الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
لو عشت مره تاني شو بتعمل
جان نصار
2016 / 5 / 28كتابات ساخرة
هاد سؤال افتراضي ملاين من الناس بسألوه لانفسهم او لغيرهم وهو نوع من التنفيس او التحسر ويمكن يكون امل وحلم اكيد بتحققش بس بخطر على البال.
يمكن يكون في تناسخ ارواح شو بعرفنه و يزبط هالموضوع او بجوز لما يصير يوم الحساب ويسألنا الله حابب ترجع لنفس حياتك السابقه والا حابب التغير مشان نعرف شو نجاوب.
اذا بديت بالاجابه باني كان معملتش هاد ومتجوزتش هاي ومخلفتش هدول ومشتغلتش هيك ومتعلمتش هالموضوع اعرف انو حياتك كانت زفت وقطران وزي العمى وفات القطار على التغير وانو كل خياراتك كانت سيئه وانك عشت انت وقلتك واحد,او على هامش الاخبار.
اما اذا قلت انو لو عشت مره تاني من جديد كنت عشت نفس الحياه وعملت كل الاشياء اللي عملتها وكل خياراتي كانت صح ومش راح اغير او ازحزح اشي من كل مسيرتي الحياتيه فهذا يدل على انك عشت سعيد ميه في الميه ومفيش بحاياتك لحظة ندم.
بس مشان الله ارجوني هيك شخص مشان ابنيلوه تمثال واركعلوه واصدق انو كل ما تمناه المرئ ادركه وان الرياح كلها اجت كما تشتهي السفن.
تلات ترباع شعوبنا اتمنت انها تولد وتعيش ببلاد غير بلادنا نتيجة تخمة الاستقرار وهداوة البال الي عايشينو ونتيجة حكوماتنا الديمقراطيه اللي مرفهه شعوبنا وحطيتهم على كفوف الراحه وحابين يعيشوا ببلاد فيها حركه وسسبنس واكشن مشان يعرفوا طعم الاستبداد والدكتاتوريه والفقر والجهل اللي يتحدث عنها بالغرب او الشرق مثلا.
بصراحه كتر الدلال والاستقرار السياسي والاقتصادي ببلادنا والسعاده اللي بتشر شر من مؤخرتنا ادت الى شعورنا بالملل والزهق.
اكيد الواحد فينا لو عاش مره تاني راح يختار نفس البلاد اللي فيها الصوره واضحه عايشين بوئام وانسجام واحلام وافلام وايام لا فيها صراعات طائفيه ولا خلافات مذهبيه او عرقيه ولا في حروب ولا حتى نزاعات.
لو تركنا الاوضاع السياسيه والاقتصاديه وكان السؤال يطرح للحياه العائليه بس.
هل راح تعيش انت يا هالزلمي او انت يا هالمرا مع نفس اللي انت معاه هلئ او لا.
السؤال محرج وصعب الاجابه عليه بصراحه.
الاجابات كتيري ومنها:
اذا كانوا التنين بحبوا بعض كتير يمكن يقولوا نعم.
وهاي اشك فيها كلمة كتير خصوصا اذا عاشو مع بعض شي ربع قرن او اكتر.
اذا كان في خلافات ونكد يمكن يقولوا لا.
اذا كان في خيارات موزه وشلخه وشقفي احلى ادام الزلمي يمكن على السريع راح يغير.اكيد نفس الشئ الها اذا في زلمي بعئد وبفك عن المشنقه بجمالوه راح المرا تغير.
يا جماعه هاد ىسؤال افتراضي لانوا بالاخره يقال انو كل كبل يعني زوجين اللي عايشين على الارض راح يكون فوق بالسما بجهنم او بالجنه كمان مع بعض يعني ديما وراك ديما. هاي مشان الكثيرين يعرفوا حتى بعد الممات فش خلاص هاد من جهه ومن جهه تاني اللي بتعرفوه احسن من اللي بتعرفوش والا لاء.
في حالات يمكن الزلمي يكون بالجنه لحالوه او بجهنم والمرا نفس القصه يعني يفترقوا وهون بتكون اجت من ربنا ببقى كل واحد فيهم بفتش على رزقه.
اكيد في رجال ونسوان راح يقولوا لو راح نعيش مره تاني ما راح بعمرنا نتجوز اللي شوفنا بحياتنا الزوجيه مش راح نكرروه من مقولة المتزوج لا يلدغ من زواج مرتين.
اللي ما تجوز بحياته ان كان هو او هي اكيد راح يقول اذا عشت مره تاني مش راح اتبغدد واتدلل واول هبله او اهبل راح اتجوزه او اتجوزها وبعيني الله علي وعلى اعدائي.
عزيزي القارئ هاد سؤال لللي راحت عليهم وصاروا بخريف العمر.اما اذا كنت بربيع العمر وعلى اول الطريق احسبها واضربها واجمعها منيح احسن ما تندم حينما لا ينفع القلم عفوا الندم.
الخيارات لازم دايما تكون موجوده. لا تتصل بصديق احسن ما يورطك.ولا توخد رأي الجمهور لانهم ماكلين هوا ولو عرفوا يختاروا كانوا اليوم باحسن حال.ولا تحذف اجابتين خليها على الحظ.
اما اذا لم ترغب بالقدوم الى هذه الحياه والى هذا العالم فقول لامك وابوك بلاش تنبسطوا وتحبوا بعضكم كتير بالليالي وقبل ما تجبوني على هالدنيا فكروا منيح وشوفوا كيف الدنيا ماشي ووين انتو عايشين .يعني مشان انكم تورطتوا بالحياه تورطوني معاكو, فمشان اللي خلقكم بلاش تورطوني فيها.
|
|
التعليق والتصويت على الموضوع في الموقع الرئيسي
التعليقات
1 - لو عشت مرة تانية
قرد غير شكل
(
2016 / 5 / 28 - 13:04
)
لو عشت مرة تانية...بعيش في فرنسا..على حساب دافعي الضرائب..و بصير ببيع لبن..من أول وجديد
و الله لا يقطعلي عادة
هئ هئ هئ
2 - استاذ قرد غير شكل محترم
جان نصار
(
2016 / 5 / 28 - 14:41
)
يا خوي طنيب عليك خدني معك ومنفتح بسطه انا واياك وبلتوئ حنكنا ومنصير نحكي فرنسي هاي لغة النسوان.
نابوليون قالها لما بدو يحكي مع النسوان بحكي فرنسي ولما بدو يحكي مع الله بحكي تلياني ولما بأمر الجنود بحكي معاهم الماني.فيا خوي لا تروح لحالك وتنساني
تحياتي الك ولكل المجموعه
3 - ساختار البوذية
سمير
(
2016 / 5 / 28 - 16:10
)
عزيزي جان, شلت السيد لان صرنه اخوان, انا اذا اعطوني اختيار ثاني ساختار ان اكون راهب بوذي,1-حتى لا اتزوج, 2- حتى اعيش في الهملايا وبعيد عن ديمقراطية العرب,وتعرف انو سياسينا العرب باسطين شعوبهم بالعراقي ولانو نفسي ملت الحرية والديمقراطية وخاصة هاي مال الاميركان! انا يصير عندي كوابيس من افكر انو الله ممكن يغلط ويدخلني للجنة, يعمي كله ختيارية وصلاة وادعية ويحشروني مع ابن عثيمين وابن باز وداعش وطالبان , وتعال اشبع جيفة وقمل ومفخخات. انا شخصيا افضل جهنم, مفكرين وفنانين ورقاصات(ودك اصبع) مثل ما نكول بالعراقي, وعلى رأي عنترة...وجهنم بالعز خير منزل. خاطرك يا عزيزي طيبتلي نفسي اليوم وانا كنت مهموم
4 - الاستاذ سمير المحترم
جان نصار
(
2016 / 5 / 28 - 17:14
)
اختيار موفق وانا همين اختارالهندوسيه واصير اعبد بقره مش غلط على الاقل لا بتقولي قاتل ولا اضرب ولا ما يحزنون وهدول بابا عيني الهندوس كمان بامنوا بتناسخ الارواح وفي حياه تاني واعنف من حياتنا اليوم
اما بخصوص جهنم فارجوك احجزلي على نفس الطاوله ومع نفس الشله والاهم وجود الرقاصات والكاسات والمزه في احلى من السطلان مع الربع والشيطان. والاصحاب والخلان
اللي محيرني كتير اذا مات الواحد عمره 70 سنه برجع عمره كمان سبعين سنه والا شب.
احد معارفي قال لي انو الكل راح يكونوا بعمر ال 33 سنه زي المسيح فكرك مزبوط هاد الحكي والا لع
انا الان بشرب واحد بير فتحياتي الك يا امير يا عم سمير خليك على الشاي الخمير او اشرب وسكي مع عصير
وهلا يا ورده
5 - لا أتمنى حياة أخرى بعد الموت
ليندا كبرييل
(
2016 / 5 / 28 - 19:17
)
الأستاذ جان نصار المحترم
أنا معك ومع الأخ سمير، بوذية كونفوشية هندوسية إللي بدك ياه
المهم ألا أرجع لحياة أخرى بطريقة الديانات السماوية
كما أني حجزت لنفسي من زمان مكانا في جهنم
ما التقينا في الحياة الواقعة، سنلتقي عزيزي في جهنم
ملاحظة للأخ سمير : الرهبان البوذيون في معظم طوائفهم الآن يتزوجون، عقولهم مرنة، وليتنا نحن المسيحية نتشبه بهم ونكسر الحظر على الزواج كما فعل البوذيون
حتى لو رجعنا إلى نفس هذه الحياة فلن نسعد فيها أخي جان، لأن الظروف ستتغير ولن نستطيع التواؤم معها
ألا يكفي الإنسان أن يعيش ثمانين أو تسعين سنة؟
كمان حياة؟
ماذا سنترك لأولادنا؟
سبعة مليار نسمة يا شيخ، العالم يئن من التكاثر البشري وعاوزين كمان ترجعوا للحياة؟
أووف أديش الإنسان طماع
تحياتي وسلامي
6 - ست لندا
سمير
(
2016 / 5 / 28 - 20:09
)
تحياتئ ، يعني الزواج لاحقني وين ما اروح ؟ياستي يعني شي يوم اريد انام للظهر من غير ماوحدة تنغص عيشتي:قوم ودي الأولاد للمدرسة، روح للسوق، خذني اشوف أمي صارلي يومين ما شايفها، وديني للدكتور.......لو يسوون جزيرة للامازونيين مثل ما كان في جزيرة للامزونيات. احترامي لكي وللعم جان
7 - شو راح تفرق
سمير
(
2016 / 5 / 28 - 20:12
)
يا عمي شو راح تفرق بجنتنه اذا كان عمرنه 33 لو 70 أهو كله قاضينهه صلاة وتراتيل مو مثل جنة اخواننه الاسلام؟ صديق مسلم قلي صير مسلم وجوز من شرب العرق وعوضو بأربع نسوان وبعدين بالجنة اشرب قد ما بدك، قلتلو والمعممين راح يدخلو الجنة؟ قال طبعا، قلتلو افضل الف مرة ادخل جهنم على ان اقضي الآخرة مع معممين ، ما بتفرق عندي ملالي ولا قسس ولا حاخامات. اليوم ويكند والاوفيس بجهنم مسكر، عله بكره راح احجز لك طاولة حدي، بس بدك تجيب مزتك معك لان صاير تقشف نتيجة انخفاض أسعار البترول وصار عزرائيل يقدم العرق سادة، الله يخليك
8 - لو عشت مرة ثانية في الدنيا
ايدن حسين
(
2016 / 5 / 28 - 23:58
)
ساطلب الغاء الالم و العذاب و الجوع و العطش و ما الى ذلك
لو انني لن اشيخ .. فساطلب عدم الموت .. اما ان كنت ساشيخ فساطلب الموت بالتاكيد
فهذه الامور هي نقاط ضعفنا
و لولاها لكنا احرار مائة بالمائة
قد اطلب اللذة .. و قد لا اطلبها
لكنني بالتاكيد ساطلب عدم الملل .. و ساطلب القناعة و الرضا
احترامي
..
9 - الاستاذه ليندا كبرييل المحترمه
جان نصار
(
2016 / 5 / 29 - 06:33
)
اعتقد انك لو عشتي مره تاني راح يصير ديليت لكل الشغلات القديميه وتكوني متمرسه وعندك خبره من الحياه الاولى
وبعدين الناس راح تكون غير شكل والطب تقدم من الاخر برمجه من اول وجديدثم في حق الاختيار والخيارات مفتوحه ومنكون مطورين جينيا وعنا خبره في تحمل الدكتاتوريه والاستبداد وراح اول ما نبدء ندرك شو اللي عمال يصير حوالينا نقول انا هاد الفلم شوفتوا قبل بمره بديش اياه رجعوني مترح ما كنت
باختصار احنا العرب راح نكون زي ما احنا لا تغير بالعقليات ولا تطور فكري او حضاري وبعدين عن الابداع والتنوير فبلاها احسن مو هيك
تحياتي واسعدني حضورك
10 - عزيزي سمير الورد
جان نصار
(
2016 / 5 / 29 - 06:42
)
بابا عيني كليش الحياه راح تكون مختلفه بكل العالم الا عندنا لانو راح يكون كلو كومبيوتريازد يعني مبرمج ومفرمتم.
النسوان والرجال زي الربوتات بعملوا على الرموت كونترول والسياره بسوقها ربوت الي والخدم كمان ربوتات وبالاخير يمكن تطلع المرا او الزلمي كمان ربوت شو بعرفك فهيك الحياه بتكون بلا احاسيس ومشاعر كلها معمول الها ديليت.
ما في اسواق السوق بيجي لعندك والاكل كله كبسولات زي اكل رواد الفضاء يعني من الحبه الزرقاء وجر حبوب كل الالوان.
ابشر يا عم وداعا للالم لانو البشرعلى هالحاله كلهم راح يسكنون المريخ الا جماعتنا العرب على الارض
تحياتي ويسعد صباحك
11 - الاستاذ ايدن حسن المحترم
جان نصار
(
2016 / 5 / 29 - 06:50
)
على هاد المنوال اطلب ان تعيش بالجنه مش على الارض لانه هناك الطلبات كلها مجابه.
اللي انت بتفكر فيه معقول واحنا لجنة اعادة الحياه راح ندرس طلبك وانشاءالله نرسل لك جوابنا على ايميلك
عمي ايدن السخريه والضحك في هاي الايام اصبحت عمله نادره ومع هيك احاول الحفاظ على ما تبقى منها في كتاباتي علني اقنص ابتسامه من شي قارئ لعلي اخفف من روتين وملل حياته او حتى بعض من الامه
شعاري اضحك تضحك لك الدنيا لاننا في اوطاننا لم يبقى لنا الا البكاء
تحياتي ومودتي
12 - لماذا عاش آدم وحواء مبسوطين يا أستاذ سمير؟
ليندا كبرييل
(
2016 / 5 / 29 - 09:29
)
تحياتي لحضرات المعلقين الكرام
بعد إذن الأستاذ جان
ولا يهمك أخي سمير، هناك طوائف بوذية قليلة لا يتزوج رهبانها، هذا إذا كانت قضيتك مع الزواج
وقد فكرت بأمرك فوجدت أن معظم رجالنا عندهم هالمشكلة، فقلت :
حتماً آدم وحواء عاشوا مرتاحين ليش ؟
مفهومة سيدي .. لا شغلة ولا عملة لآدم، لا تصليح باب انخلع ولا مدرسة يودّي أولاده عليها ولا سوق الخميس يروح ينحشر بين أكوام الخضرة، ولا عيد زواج يقعد يفكر شو يجيب لها هدية،وما في نسوان لتغار عليه، والأهم أنو حواء ما عندها أم تروح لعندها
أما الأهم الأهم : فهو أن حواء مو قادرة تنغص عيشة الزلمة وتقول : لو بتعرف كم عريس إجاني قبلك
شكراً لحضوركم اللطيف إخوتنا الكرام مع ابتساماتكم ولكم تحياتي الطيبة
13 - الاستاذ جان نصار المحترم تحية طيبة
فؤاده العراقيه
(
2016 / 5 / 29 - 10:33
)
الي بيقول مش راح اغير من حياتي لو رجع به العمر من جديد فهو قد تبلد بفعل حياته المكررة لو كان عربيا ولانه ما من انسان يعيش حياته دون تجارب ووعي متزايد وتغيير
فمن يختار البقاء على نفس النهج الحياتي هو لم يكن سعيد وان اعتقد السعاة بل ساكن ومتبلد ويتصور نفسه بانه سعيدا ومن الغباء بانه سيختار نفس حياته ويكرر تجاربه التعيسة التي سرقت عمره حيث العربي يعيش الهدر والخسارة منذ ولادته
بخصوص تعليق الاخ سمير طبعا العكس هو الصحيح لكون الزوجة هي من تتحمل وتكد اضافة الى تعب الحمل والولادة والرضاعة فهذه بمفردها تكفي وتفيض
أما اخذك لها لبيت اهلها وللدكتور فلِما لا تذهب هي بمفردها فهل هي عاجزة من الذهاب بمفردها ام انها قاصر وربما تتوه ؟
14 - الاستاذ جان نصار المحترم تحية طيبة
فؤاده العراقيه
(
2016 / 5 / 29 - 10:33
)
الي بيقول مش راح اغير من حياتي لو رجع به العمر من جديد فهو قد تبلد بفعل حياته المكررة لو كان عربيا ولانه ما من انسان يعيش حياته دون تجارب ووعي متزايد وتغيير
فمن يختار البقاء على نفس النهج الحياتي هو لم يكن سعيد وان اعتقد السعاة بل ساكن ومتبلد ويتصور نفسه بانه سعيدا ومن الغباء بانه سيختار نفس حياته ويكرر تجاربه التعيسة التي سرقت عمره حيث العربي يعيش الهدر والخسارة منذ ولادته
بخصوص تعليق الاخ سمير طبعا العكس هو الصحيح لكون الزوجة هي من تتحمل وتكد اضافة الى تعب الحمل والولادة والرضاعة فهذه بمفردها تكفي وتفيض
أما اخذك لها لبيت اهلها وللدكتور فلِما لا تذهب هي بمفردها فهل هي عاجزة من الذهاب بمفردها ام انها قاصر وربما تتوه ؟
15 - الاستاذه فؤاده العراقيه المحترمه
جان نصار
(
2016 / 5 / 29 - 15:05
)
تحياتي لحضورك ومعك حق ولا يمكن واحد يقول انو راح يرجع يعيش بنفس المنطقه انا مليون مره لمت اهلي ليش جبوني بهاي البلاد.
يعني غلط لو انولدت سويدي او نروجي او دنمركي او اي شئ غير هالماركه المسجله عربي وافتخر.ومش عارف على شو بدي افتخر بهالوطن المشرشح على التخلف والا الفقر والا الاستبداد والا والا.
اهلا سعاده باوطاننا صدقيني ما منعرف معناها وامتى بستعملوها قبل الاكل او بعد النوم.
صار الواحد فينا يقول حسن الختام وكأنو وجودنا على هذه الارض بالفعل لا تستحق الحياه مش زي ما قال شاعرنا محمود درويش على هذه الارض ما يستحق الحياه.
لكني اقول ان هذه القصيده نظمها لما عاش فتره في فرنسا مش في اوطاننا.
اسعدني حضورك ومتابع لما تكتبين
اضحكنتني الاستاذه ليندا عندما قالت ان ادم وحواء ما كان عندهم حموات ولا مره فكرت فيها واعطتني فكره لمقال ساخر جديد
تحياتي مره اخرى
.. حلقة خاصة مع المخرج الفلسطيني رشيد مشهراوي وأسرار وكواليس لأ
.. بعد أربع سنوات.. عودة مهرجان عنابة للفيلم المتوسطي بمشاركة 7
.. بدء التجهيز للدورة الـ 17 من مهرجان المسرح المصرى (دورة سميح
.. عرض يضم الفنون الأدائية في قطر من الرقص بالسيف إلى المسرح ال
.. #كريم_عبدالعزيز فظيع في التمثيل.. #دينا_الشربيني: نفسي أمثل
