الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
نتضامن ويه القنفه
حذام الحداد
2016 / 5 / 10الادب والفن
ياهو أعتده عالقنفه
ضروري لازم نعرفه
هيبة الدوله تحطمت
وزادت عليهه التكلفه
احزان ودمع بمجلس النوّاب
علَى البلد عم كل الخـراب
دقيقة صمت وگفت كل الأحزاب
ومن القهر الأبدان كلهه راجفه
ياهو اعتده عالقنفه
مدگوره شفتهه وتكسر الخاطر
محتاجه لبو العرّيف أو ساحر
لازم يقنص المعتدي والفاجر
يعرْفَهْ بس يشوف الجنجفه
سودة عليّ القنفه
هدرو دمهه الحلوه الحبابه
مدري شعدهم طالبيهه بطلابه
هجمو عليهه چنهم ذيابه
تزهي چانت وهسه غدت تالفه
أويلي يمه القنفه
وأنت ياشعب أول حضارات
مو خزي تعتدي على القنفات
أطلعتْ حاقد وفوگاها بذات
وافعالك صارت مقرفه
شمالك كسرت القنفه
شصار لو لاح البلد تدمير
واذا نص الشعب تعرض لتهجير
فدوه للوطن روحو الى قير
بالشوارع نامو أوعالأرصفه
ميهمْنَه غير القنفه
دمك ياشعب مو غالي بالمرّه
من سنين وأنت بهايه تدرَه
كل هالحزن ماصارت إلك عبره
ماهو جديدعليك وصرت موالفه
دشوف شصار بالقنفه
ياشعبي ترَه ماهو وكت اصلاح
ولا وكت ترف لا وكت أفراح
لأن بال الحكومه ماهو مرتاح
تعرف زين أظنك هاي السالفه
راح تموت عالقنفه
نطلب مِن الحكومه تخلي صورتهه
على الأعلام تزهي محله طلتهه
تمجيد وشكر وتثمين لخدمتهه
على عناد أهل العقول الجايفه
نتضامن ويَ القنفه
وكل جماهير الشعب متحلفه
تتضامن ويَ القنفه
|
|
التعليق والتصويت على الموضوع في الموقع الرئيسي
.. المخرج حسام سليمان: انتهينا من العمل على «عصابة الماكس» قبل
.. -من يتخلى عن الفن خائن-.. أسباب عدم اعتزال الفنان عبد الوهاب
.. سر شعبية أغنية مرسول الحب.. الفنان المغربي يوضح
.. -10 من 10-.. خبيرة المظهر منال بدوي تحكم على الفنان #محمد_ال
.. عبد الوهاب الدوكالي يحكي لصباح العربية عن قصة صداقته بالفنان
