الحوار المتمدن - موبايل
الموقع الرئيسي


اردوغان بتحط نفسك بمواقف بايخااااه

جان نصار

2016 / 6 / 27
كتابات ساخرة


عنا المثل بقول الرجال على قد افعالها والزلمي بنربط من لسانه ومش معقول انو زعيم وضارب بحاله مقلب زي اردوغان وعد نفسه ومفكر حاله سلطان يبزق البزقه ويرجع يلحسها.
ست سنوات وهو معشم اهالي غزه انو راح يكون وا اردوغانوا اللي راح يرفع الضيم عن اهالي غزه ويرفع الحصاااار عنهم ومواقفه الثابت اللي ما بتزعزع بأنو تركيا لن تقيم علاقات تطقيع وتطبيع كامل مع اسرائيل بدون هاد الشرط.
يا اردوغان بتحط نفسك بمواقف بايخاااااه ليش... طالما انك مش اد كلامك فبلاش الوعود والجعجعه والطخطخه على الفاضي.
نتينياهو بقولك الحصار على غزه راح يضل قائم.
شخصيا اي وعد من دوله عربيه او اسلاميه مشان القضيه الفلسطينيه بقول اكلنا هوا ووقعنا ما حد سمى علينا.
بنزلوا جماعتنا بتصريحات ناريه وعشم بزحزحة القضيه وانو الدول العربيه والاسلاميه راح تحرر الاراضي الفلسطينيه وبتقدم النا حلول افتراضيه ومجرد خوازيق اعلاميه بتروح مع اول غسلي بالميه .
نفسي بس اشوف وافهم واسمع كل هدول اللي هللوا وطبلوا وزمروا لاردوغان ورفعوه لسابع سما شو ممكن اليوم يتحفونا بتجميل وترقيع مواقفه لاخونا في الاسلام وشو هي المبررات االلي راح يبرروها لهذا التطبيع .
تركيا وقيادتها ما بهمها غير شعبها ونفسها وهاد الشو الاعلامي والدعايه عند اول منعطف برموه وبقولك الغايه تبرر الوسيله.
المهم اسرائيل راح تعوض الاتراك ب 20 ملون وعفى الله عنما مضى.
يا اهالي غزه ولا يهمكم تركيا راح تبعت 10 طن مواد انسانيه على طبيه و على دوائيه دبروا حالكم فيهم تالله يفرجها .
المطلوب من اهالي غزه يقولوا لحماس لهون وبس وحلوا عنا وعن سمانا وبالمقابل اهالي الضفه تقول للسلطه ولفتح نفس الشيء حلوا عن اللي خلقنا.
بريطانيا عملوا استفتاء البقاء في الاتحاد الاروبي ام لا.
يا جماعتي يا فلسطينيه اعملوا استفتاء بدكم حماس والسلطه وفتح والا لاء.
اللي خلى بريطانيا تختار الخروج من الاتحاد الاروبي كتير من الاسباب.
اسباب اقتصاديه وسياسيه ومن احد الاسباب كانت تركيا اردوغان.
تصورا الزلمي يطالب بدخول تركيا للاتحاد الاروبي وبالمقابل ماسكهم من بضاتهم في موضوع اللجؤ والهجره من قبل اللاجئين السورين والعراقين وكل يوم ببتزهم شكل لاء وبالاخير بتهمهم بالعنصريه.
اذا من قبل دخول تركيا للاتحاد الاروبي عاملهم قلق وتهديد وابتزاز ومساومات كيف لو صارت تركيا عضو.
اروبا فيها معاير للحريات والحقوق والمساواه وطلب من تركيا الحد الادنى منها قام اردوغان حبس كل المعارضه اللي انتقدت او اللي فكرت بانها تنتقد ولسه ما انتقدت.
لاء وبيجونا البعض وبقولك تركيا المسلمه رافضين ال 50 دوله اروبيه اللي معظمهم علمانين بس لانهم شقر صاروا صليبين وخايفين من المسلمين.
طب يا جماعه هاي الدوله المسلمه تركيا طبعت مع اسرائيل اليهوديه ممكن حد يفهما شو اللي عمال يصير.
تركيا عضو بالناتو ,والناتو هدول كفار وصليبين وفي بتركيا قواعد وعلاقات قويه مع هاي الامبرياليه اللي اسمها امريكا ممكن حد يفسرلنا مشان اللي خلئكوم شو القصه.
يقال انو اردوغان مواقفه السياسي تتغير حسب حالة الطقس وما عنده سياسات دائمه عنده مصالح دائمه زيو زي كل العالم الحر الراسمالي وهاي شماعة دوله اسلاميه وانصر اخاك ظالما او مظلوما بستعملها بالوقت البدل الضائع بس عند الجد اللي ماخد امي عمي.
الزلمي مرات بنحمق وبتيس وبركب راسه بس بعد ما يشوف او الرياح لا تجري كما تشتهي السفن بغير وبتغير مش عم تزبط معوه.

زعل على روسيا بوتين واليوم ببعت مراسيل مشان الصلحه ومشان الله.
اصتلح مع اسرائيل ومصر على الخط وحسن خطه مع ايران واليوم رئيس وزرائه بن علي يلدرم بقولك الحرب في سوريا عبثيه وهاد الخادم الامين لاردوغان الحكي مش من راسه من راس رئيسه اردوغان.
معركة حلب على اشدها واذا سقطت حلب يعني كتير من احلام اردوغان راح تتبخر.
يمكن البعض يفكر اني من جماعة النظام انا من جماعة الشعب السوري الابي وبقول مجرد اخبار وواقع.
اردوغان بدو يعمل استفتاء اذا كان الاتراك بعد بدهم الدخول بالاتحاد الاروبي لانو حردان وشايف الشغله مش زابطه فبقولك الايغو وعزة النفس الشعب الركي لازم ترفض الدخول.
طب ليش ما تعمل استفتاء اذا كان الاكراد بدهم انفصال وحكخ ذاتي مثلا.
موضوع الاستفتاء اليوم مطروح بقوه كل شعوب الارض بدت تتفتئ انها بدا تستفتئ عن الاستفتاء على طبخة المفتئه













ا





التعليق والتصويت على الموضوع في الموقع الرئيسي


التعليقات

1 - جان الغالي
عبد الرضا حمد جاسم ( 2016 / 6 / 27 - 18:04 )
محبة و ســــــــــــــــــــــــــــــــــــــــــــــــــلام
اليك اردوغان يعتذر من-ابوعلي- بوتين كما يطلق عليه احفاد الثورة السورية.الرابط
http://www.raialyoum.com/?p=465136
راي اخوك العبد الراضي هو التالي
وماذا سيكون المطلب الروسي الحكيم من القبيح التركي الزنيم.سيكون : قف انتهى دورك في كل المنطقة فعندي اعتذارك الذي له ثمن قاسي وسيدفع الروسي التركي الى ارساله الى عائلة الطيار للتقبيل قدميها اعتذاراً.و هذا ما سيحصل.بوتين لن يفوت كعادته مثل هذه الفرصة المقترنه بتحسن علاقات تركيا مع اسرائيل مجاناً.سيزيح اردوغان وتركيا الى الابد من تاثيرها في كل الشرق الاوسط واسيا الوسطى وسيلعب بها ليدمر الاتحاد الاوربي والخليج.
ابوعلي بوتين كما تسميه ماجدة الثورة السورية يعرف يلعب وسيسحب اردوغان من خصيانه الى ان ينبطح و يركب عبد الله اوجلان الذي تسمية ماجدة الثورة السورية ستالين على ظهره وعبد الله اوجلان المجرم بنظر ماجدة الثورة السورية صارلوا سنين ما عامل شيء جنس لأن الاسلام يمنع ذلك في السجون عليه راح يقذفها بفم تل الماجدة وهي تعبد نموذج اردوغان ذابح الارمن و الكورد وتحيةالتركمان وقواد الثورة السورية

2 - الغالي عبد الرضا حمد جاسم المحترم
جان نصار ( 2016 / 6 / 27 - 19:49 )
انو اردوغان يطلب السماح من ابو علي بوتين هاي ذكرتها وبلحظة انتهائي من المقال قرأت الخبر.
اصلا تراجعات اردوغان بطلنا نلحق عليها.مش بعيد في الغد يقول انو راح يصتلح مع الاسد
في فلم لعادل امام اسمه رجب فوق صفيح ساخن وهو المقصو رجب طيب اردوغان فوق الصفيح الساخن.
اذا لم يعمل صلح مع الاكراد ويستسمح عبدلله اوجلان ويطلق سراحه فنهايته ستكون قريبه.
يا ترى شو موقف حماس والاخوان وقطر والسعوديه بالموضوع
من شروط اسرائيل كان انهاء تواجد جماعة حماس في تركيا او على الاقل تحجيمهم وهاد اللي راح يصير ولهيك حماس في الملعب الايراني ىويمكن يشاركوا او يدعموا بالملعب السوري.
بالسياسي بس المصالح بتتصالح
تحياتي يا خوي يا عبد الرضا

3 - خبر على الBBC
nasha ( 2016 / 6 / 28 - 10:27 )
الأخ العزيز جان اشتقتلك من زمان ما دخلت موقعك شلونك استاذنا؟
خبر نزل اليوم على ألبي بي سي طازج يفيد موضوعك .
الظاهر قردوغان سليل الأتراك الأوائل الهمج أما نزع الاندروير خلاص أو اضطر إلى استخدام التقية المحمدية.
الخبر يقول
اعتذر الرئيس التركي رجب طيب إردوغان عن إسقاط طائرة عسكرية روسية على الحدود السورية التركية، حسبما قال متحدث باسم الكرملين.
وأرسل إردوغان رسالة للرئيس الروسي فلاديمير بوتين يعرب فيها عن -التعاطف والعزاء- لـ -أسرة الطيار الذي قتل في الحادث-، حسبما قال المتحدث.
وأثارت تركيا غضب موسكو لأنها لم تعتذر عن الحادث في نوفمبر/تشرين الثاني الماضي.
وردت روسيا بفرض عقوبات تجارية وإيقاف الرحلات السياحية إلى تركيا.

4 - عنتر شايل خيبة
شيخ صفوك ( 2016 / 6 / 28 - 14:04 )
تصرف اردوغان في البداية وكأنه عنتر شايل سيفه
ولكنه عندما رأى ان سيف خصومه اكبر و اطول و اقوي من سيفه
ركع و طلب السماح
بوتين طلَّقه و حتي يرجعه يجب ان يدخل بها رجل آخر
ومن غير اسرائيل يقوم بالمهمة
مبروك لاردوغان

5 - الاستاذ ناشا المحترم
جان نصار ( 2016 / 6 / 28 - 14:08 )
القلوب عند بعضها انا ايضا اشتقت لحضورك ومداخلاتك القيمه وارجو ان لا تطول علينا الغيبه.
نعم اعتذر اردوغان وتخلى عن الصولجان والهيلمان والهذيان وعرف بالزبط حجمه الطبيعي.
كل العناد كان غير مبرر واراد ان يناطح السحاب
عندنا بقولوا فرطت المسبحه وكرت وهو اليوم مجبر على اتخاذ خطواط للتراجع رغم اني ارى انه شخص لا يؤتمن جانبه.
روسيا لم تقل كلمتها الاخيره بعد.اردوغان يحاول انقاذ ما يمكن انقاذه حتى موقفه من الحرب السوريه تغير ومش بعيد انو يصتلح مع الاسد او اضعف الايمان يوقف على جنب
دخل تركيا وحده من السياحه اكثر من 36 مليار دولار غير التبادل التجاري مع دول الجوار.
تحياتي ومودتي

6 - عزيزي شيخ صفوك المحترم
جان نصار ( 2016 / 6 / 28 - 14:41 )
المثل بقول ضربتين على الراس بتوجع فما بالك وانو اردوغان مش قادر يجمع من كثرة الضرب على راسه.
لازم يعتذر من الالمان ومن نوابهم ذوي الاصول التركيه ومن ميركيل شخصيا بالاضافه الى الاعتذار من الشعب السوري والعراقي والارمني والكردي واليوناني والروماني والبلغاري والامريكي والمصري والايراني ويطيب خاطر الاخوان وين ما كان وجماعة حماس والمعارضه الداخليه والخارجيه التركيه
من الاخر الزلمي لازمه شي 5 سنوات اعتذارات وتبريرات من الجيران والخلان والحملان والخرفان والصيصان والفيران
هلا بيك يا ورده
تحياتي وابتساماتي

اخر الافلام

.. أبطال السرب يشاهدون الفيلم مع أسرهم بعد طرحه فى السينمات


.. تفاعلكم | أغاني وحوار مع الفنانة كنزة مرسلي




.. مرضي الخَمعلي: سباقات الهجن تدعم السياحة الثقافية سواء بشكل


.. ما حقيقة اعتماد اللغة العربية في السنغال كلغة رسمية؟ ترندينغ



.. عدت سنة على رحيله.. -مصطفى درويش- الفنان ابن البلد الجدع