الحوار المتمدن - موبايل
الموقع الرئيسي


موجوع حيل

محمد سيف المفتي

2016 / 5 / 5
حقوق الانسان


موجوع حيل و بالجلفي
محمد سيف المفتي 05.05.2016
___________________
آني ابن الكاع الطاهرة الزكية
كاره صدام و كاره بوسه الجندي للبساطيل الامريكية
عاشك و منتظر طيفكم يمر بسماي، غساي لا نتظرتكم ولا مريتم بيّ
علقم طعكم، خليتونا نتحسر على مرورة البعثية
العراقي مشروع دائم للاستشهاد، ثقفوني.. ليش يا ولد العفلقية
اجيتو و يا هلا بهل الجية، و منو ما يرحب بابطال المعارضة العراقية
عمي الف الحمد لله على السلامة، راح تخلصونا من العنجهية
اشو كمتو تكتلونا على الهوية، زين.. وين يروح اللي امه مسيحية
يا الله، وما يخالف كلنا.. خللي نخضر العراق و نسكي اشجارا بدمانا الزكية
يا جماعة..أشو العراق ذبل و اصفرت اوراقه؟ قلتم هذولا جلاوزة البعثية
يا جماعة يا بجاه الله عليكم، العراق سداح مداح و تقطعت اوصاله، على يد الداعشية
قلتم هذا حزب العودة.. يريد يعيد اصحاب فكرة الانقلابية
يا عمي عدكم جيش و الف ميليشيا و الناس محتركة بنار الطائفية.
جان عدنا جيش واحد، وطن واحد، قلب واحد .. بس الحكومة دكتاتورية
صرنا بكل طرف دكتاورية و رجعية مطبوخة بشوية مذهبية...
بجينا، و بجينا و ما برد حنين اللي بينا
يا جماعة أخاف لا سامح الله تصفية حسابات و معلومات رقمية؟
اعوذ بالله صرختم، ليش ما تعرفنا احنا ابطال الخدمة الجهادية
و يوم القائد الشيعي و السني اختلفوا ببغداد، آلاف طاحوا .. و الكل تصيح شعليه
وبعد اسبوع تفاهمتم و كل شي انطفى، و راحو فدوتكم ولد الخايبة بالشوارع العراقي.
مولانا العراقيين بالشوارع ينذبحون، بس يريدون يخلصون من هل البلية
خير يا قائدنا شني القضية؟ لا يا مواطن.. هذا النظام السابق راد يطب عليه
الرجال ترست الشوارع من بغداد، حلة ، سماوة كربلا و البصرة.. تكلي كلهم بعثية
والله لا أنعل ابوكم لا أبو البعث. لا ابو الجابكم عليه
ادور على شريف بتفك، اريد واحد يستقيل، ينسحب أو يعتذر.. الكل مدوره على تراب المالية.
هسا صحيتو، نواب تصيح شلع قلع، والله انتم أول السرسرية ..
لا تطولوها ما بيكم اللي بي نخوة و حمية.
عرفناكم، العراق نزع عكاله و تلثم، و يال ثارات العراق، والف هل بهل المنية





التعليق والتصويت على الموضوع في الموقع الرئيسي


اخر الافلام

.. منظمة الصحة العالمية: سكان غزة يواجهون جوعا كارثيا وظروفا شب

.. مسؤول حكومي بغزة للجزيرة: المجاعة شمال القطاع وصلت إلى مدى ك



.. منظمات حقوقية مغربية تطالب بالتصدي لظاهرة التسرّب المدرسي


.. انعدام المواد الغذائية والمياه.. المجاعة تضرب مجددا شمالي قط



.. تقرير أممي سرّي حول طرد جماعي لمهاجرين من تونس إلى ليبيا