الحوار المتمدن - موبايل
الموقع الرئيسي


الى صديقي العماري

طالب الجليلي
(Talib Al Jalely)

2016 / 8 / 23
الادب والفن


الى صديقي كامل خزعل العماري ...

تدري من تهب
نسمه نعسانه
امن الجنوب ..
احضنها وشمنها
وكول افيش ياكلبي
يمعابى
من شوكَك للعماره
أبد متّوب...!!
يا خويا تعبني الوكت
والروح ولهانه
ابهواها اتلوب
تندهني صورة هلي
ريشه دولبها الهوا
مرمرني هلمكتوب
اتذكر اسنيني المضن
مثل الجمر
لحظه اوطفن
اتذكر ا
الطرادهً من تسبح
ابهور الدبن
والشلفه وأم اشعير
ديرتنا معجونه ابفرح
والطيب ...
موش ابحزن ...
.........
حنيت ..ارد اشوفن
نعُية الماي والبرهان
والغرنوك وم سجه
تهيج اجروحي من اشتم
هوا المرطوب والسياح
وشوف ( العيبي ) علجباشه
ايدوّر ابشبجه !!
اخ ياروحي مو كلكامش
أنا العاشك ثنايا الهور
اوسماه الزركه
مثل الشذر..
منثوره عليها اغيوم
جنهن طشة النفاش
بالدبجه...
...........

يلتنشد...
إخذ من عمري
كل الراح
والوشله الصفت منه
بلا منه..
ردلي ولو،
ليله
من غنانا اوسوالفنا
وصيه للشمس لا تطلع
وسويها الك حنه
أكل ل(احميد) الملجوم
مامش ( طلايب ) بعد
فضينا طلايبنا..!!
وكلله مامش طائفيه
او ( كتل )...
ولا ( إسلامويه) اودجل
ولا يتبختر ابديرتنا
داعش ..
ولا يحكم سلفنا
من تالي،
أبو الجعل...!!0
وكلَلَه الخلف بالله
واصرخ عالربابه الفجر
وانشد...
احميد ...يا ( هداية الله) !!!

23 اب 2016





التعليق والتصويت على الموضوع في الموقع الرئيسي


اخر الافلام

.. المخرج عادل عوض يكشف كواليس زفاف ابنته جميلة عوض: اتفاجئت بع

.. غوغل تضيف اللغة الأمازيغية لخدمة الترجمة




.. تفاصيل ومواعيد حفلات مهرجان العلمين .. منير وكايروكي وعمر خي

.. «محمد أنور» من عرض فيلم «جوازة توكسيك»: سعيد بالتجربة جدًا




.. فـرنـسـا: لـمـاذا تـغـيـب ثـقـافـة الائتلاف؟ • فرانس 24 / FR