الحوار المتمدن - موبايل
الموقع الرئيسي


كيميا التخلف

أيمن غالى

2016 / 6 / 19
كتابات ساخرة


و إحنا فى بداية السنة الأولى من مرحلتنا الجامعية؛ كان عندنا فصل عملى فى الكيميا " سيكشن Section ", و كان عندنا عدة تجارب فى كيفية التعرف على وجود العناصر فى المركبات و منها عنصر إسمه " البروم Brome ", و شرح لنا مُدرسنا على طريقة الكشف عنه و قال لنا:
■ أول ما تحط كذا على كذا و تعمل كذا حا يتصاعد غاز لونه أحمر, هو ده غاز البروم, و أول ما تحِس إنه ظهر تروح على طول دالق الأنبوبة فى الحوض و تفتح عليها الحنفية علشان نتخلص منه بسرعة علشان ده غاز بيعمل حاجات وحشة
□ بيعمل إيه يعنى ؟
■ بيسبب عقم للذكور
و طبعا كلنا كنا مرعوبين من حكاية البروم ده؛ لأن كل واحد فينا كانت عجباه خِلقِتُه و سِحنِتُه و شايف إنه ضرورى يِبهج العالم و البشرية و يطُّشُهُم بسلالته النادرة, و شوية و صرخ مشرف المعمل فى واحد من الطلبة كان بيتمشَّى فى المعمل و ف إيده أنبوبة بيتصاعد منها غاز البروم
■ أنت يابنى .. أنت يابنى يا بتاع تحديد النسل .. أدلق الأنبوبة فى الحوض .. أدلق الأنبوبة فى الحوض .. حا تِقطع خَلَفْنَا ..

و زى ما فيه أبخرة لعناصر و ممكن مركبات تسبب كتير من الأمراض؛ عندنا إللى بيسبب التخلف الفكرى و التردى الحضارى و الإنسانى ..
و الحل إننا ندلق الأفكار دى فى أقرب حوض و نفتح عليها الجنفية علشان تروح لمكانها الطبيعى فى أقرب بلاعة ..





التعليق والتصويت على الموضوع في الموقع الرئيسي


اخر الافلام

.. على ارتفاع 120 متراً.. الفنان المصري تامر حسني يطير في الهوا

.. فيلم -ولاد رزق 3- يحقق أعلى إيراد يومي في تاريخ السينما المص



.. رحلة عبر الزمن من خلال الموسيقى.. السوبرانو الأردنية زينة بر

.. السوبرانو الأردنية زينة برهوم تبدع في الغناء على الهواء في ص



.. السوبرانو الأردنية زينة برهوم تروي كيف بدأت رحلتها في الغناء