الحوار المتمدن
- موبايل
الموقع
الرئيسي
فى الركن (قصيدة بالعامية المصرية)
احمد علي بدوي
2016 / 6 / 20الادب والفن
﴿ فى الركن ﴾
***********
احنا فى ُركن المثلث
مركونين تحت الضلوع
مزنوقين جوّه الزوايا..،
و الزوايا ..
راح تساع كل الجموع ..؟!
،
و انتى ساكنة فى الدواير .
و الدواير ..،
واسعة ..،
لكن مقفولين.. ،
زى حبات الدموع .
*****
الوتر ع القاعدة مايل .
و الليلادى .. ميّل اكتر ،
يعتصرنا ،
لاجل يصهرنا فى واحد ،
و انصهرنا .
الزوايا حادّة اكتر بتحاصرنا .
الزوايا حادة ليه..؟!
قطرك الفجرية عدّى
فات .. ماهدّى
و انتى ليه ..
يا حبيبتى مادّه
ايديكى فى الزحمة ُقبالى .؟!
،
دا انتى فى الضلّ البعيد...
سانده راسك ع المخده /
ريش نَعَام
و احنا من خلف الحديد..
ننده الشمس المعانده ،
ننتفض .. ندّى التمام
لما عدى الليل علينا ..
فى نوبة الصبح الغميق..
و البروجى ع الطريق..
و الكلاب الضالّة.. ،
واقفه ع المداخل
و اللى داخل ع العنابر..،
م الأعادى ؟
يا ترى.. ، و لاّ صديق ؟
جاىْ يعافر فى الحنايا
يتزنق جوَّه الزوايا..
يتخنق تحت الضلوع ..
ينصهر ويّا الجموع ..
*** **
و انتى قطرك لما عدى ،
فات .. ما هدّى ،
و انت ماده ..
ايديكى فى الزحمه ..،
عشانى :
فيها كرباج / المحبه
و نقرزان / العاشقين ،
و احنا فى ركن المثلث
.....
مشنوقين
********
سبتمبر 1992
|
التعليق والتصويت على الموضوع في الموقع الرئيسي
.. بعد فوز فيلمها بمهرجان مالمو المخرجة شيرين مجدي دياب صعوبة ع
.. كلمة أخيرة - لقاء خاص مع الفنانة دينا الشربيني وحوار عن مشو
.. كلمة أخيرة - كواليس مشهد رقص دينا الشربيني في مسلسل كامل الع
.. دينا الشربيني: السينما دلوقتي مش بتكتب للنساء.. بيكون عندنا
.. كلمة أخيرة - سلمى أبو ضيف ومنى زكي.. شوف دينا الشربيني بتحب