا ورده
3 - الاستاذ حماده ابو خيشه المحترم
جان نصار
(
2016 / 4 / 18 - 12:11
)
خلص حرمت استعمل كلمة نجاح وبعدين مالو لما تدخل اسرائيل بالتحالف السني على الاقل بصير
تنويع وبيحلى الجو.نتينياهو اعلن حديثا ان التعاون السعودي الاسرائيلي على قدم وساق وايد وكوع وفخده.
فش علاقات دبلوماسيه مباشره بس في علاقات همسيه من تحت الطاوله وبيناتنا تحت الطاولي احلى
احيك واشد على اياديك
4 - الدنيا تدور
nasha
(
2016 / 4 / 18 - 12:51
)
في السياسة التنبؤ صعب ولكن بالمنطق أو المنطق يقول إن السعودية وإيران لازم ياخذو . ب الجزمة القديمة مثل ما بيقولو الأخوة المصريين.
ليس بعيدا أن وقت الحساب قد حان وان نظام الملالي ونظام ال سعود يجب أن يلتحقا بنظام صدام حسين إلى مزبلة التاريخ.
من الصعوبة توقع توقيت زوالهما ولكن في كل الأحوال هم على طريق الزوال.
تحياتي أخي العزيز جان
5 - الاستاذ ناشا المحترم
جان نصار
(
2016 / 4 / 18 - 13:01
)
مشكلتنا في هالوطن العربي عويصه يعني الانظمه ما راح تزول وتحل عن ط... الا لما احنا نزول قبلها.
كل زعيم بيجي بلزق بالكرسي وبورثه لابنه والاحفاد.
ملك المغرب بقولك هاد من كذا سنه.وسلالة الهاشمين في الاردن من زمن النبي محمد.البشير في السودان من الحرب العالميه الثانيه.وامراء الخليج من الحرب العالميه الاولى.
اكيد ما في حد بيتنباء بزول زعيم او حكم دكتاتوري بس الاستبداد بعالمنا باق باق ليفرجها الله
تحياتي ومودتي
6 - رائع كعادتك ابو نصار
الاتجاه المعاكس
(
2016 / 4 / 18 - 13:11
)
احترامي لك يا عظيم
7 - عزيزي الاتجاه المعاكس المحترم
جان نصار
(
2016 / 4 / 18 - 13:21
)
اشكرك على التثمين والاشاده الله محي اصلك يا ورده
تحياتي وابتساماتي
8 - الاستاذ جان القلم الشجاع
بدوي اصيل ليبرالي
(
2016 / 4 / 18 - 13:31
)
روح يا شيخ ربي يطول عمرك بصحة وعافية ومزه ومزز حلوة يا شجاع انا اشهد انك لحية غانمة طيبه ولا يهون الربع كلهم
9 - عزيزي بدوي اصيل ليبرالي ومحترم
جان نصار
(
2016 / 4 / 18 - 13:45
)
هلا بيك يا ولد العم يا بدوي اصيل سلملي على كل القبيله فردا فردا وبوس لحية الصغير قبل الكبير
يا خوي انشرح قلبي لما جبت سيرة المزز
تحياتي يا ابن الخال
10 - انشرح صدرك
الشاوي مازن
(
2016 / 4 / 18 - 14:25
)
ليكون على علاقة مع المزه المعلمه انشراح شخلع وحنا ما عارفين ههه
11 - الاستاذالشاوي مازن المحترم
جان نصار
(
2016 / 4 / 18 - 14:31
)
يا سيدي انشراح شخلع او بهيه دلع المهم بالاخير الامور تولع
سلامات عيني وهلا بالربع
12 - الاستاذ بهاء دندون المحترم
جان نصار
(
2016 / 4 / 18 - 14:33
)
المهم انك تضحك مشان تضحك لك الدنيا وضلك ضاحك ومبتسم على طول
تحياتي وابتساماتي
13 - قوة شمشون كانت في شعره
شيخ صفوك
(
2016 / 4 / 19 - 03:32
)
عندما كان ينمو شعره طبعاً اقصد شعر( راْسه ) لا يروح مخك لبعيد كانت قوته تتضاعف ولهذا كان الأعداء يقصونه اقصد ( الشعر) لا يروح مخك لبعيد ...ولان أمريكا تفعل بالسعودية نفس الشيء كلما يطول يقصونه اقصد الشعر لا يروح مخك لبعيد
14 - عزيزي شيخ صفوك المحترم
جان نصار
(
2016 / 4 / 19 - 06:02
)
صباحك عسل بصراحه ضحكت من كل قلبي ومع هيك راح مخي لبعيد.اصلا انا مخي برحش الا للبعيد ولا مره كان للقريب
ذكرتني بنكته
وحدي طالعه مع شب بالمصعد اسنسير وهو يطلع عليها وهي تتطلع وبالاخير سألته بشو عم بتفكر فاجاب بنفس الشي اللي عم بتفكري فيه
ضربته كف وقلتلو يي عليك شو وسخ وسافل
اتاري هي وهو مخهم راح لبعيد
تحياتي ومودتي
.. تفاعلكم | أغاني وحوار مع الفنانة كنزة مرسلي
.. مرضي الخَمعلي: سباقات الهجن تدعم السياحة الثقافية سواء بشكل
.. ما حقيقة اعتماد اللغة العربية في السنغال كلغة رسمية؟ ترندينغ
.. عدت سنة على رحيله.. -مصطفى درويش- الفنان ابن البلد الجدع
.. فدوى مواهب: المخرجة المصرية المعتزلة تثير الجدل بدرس عن الشي
