الحوار المتمدن - موبايل
الموقع الرئيسي


كدبة بلياتشو

عادل عياد

2016 / 8 / 14
الادب والفن


بنحب البلياتشو
شوية ألوان بيداري بيهم حزنه
فنتوهم بالرسمه الكدابه
...
زي ما يكون ..
أنا لسه جوايا روحي
ودقات قلبي ..
لسه بتلازمني
وعقلي العاقل ..
بيصرخ في فراغ الذكريات
زي النفخ في القربه المقطوعه
...
الوصول للحقيقه
أصبح سهل جداً
ومفهوم ..
الغيوم بتاخدك
في إطار الموج المسافر للعدم
والشعور بندم مش موجود
أو موجود !
وإيه يفرق مع سمكه
طمعت في وجبه خفيفه
في سن سناره !!
...
كأن عيوني شايفه بخار الواقع
وطيف من الأجساد
بيطوف
وبينتظر الركود على سطح مستنقع
والغريب أو مش غريب
- محدش عارف –
إنه بيركض إلى مالانهايه
والخوف من الغرق
بيتخلق في كل خطوه
...
كأن إديا خايفه ترفرف
أو ترفع صباعين للنصر ..
كأنهم أصلاً مش موجودين
أو يمكن متكلبشين
- مش عارف –
وهنا في شمعه مكسوره
عايشه في انفصام
ملزوقه على جدران الزمن المنهار ..
وهنا في دموع مشتعله
كبركان بيقذف بحممه
بيقذف قذف عنيف
على سكان مدينة حياتي الباسله !!!
...
( ارفع بيدك الأنقاض ..
واحمل نفسك من أسفلها ..
لاتنتظر وعود المارين من ههنا ..
فخرابك يُحمل فقط بسواعد روحك ..
لا بكذب الآخرين ... )





التعليق والتصويت على الموضوع في الموقع الرئيسي


اخر الافلام

.. دياب في ندوة اليوم السابع :دوري في فيلم السرب من أكثر الشخص

.. مليون و600 ألف جنيه يحققها فيلم السرب فى اول يوم عرض




.. أفقد السقا السمع 3 أيام.. أخطر مشهد فى فيلم السرب


.. في ذكرى رحيله.. أهم أعمال الفنان الراحل وائل نور رحمة الله ع



.. كل الزوايا - الفنان يحيى الفخراني يقترح تدريس القانون كمادة