الحوار المتمدن - موبايل


نتضامن ويه القنفه

حذام الحداد

2016 / 5 / 10
الادب والفن


ياهو أعتده عالقنفه
ضروري لازم نعرفه
هيبة الدوله تحطمت
وزادت عليهه التكلفه

احزان ودمع بمجلس النوّاب
علَى البلد عم كل الخـراب
دقيقة صمت وگفت كل الأحزاب
ومن القهر الأبدان كلهه راجفه
ياهو اعتده عالقنفه

مدگوره شفتهه وتكسر الخاطر
محتاجه لبو العرّيف أو ساحر
لازم يقنص المعتدي والفاجر
يعرْفَهْ بس يشوف الجنجفه
سودة عليّ القنفه

هدرو دمهه الحلوه الحبابه
مدري شعدهم طالبيهه بطلابه
هجمو عليهه چنهم ذيابه
تزهي چانت وهسه غدت تالفه
أويلي يمه القنفه

وأنت ياشعب أول حضارات
مو خزي تعتدي على القنفات
أطلعتْ حاقد وفوگاها بذات
وافعالك صارت مقرفه
شمالك كسرت القنفه

شصار لو لاح البلد تدمير
واذا نص الشعب تعرض لتهجير
فدوه للوطن روحو الى قير
بالشوارع نامو أوعالأرصفه
ميهمْنَه غير القنفه

دمك ياشعب مو غالي بالمرّه
من سنين وأنت بهايه تدرَه
كل هالحزن ماصارت إلك عبره
ماهو جديدعليك وصرت موالفه
دشوف شصار بالقنفه

ياشعبي ترَه ماهو وكت اصلاح
ولا وكت ترف لا وكت أفراح
لأن بال الحكومه ماهو مرتاح
تعرف زين أظنك هاي السالفه
راح تموت عالقنفه

نطلب مِن الحكومه تخلي صورتهه
على الأعلام تزهي محله طلتهه
تمجيد وشكر وتثمين لخدمتهه
على عناد أهل العقول الجايفه
نتضامن ويَ القنفه
وكل جماهير الشعب متحلفه
تتضامن ويَ القنفه





التعليق والتصويت على الموضوع في الموقع الرئيسي


اخر الافلام

.. عام على جائحة كورونا..فرقة الورشة المسرحية باتت مهددة بالاخت

.. قصة نجاح لمشروع نسائي بدأ بدولار منذ نحو 60 عاما.. وأصبح إله

.. المنتج والمخرج الأردني إياد الخزوز يكشف عن ماذا ينقص المسلسل



.. الممثلة المغربية جيهان خماس.. عفوية معهودة وتلقائية في التفا

.. حوا بطواش - حوار عن الأدب والكتابة وأجمل إبتسامة محفورة في ا