الحوار المتمدن - موبايل
الموقع الرئيسي


ايها السعوديون لا تسبشروا خيرا

جان نصار

2016 / 6 / 21
كتابات ساخرة


رؤية ولي ولي عهد السعوديه الاقتصاديه السياسيه 2030 ما كانت غير ذر الرماد في العيون.
ولما كنت اقولكم انو ولي ولي العهد راح يكون الملك القادم وفي ريحة انقلاب ابيض وانو ولي العهد الاصلي مش اكتر من صبابة خرجه ما حد صدقني.
زيارة ولي ولي عهد الملك سلمان الامير محمد ابن سلمان كشفت المستور وبقى اللعب على المكشوف.
سموه قدم ولاء الطاعه وامتص نقمة الامريكين وقلهم نعم انتو اللي 99% من اوراق اللعب بايدكم.وانا محسوب كنادر شواربكم يا اسياد العالم واللي بدكم اياه بصير.خلونا ننسى اللي فات ونبدء صفحه جديده ومنصفر العداد وعفى الله عنما مضي.
تخيلو الكذب قال ولي عهد الملك الامير نايف صحته متدهوره بعد ما اول امبارح يعني قبل شهرين كان في باريس وصحته تمام ويخزي العين. كيف ادهورت بشهر محدش فاهم.اي هو عزريل حتى لما بدو يقبض روح واحد من ملوك وامراء ال سعود بتطلع روحه وهوي يحاول يقبضها وبالاخير بعد التسعين يادوب يطلع معاه.
معقول ولي العهد محمد ابن نايف ابو ال 54 سنه ادهورت صحته خلال زيارة ولي ولي العهد الامير محمد ابن سلمان.
السيناريو راح يكون سريع الذوبان مثل حليب نيدو الملك لاسباب صحيه بتنحى وولي العهد الامير محمد ابن نايف مريض بداء الفشل السياسي وتقديم فروض الطاعه ,,وطز والا ولي ولي العهد الامير محمد صار ملمع وجاهز للحكم وستبدء مرحله جديده من التبعيه للامريكان برؤية 2030 وتيتي تيتي متل ما رحتي جيتي.
بقولك الامير محمد اول وصوله لزيارة التلميع وتقديم فروض الطاعه تعرض الى تقيم وفحص لاهليته وتبعيته واذا في معاه باصور بمؤخرته ام لا من قبل مدير المخابرات ال سي.اي.ليه مش ايه وكان تقيمه لائق صحيا وسياسيا وتباعيا.
بعدها قابل وزير الدفاع ووزير الخارجيه وعدد كبير من كبار المسؤولين الامريكين وبعدها كان خالي من الامراض الساريه والمعديه قابل الرئيس اوباما.
الامريكان قدروا طيش الشباب وقلة الخبره وتهور الامير واندفاعه في حرب اليمن ومش مهم كم حصدت من الارواح والدمار لانها كانت درس عملي للامير الشاب.اعدام الشيخ النمر كمان راح مع الغسيل والتدخل بالحرب والنزاع في سوريا مش الامير اللي بدءه رغم الحكش والنكش.والمشاكل مع لبنان طول عمرها قايمه ودرس لحزب الله يعني بالمختصر المفيد افر سنغ اذ اندر كونترول الكل تحت السيطره .العراق مشغولين بدحر داعش ومشاكلهم المذهبيه خليهم بحالهم.
بس اليوم العراقين بطالبوا بتغير السفير السعودي بسب بعبصاته في الشأن العراقي
القضيه الفلسطينيه اليوم بالتلاجه والعلاقات السعوديه الاسرائيليه عال العال وهاد بمشي مع المصالح الامريكيه.
تفتيت العالم العربي ماشي حسب الخطه وجود امير شاب يصبح ملك او امير ختيار المهم انو يمشي حسب ما بدها امريكا ومن بعدها طز بكل اماني وامال الشعوب العربيه ووحدتها واستقرارها ونموها واذدهارها خلوها على الله.
الامير محمد مرهان في سباق الرئاسه الامريكيه على هيلاري كلينتون رغم انها مرا وبقولك هي احسن من ترامب ولهيك يقال انه تبرع لحملتها الانتخابيه بمبلغ معلن هو 25 مليون دولار بعد ما شافها للست كلينتون واقفي تشحد بساحة المدسن سكوير يارد وبتقول لالله يا محسنين فقام شفق عليها الحنون.
على اساس انو الشعوب العربيه والاسلاميه كلها تعيش ببحبوحة عيش والامريكان شعوب فقيره والله لا يضيع اجر المحسنين.
حتى اذا نجح ترامب مش راح تفرق مع السعودين هاد زلمي بجعجع على الفاضي وابقوا بكره اتذكروني.
مصالح السياسه الامريكيه بتمشي حسب صناع القرار مش حسب الرئيس وبكره بلين ترامب وبترجع ليالي زمان.
على الصعيد الداخلي السعودين من يوم قدوم الملك سلمان وولي ولي عهده زاد الامان على الطرق وكل المخالفين بالرأي والمعارضين والمنتقدين والمغردين وطالبي الحريات اضطرت القياده السعوديه الرشيده والعائله المالكه ارسلهم الى رحلات استجمام الى السجون السعوديه مع طول الاقامه ولا الدبان الازرق بيعرف اماكن وجودهم وكله مشان الوطن.
من الاخر اطمئنوا ايها السعودين اذا هربتم من تحت الدلف فولا يهمكم راح تيجو لتحت المزراب.
السعوديه امبارح تطالب بمعاقبة سفاحي ومصاصي دماء الشعب السوري بالمحاكم الدوليه واحنا كمان منطالب بذلك لكن مش بس النظام لازم ان يحاسي كمان داعمي وممولي الارهاب السعودين والاتراك والامريكان والروس والايرانين والقطرين
معليش ملاحطه مش كتير مهمه شو مع اللي قتلو ودمروا باليمن من قبل السعوديه وتحالفها ايش هدول ملائكه وبقوموا بعمل ربنا امام الشعب اليمني المستضعف والا شو.
يا ترى السعوديه وال سعود مش لازم يقعدوا كمان على الخازوق.
اي حتى ابو عيون ناعسه العم بوكي مون هاد تبع الامم المتحده هددوه السعودين بقطع الدعم مشان تغير افادته هو ومنظمته بشأن قتل الاف الاطفال والمدنين اليمنين من قبل السعوديه وتحالفها. والاخ تراجع.
حتى الامارات تراجعت عن قولها بانها انتهت من حرب اليمن بتلفون واحد بس.
موني توكس المال يتكلم حتى عربي.
احبائي السعودين تابعوا مسلسل سلفي 2 لايت الله ناصر القصيباني ربما يفرج وينفس عن بعض مشاكلكم الاجتاعيه مش اكتر وبضل العور افضل من العمى.





التعليق والتصويت على الموضوع في الموقع الرئيسي


التعليقات

1 - جان الورد
عبد الرضا حمد جاسم ( 2016 / 6 / 21 - 13:37 )
تحية و سلام
بخصوص محاكمة القتله هذا راح يبقى يدور مثل تعريف الارهاب
بخصوص تصفير العداد لازم يشمل عداد الاستثمارات و الاموال في البنوك لازم تتصفر
فرنسا ربما منحت ولي العهد وسام الجمهورية لحته تصيبه العين و يمرض
تتذكر الشاب الامير فيصل رئيس الاتحاد الاسيوي لكرة القدم ايضا مات فجأة في عمان...المسكين ما عنده فلوس بيش يشتري الدوة فمات في حضرة البلاط الهاشمي
منعوا عن السعودية العنقودية و هددوا فقط ب 28 صفحة من -غزوة- 11/سبتمبر ..زو حركوا بان كي مون المسكين......داخ الملك و طار و لي العهد و لحق الموضوع ولي ولي العهد
ترامب ربما يريد ايحج العمرة كما فعلها بوش الصغير و رقص مع الملك وان فاز ترامب يريد حصة من واردات موسم الحج عدى النفط
....................
دمتم بتمام العافية

2 - انا لا ارى
شيخ صفوك ( 2016 / 6 / 21 - 14:18 )
انا لا ارى الرئيس السويسري او ملك النمسا او ملك هولندا او الامبراطور الياباني او الامير الدنماركي مثل ما ارى هذا ( مختار قرية ام الطنافس الفوقا) وولي ولي ولي علي قامتي
تقبرني شو دموا ثقيل
تحياتي يا اخي جان

3 - بقه بالنه عليك؟
سمير ( 2016 / 6 / 21 - 16:25 )
يعمي وينك, تصورت انو آل هباب اغتالوك قلت راج يجيي الدور علينه احنه المعلقين . هواللي حصل في قطر مرتين وحصل في دبي وبسلطنة عمان ليش ما يصير بمملكة أل هباب؟ نسينا انو الهاشميين اللي اعلنوا الثورة على الاتراك وجا آل سعود واخذو البلاد كلهه عالحاضر؟ بالعراقي نقول يامن تعب ويامن شكه(شقى) ويامن عله الحاضر لكه(لقى). يعني 15 سنة وكل يوم يقول الاميركان لال سعود راح نكشف المستور فيرفع هؤلاء دشاديشهم ويستديروا للوراء ويقولون للعم سام افعل اللي تريدو بس لا ال 28 صفحة, ولو احنه سوينه شي انتو ما كنتو قيليلنه عليه؟ لا تطول الغيبة مولانه والله يحفظك. احترامي

4 - الغالي عبد الرضا حمد جاسم المحترم
جان نصار ( 2016 / 6 / 21 - 17:52 )
اولا شي رمضان كريم ينعاد عليك وعلى الجميع والاسره الكريمه بالف خير
يا خوي يا عبد الرضا قلنا ها صار في يوم حساب لال سعود وقربت نهايتهم اتارينا بنحلم احلام يقظه
راح ولي ولي العهد قال الامير الوسيم وضرب سلام وتعظيم وقسم احلى تقسيم ورجعنا لعصر الحريم ونوموا شعوبنا باحلى تنويم
والله يا خوي انا شايف كرمالنا لورا ولا خطوي لقدام طب وبعدين شو الحل
بيناتنا انسى الدنيا وريح بالك
تحياتي ومودتي واشواقي ارسلها لك عبر الاثير يا صديقي يا كبير قدرا

5 - عزيزي شيخ صفوك المحترم
جان نصار ( 2016 / 6 / 21 - 17:57 )
والله يا صحابي ما راح تشوف من يوم وطالع غيلر الامير الوسيم نجم من نجوم العرب ايدول محبوب العرب
بدك تقول الن ديلون تبع زمان او جون ترافولتا او دي كابريو معبود الجماهير الملك القادم محمد ابن فهمان
والله وسلامات يا شيخ صفوك اشتقنالك
تحياتي ومودتي

6 - عزيزي سمير الورد
جان نصار ( 2016 / 6 / 21 - 18:07 )
عزيزي انا بنشفش لاني دايما مبلول ومن الاحداث مهبول صدقني فاضي ومش مشغول وماني شايف اشي معلوم كله مجهولولا يرقى الى القبول
يا عمي ما في شي يسر القلب اخبار بلاوي ومصايب والبل بطل رايق
دابح حالي مشان الوطن وبحاول اصلح ما بين فتح وحماس ومش عم تزبط معي بدي انو يلتقي المتعوس على خايب الرجى
اشكرك على الاطمئنان على صحتي واتمنى لك وللعائله الصحه وكمان انت لا تطول الغيبه يا زلمتي
تحياتي وابتساماتي

7 - هكذا
ذؤيب ( 2016 / 6 / 22 - 20:30 )
اكتب بالفصحى ثكلتك امك

8 - الاستاذ ذويب المحترم
جان نصار ( 2016 / 6 / 22 - 20:49 )
يا عزيزي ثكلتني امي ثكلتني بكتب بالعاميه لاني امي
يعني بدك اتطول بالك وميه مسى
تحياتي وابتساماتي

9 - الاستاذ ازهر مهدي المحترم
جان نصار ( 2016 / 6 / 22 - 21:05 )
اشكرك على المرور على المقال والتقيم والتثمين.معك حق لكن انا زلمي على قد الحال مملكتي اوف وموال تحصيلي العلمي صف سادس مكرر 3 مرات كتاباتي ساخره وبها اجد نفسي
العقاد كان يستهزء وينفر من كتاب اللغه العاميه لذا ملاين المصرين لا يعرفونه بالمقابل الابنودي واحمد فؤاد نجم كانوا يكتبوا بالعاميه ووصلت كتاباتهم واشعارهم للملاين.
انا كتاباتي لن تصل للملاين لكن روحي المرحه وعاميتي اردت ان احبب الناس بها
اقراء للكاتب الساخر في موقع الحوار محمد الرديني ويكتب بالعاميه العراقيه وتعلمت الكثير من المفردات ولا اراه سوى كاتب بالعاميه واللهجه العراقيه.
كتبت في احدى مقالاتي ان الموسيقى الكلاسيكيه لموتزارت وبيتهوفن وصلت للملاين من خلال افلام الكرتون والصور المتحركه وبهذه الطريقه وصلت الى اكبر عدد ممكن من سكان العالم والا لبقيت لمتذوقي هذا الفن بشكل محدود
اعتذر على الاطاله والفذلكه
تحياتي ومودتي

اخر الافلام

.. بدء التجهيز للدورة الـ 17 من مهرجان المسرح المصرى (دورة سميح

.. عرض يضم الفنون الأدائية في قطر من الرقص بالسيف إلى المسرح ال



.. #كريم_عبدالعزيز فظيع في التمثيل.. #دينا_الشربيني: نفسي أمثل


.. بعد فوز فيلمها بمهرجان مالمو المخرجة شيرين مجدي دياب صعوبة ع



.. كلمة أخيرة - لقاء خاص مع الفنانة دينا الشربيني وحوار عن مشو