الحوار المتمدن - موبايل
الموقع الرئيسي


كلمتي نور .... (قصيدة بالعامية المصرية)

احمد علي بدوي

2016 / 8 / 25
الادب والفن


كلمتي نور ..

أشُقّ الضلمه بالكلمة ..
و اعدّي بحور ...
و الفّ الكون في أُمسيّه ...
و اعود مسحور ....
و يستهويني في الملكوت ..
غُنا العصفور ..
و طلعة شمس ... و القمرة في شباكى ...
و ابات الليل و انا باكي ...
و أصحي الفجر وياكي ...
نقول أناشيد ....
يا فجر جديد ...
صباح الخير علي الدنيا ...
صباح النور علي الانسان ..
أنا الشقيان علي اللقمة ..
باحب النور .....
و أكره عتمة الضلمة ....
و ضِلّ السُّور .....
و لما أغني موالي ...
ما اقولشي: ياليل ....
باقول: يا نهار ...
و احب الجار ...
و انادى الخلق ويايا ...
عَشَا و فطار ...
يشاركوني ..
أنا الشقيان علي الإنسان ..
و أهل الله يباركونى ....
أنا التلميذ ...
و مدرستى ..
حواري و دُور ...
و زحمة ناس بتستني ...
قَدَر مَقدُور ..
و فارس للخلاص غايب ...
أمل مكسور ...
أنا الانسان ....
لا انا شيطان ..
و لا ودي .... اني ابقي ملاك...
يا ريت تقبل ....
و انا وياك .....
اخي الانسان:
تحياتى ...





التعليق والتصويت على الموضوع في الموقع الرئيسي


اخر الافلام

.. بعد فوز فيلمها بمهرجان مالمو المخرجة شيرين مجدي دياب صعوبة ع

.. كلمة أخيرة - لقاء خاص مع الفنانة دينا الشربيني وحوار عن مشو



.. كلمة أخيرة - كواليس مشهد رقص دينا الشربيني في مسلسل كامل الع

.. دينا الشربيني: السينما دلوقتي مش بتكتب للنساء.. بيكون عندنا




.. كلمة أخيرة - سلمى أبو ضيف ومنى زكي.. شوف دينا الشربيني بتحب